ഖത്തറിൽ ഈ വർഷം നടക്കുന്ന ഫിഫ ടൂർണമെന്‍റുകളിൽ വോളന്‍റിയറാകാൻ അപേക്ഷിച്ചത് കാൽലക്ഷത്തിലേറെ പേർ

ഖ​ത്ത​റി​ൽ താ​മ​സി​ക്കു​ന്ന 126 രാ​ജ്യ​ങ്ങ​ളി​ൽ ​നി​ന്നു​ള്ള​വരും അപേക്ഷകരിലുണ്ട്. ഇ​തി​ൽ 18 മു​ത​ൽ 76 വ​യ​സ്സു​വ​രെ പ്രാ​യ​മു​ള്ള ആ​ളു​ക​ളു​ണ്ട്.

ദോഹ: ഖ​ത്ത​റി​ൽ ഈ ​വ​ർ​ഷം ന​വം​ബ‌​ർ, ഡി​സം​ബ​ർ മാ​സ​ങ്ങ​ളി​ലാ​യി ന​ട​ക്കു​ന്ന ഫി​ഫ ടൂർണമെന്റുകളിൽ വോളന്‍റിയറാകാൻ അപേക്ഷിച്ചത് 25,000ൽ ​അ​ധി​കം പേർ. ഖത്തർ വേദിയാകുന്ന ഫി​​ഫ അ​ണ്ട​ർ 17 ലോ​ക​ക​പ്പ്, ഫി​ഫ അ​റ​ബ് ക​പ്പ് എ​ന്നി​വ​ക്കാ​യി മേ​യി​ലാ​ണ് ര​ജി​സ്ട്രേ​ഷ​ൻ ആ​രം​ഭി​ച്ച​ത്. സ​ന്ന​ദ്ധ​രാ​യ 25,000ൽ ​അ​ധി​കം അപേക്ഷകരിൽ നിന്നും ഇരുപതില​ധി​കം വി​​ഭാ​​ഗ​​ങ്ങ​​ളി​​ലേക്കായി 4000ഓ​​ളം വ​​ള​​ന്റി​​യ​​ർ​​മാ​​ർ​​ക്കാ​​ണ് അ​​വ​​സ​​രം ല​ഭി​ക്കു​ക.

വോളന്‍റി​യ​റാകാൻ അ​പേ​ക്ഷിച്ചവരിൽ ഖ​ത്ത​റി​ൽ താ​മ​സി​ക്കു​ന്ന 126 രാ​ജ്യ​ങ്ങ​ളി​ൽ ​നി​ന്നു​ള്ള​വരുണ്ട്. ഇ​തി​ൽ 18 മു​ത​ൽ 76 വ​യ​സ്സു​വ​രെ പ്രാ​യ​മു​ള്ള ആ​ളു​ക​ളു​ണ്ട്. ലുസൈൽ സ്റ്റേഡിയത്തിൽ നടക്കുന്ന അ​ഭി​മു​ഖ​ങ്ങ​ൾ പൂ​ർ​ത്തി​യാ​യി​ക്ക​ഴി​ഞ്ഞാ​ൽ, തെ​ര​ഞ്ഞെ​ടു​ത്ത വ​ള​ന്റി​യ​ർ​മാ​ർ​ക്ക് ആ​​ഗ​സ്റ്റ് മു​ത​ൽ ചു​മ​ത​ല​ക​ൾ സം​ബ​ന്ധി​ച്ച അറിയിപ്പുകൾ ല​ഭി​ക്കും. റി​ക്രൂ​ട്ട്‌​മെ​ന്റ് പ്ര​ക്രി​യ പൂ​ർ​ത്തി​യാ​കു​ന്ന​തോ​ടെ 20 വ്യ​ത്യ​സ്ത പ്ര​വ​ർ​ത്ത​ന മേ​ഖ​ല​ക​ളി​ലാ​യി ആ​കെ 4000 വ​ള​ന്റി​യ​ർ​മാ​രെ നി​യ​മി​ക്കും. വോളന്‍റിയ​​ര്‍മാ​​ര്‍ക്ക് ഒ​​ഫി​​ഷ്യ​​ല്‍ യൂ​​ണി​​ഫോം, സേ​​വ​​ന സ​​മ​​യ​​ത്ത് ഭ​​ക്ഷ​​ണം, സൗ​​ജ​​ന്യ യാ​​ത്ര, ടൂ​​ര്‍ണ​​മെ​​ന്റി​​ന്റെ ലി​​മി​​റ്റ​​ഡ് എ​​ഡി​​ഷ​​ന്‍ ഗി​​ഫ്റ്റു​​ക​​ള്‍ എ​​ന്നി​​വ​യും ല​​ഭി​​ക്കും. ന​​വം​​ബ​​ർ മൂ​​ന്നു മു​​ത​​ൽ 27 വ​​രെ​​യാ​​ണ് ഫിഫ അ​​ണ്ട​​ർ 17 ലോ​​ക​​ക​​പ്പ് ഖ​ത്ത​റി​ൽ ന​ട​ക്കു​ക. 48 ടീമുകൾ പങ്കെടുക്കുന്ന ആദ്യത്തെ ഫിഫ അണ്ടർ 17 ടൂർണമെന്റാണിത്. ഫി​ഫ അ​റ​ബ് ക​പ്പ് ഡി​സം​ബ​ർ ഒ​ന്നു മു​ത​ൽ 18 വ​രെയും ന​ട​ക്കും.