സ്ഥാനപതിയെ നേരിൽ കണ്ട് പരാതികൾ അറിയിക്കാൻ പ്രവാസികൾക്ക് അവസരം; എംബസിയില്‍ ഓപ്പൺ ഹൗസ്

വെള്ളിയാഴ്ച ഉച്ചക്ക് രണ്ടരയ്ക്ക് മസ്‍കറ്റിലെ  ഇന്ത്യൻ എംബസിയിൽ ആരംഭിക്കുന്ന ഓപ്പൺ ഹൗസിൽ  പ്രവാസികളുടെ ക്ഷേമവുമായി ബന്ധപ്പെട്ട ഏത് കാര്യങ്ങളും ഉന്നയിക്കാനാവും.

മസ്കറ്റ്: ഒമാനിൽ താമസിക്കുന്ന ഇന്ത്യക്കാർക്ക് ഒമാനിലെ ഇന്ത്യന്‍ സ്ഥാനപതിയെ നേരിൽ കണ്ട് പരാതികൾ അറിയിക്കാനും പരിഹാരമാർഗങ്ങൾ കണ്ടെത്തുവാനുമായി എല്ലാ മാസവും നടത്തി വരുന്ന ഓപ്പൺ ഹൗസ് ഓഗസ്റ്റ് 26 ന് നടക്കുമെന്ന് എംബസി വൃത്തങ്ങൾ അറിയിച്ചു .

വെള്ളിയാഴ്ച ഉച്ചക്ക് രണ്ടരയ്ക്ക് മസ്‍കറ്റിലെ  ഇന്ത്യൻ എംബസിയിൽ ആരംഭിക്കുന്ന ഓപ്പൺ ഹൗസിൽ  പ്രവാസികളുടെ ക്ഷേമവുമായി ബന്ധപ്പെട്ട ഏത് കാര്യങ്ങളും ഉന്നയിക്കാനാവും. സ്ഥാനപതിയോടൊപ്പം  കാര്യാലയത്തിലെ എല്ലാ ഉയർന്ന ഉദ്യോഗസ്ഥരും പങ്കെടുക്കുന്ന  ഓപ്പൺ ഹൗസ്സ് വൈകുന്നേരം 4.00 മണിയോടെ അവസാനിക്കുമെന്ന് ഇന്ത്യൻ എംബസ്സി  പുറത്തിറക്കിയ വാർത്താ  കുറിപ്പിൽ പറയുന്നു.

ഓപ്പൺ ഹൗസ്സിൽ  നേരിട്ട് പങ്കെടുക്കാൻ സാധിക്കാത്തവർ തങ്ങളുടെ പരാതി 98282270 നമ്പറിൽ മുൻകൂട്ടി  രെജിസ്റ്റർ ചെയ്യാനും എംബസി ആവശ്യപ്പെട്ടിട്ടുണ്ട്. ഇങ്ങനെ ലഭിക്കുന്ന പരാതികള്‍ക്കുള്ള മറുപടി  ഓപ്പണ്‍ ഹൗസില്‍ നൽകുമെന്നാണ് എംബസി ഇന്ന് പുറത്തിറക്കിയ വാർത്തകുറിപ്പിൽ വ്യക്തമാക്കിയിരിക്കുന്നത്. 

 ഒമാനില്‍ രക്തം ദാനം ചെയ്യാന്‍ ആഹ്വാനം ചെയ്‍ത് അധികൃതര്‍

മസ്‍കത്ത്: ഏതാണ്ടെല്ലാ രക്ത ഗ്രൂപ്പുകളുടെയും സ്റ്റോക്ക് കുറയുന്ന സാഹചര്യത്തില്‍, രക്തദാനത്തിന് സന്നദ്ധരാവണമെന്ന് പൊതുജനങ്ങളോട് അഭ്യര്‍ത്ഥിച്ച് ഒമാന്‍ ബ്ലഡ് ബാങ്ക് സര്‍വീസസ് വകുപ്പ് . ബൗഷറിലെ സെന്‍ട്രല്‍ ബ്ലഡ് ബാങ്കിലെത്തി രക്തം ദാനം ചെയ്യാനാണ് ഔദ്യഗികമായി പുറത്തിറക്കിയ പ്രസ്‍താവനയില്‍ അധികൃതര്‍ അഭ്യര്‍ത്ഥിക്കുന്നത്.

വിവിധ ആരോഗ്യ സ്ഥാപനങ്ങളിലേക്ക് ആവശ്യമായ രക്തം ലഭ്യമാക്കാന്‍ ഈയാഴ്‍ച ബൗഷറിലെ സെന്‍ട്രല്‍ ബ്ലഡ് ബാങ്കിന് അഞ്ഞൂറിലധികം രക്ത ദാതാക്കളെ ലഭിക്കേണ്ട സാഹചര്യമുണ്ട്. മിക്കവാറും എല്ലാ രക്ത ഗ്രൂപ്പുകളുടെയും സ്റ്റോക്ക് കുറവാണ്. അതുകൊണ്ടുതന്നെ സ്വയം തയ്യാറായി രക്തം ദാനം ചെയ്യാന്‍ എല്ലാവരും മുന്നോട്ടുനവരണമെന്നാണ് ഡിപ്പാര്‍ട്ട്മെന്റ് ഓഫ് ബ്ലഡ് ബാങ്ക് സര്‍വീസസ് പുറത്തിറക്കിയ പ്രസ്‍താവനയില്‍ ആവശ്യപ്പെട്ടിരിക്കുന്നത്.