യുഎഇയില് മലയാളികള് സഞ്ചരിച്ച വാഹനം അപകടത്തില്പെട്ട് യുവാവ് മരിച്ചു; ഒരാള്ക്ക് ഗരുതര പരിക്ക്
Synopsis
മലപ്പുറം തിരൂര് അന്നാര തവറന്കുന്നത്ത് അബ്ദുറഹ്മാന്റെ മകന് മുഹമ്മദ് സുല്ത്താന് (25) ആണ് മരിച്ചത്. യുഎഇയിലെ ഏറ്റവും ഉയരം കൂടിയ മലനിരയായ ജബല് ജൈസില് ശനിയാഴ്ച എത്തിയ സംഘം രാത്രി അവിടെ തങ്ങുകയായിരുന്നു.
റാസല്ഖൈമ: യുഎഇയില് മലയാളികള് സഞ്ചരിച്ചിരുന്ന വാഹനം അപകടത്തില്പെട്ട് യുവാവ് മരിച്ചു. ഒരാള്ക്ക് ഗുരുതരമായി പരിക്കേറ്റു. ഞായറാഴ്ച ഉച്ചയോടെയായിരുന്നു സംഭവം. ജബല് ജൈസ് സന്ദര്ശിച്ച ശേഷം മടങ്ങിവരുന്നതിനിടെയാണ് അഞ്ചംഗ സംഘം സഞ്ചരിച്ചിരുന്ന വാഹനം അപകടത്തില്പെട്ടത്.
മലപ്പുറം തിരൂര് അന്നാര തവറന്കുന്നത്ത് അബ്ദുറഹ്മാന്റെ മകന് മുഹമ്മദ് സുല്ത്താന് (25) ആണ് മരിച്ചത്. യുഎഇയിലെ ഏറ്റവും ഉയരം കൂടിയ മലനിരയായ ജബല് ജൈസില് ശനിയാഴ്ച എത്തിയ സംഘം രാത്രി അവിടെ തങ്ങുകയായിരുന്നു. ഞായറാഴ്ച ഉച്ചയ്ക്ക് 12.30ഓടെ മലയിറങ്ങവെ ഇവര് സഞ്ചരിച്ചിരുന്ന വാഹനം മറ്റൊരു വാഹനവുമായി കൂട്ടിയിടിച്ചാണ് അപകടമുണ്ടായത്.
വാഹനം ഓടിച്ചിരുന്ന സുല്ത്താനെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. സുഹൃത്തുക്കളായ അഖില്, മുഹമ്മദ് ഷഫീഖ്, സഹല്, ഹാദി എന്നിവരാണ് വാഹനത്തിലുണ്ടായിരുന്ന മറ്റുള്ളവര്. ഇവരില് ഗുരുതരമായി പരിക്കേറ്റ അഖില് ആശുപത്രിയിലെ തീവ്രപരിചരണ വിഭാഗത്തിലാണ്. മറ്റുള്ളവരുടെ പരിക്കുകള് സാരമുള്ളതല്ല.
മരിച്ച സുല്ത്താന്, അബുദാബിയിലെ വിടെക് കെയര് എന്ന സ്ഥാപനത്തില് ആര്ക്കൈവ്സ് ക്ലര്ക്ക് ആണ്. റംലയാണ് മാതാവ്. സഹോദരങ്ങള് - ഷറഫുദ്ദീന്, ഷക്കീല, ഷഹന. ഖബറടക്കം പിന്നീട്.
Read also: താമസസ്ഥലത്ത് വീണു പരിക്കേറ്റതിനെ തുടര്ന്ന് ചികിത്സയിലായിരുന്ന പ്രവാസി മലയാളി മരിച്ചു
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ