പെട്രോൾ ഡീസൽ നിരക്കുകൾ ഉയരും; യുഎഇയിൽ പുതിയ ഇന്ധന വില പ്രഖ്യാപിച്ചു, ഇന്ന് അർധരാത്രി മുതൽ പ്രാബല്യത്തിൽ
Synopsis
ഇന്ന് അര്ധരാത്രി മുതല് പുതിയ വില പ്രാബല്യത്തിൽ വരും.
അബുദാബി: യുഎഇയില് ജൂലൈ മാസത്തിലെ ഇന്ധനവില പ്രഖ്യാപിച്ചു. പെട്രോള്, ഡീസല് വില വര്ധിച്ചു. യുഎഇയിലെ ഇന്ധനവില നിര്ണയ സമിതിയാണ് പെട്രോള്, ഡീസല് നിരക്കുകള് നിര്ണയിക്കുന്നത്. പുതിയ വില ഇന്ന് അര്ധരാത്രി മുതല് പ്രാബല്യത്തില് വരും.
ജൂലൈ മാസത്തില് സൂപ്പര് 98 പെട്രോള് ലിറ്ററിന് 2.70 ദിര്ഹമാണ് വില. ജൂണില് ഇത് 2.58 ദിര്ഹം ആയിരുന്നു. സ്പെഷ്യല് 95 പെട്രോള് ലിറ്ററിന് 2.58 ദിര്ഹമാണ് പുതിയ നിരക്ക്. ജൂൺ മാസത്തില് 2.47 ദിര്ഹം ആയിരുന്നു. ഇ പ്ലസ് 91 പെട്രോളിന് ജൂലൈ മാസത്തില് 2.51 ദിര്ഹമാണ് നിരക്ക്. ജൂണില് ഇത് 2.39 ദിര്ഹം ആയിരുന്നു. ഡീസല് വിലയിലും വര്ധനവുണ്ടായിട്ടുണ്ട്. ഡീസല് ലിറ്ററിന് 2.63 ദിര്ഹമാണ് പുതിയ നിരക്ക്. ജൂൺ മാസത്തില് 2.45 ദിര്ഹം ആയിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam