പൂര്ണഗര്ഭിണിയായ യുവതിയെ കഴുത്തറുത്ത് കൊലപ്പെടുത്തി; കാമുകന് അറസ്റ്റില്
Synopsis
മകളെ കാണാന് അപ്പാര്ട്ട്മെന്റിലെത്തിയ അമ്മയാണ് ലീസ് എ ഡോഡിനെ തല അറുത്തു മാറ്റപ്പെട്ട നിലയില് കണ്ടെത്തിയത്. പ്രസവത്തിന് ഒരു മാസം ശേഷിക്കെയാണ് യുവതി ക്രൂരമായി കൊല്ലപ്പെട്ടത്.
ഇല്ലിനോയ്സ്: അമേരിക്കയിലെ ഇല്ലിനോയ്സില് പൂര്ണ ഗര്ഭിണിയായ യുവതിയെ കഴുത്തറുത്ത് കൊലപ്പെടുത്തിയ കാമുകന് അറസ്റ്റില്. ലീസ് എ ഡോഡ് എന്ന 22കാരിയാണ് കൊല്ലപ്പെട്ടത്.
ജൂണ് ഒമ്പതിന് നടന്ന സംഭവത്തിന്റെ വിശദ വിവരങ്ങള് ഇല്ലിനോയ്സ് പൊലീസ് പുറത്തുവിടുകയായിരുന്നു. ബൊളിവര് സ്ട്രീറ്റിലെ 3400 ബ്ലോക്കില് നിന്ന് ലഭിച്ച ഫോണ് സന്ദേശത്തെ തുടര്ന്നാണ് വിവരം പുറത്തറിയുന്നത്. മകളെ കാണാന് അപ്പാര്ട്ട്മെന്റിലെത്തിയ അമ്മയാണ് ലീസ് എ ഡോഡിനെ തല അറുത്തു മാറ്റപ്പെട്ട നിലയില് കണ്ടെത്തിയത്. പ്രസവത്തിന് ഒരു മാസം ശേഷിക്കെയാണ് യുവതി ക്രൂരമായി കൊല്ലപ്പെട്ടത്. പ്രതിയായ കാമുകന് ഡിയാന്ഡ്ര ഹോളോവെയുമായി കഴിഞ്ഞ രണ്ടുവര്ഷമായി ലീസിന് ബന്ധമുണ്ടായിരുന്നു.
Read Also: അവധിക്ക് നാട്ടില് പോയ പ്രവാസി സ്ത്രീ ഹൃദയാഘാതം മൂലം മരിച്ചു
അന്വേഷണത്തില് പ്രതിയായ കാമുകന് അറസ്റ്റിലായി. യുവതി താമസിച്ചിരുന്ന അപ്പാര്ട്ട്മെന്റിന് അടുത്ത് മാലിന്യമിടാന് വെച്ചിരുന്ന വലിയ പാത്രത്തില് ആണ് യുവതിയുടെ തല നിക്ഷേപിച്ചത്. പ്രതി തന്നെയാണ് ഇക്കാര്യം പൊലീസില് അറിയിച്ചത്. പ്രതിയുടെ പേരില് രണ്ട് ഫസ്റ്റ് ഡിഗ്രി മര്ഡറില് കേസെടുത്തിട്ടുണ്ട്. രണ്ട് മില്യന് ഡോളറിന്റെ ജാമ്യം അനുവദിച്ച പ്രതിയെ ജൂണ് 24ന് മാഡിസണ് കൗണ്ടി സര്ക്യൂട്ട് കോടതിയില് ഹാജരാക്കും.
വാഹനം മരുഭൂമിയില് കുടുങ്ങി; വെള്ളം കിട്ടാതെ ദാഹിച്ചു വലഞ്ഞ പിതാവും ഏഴു വയസ്സുകാരനും മരിച്ചു
റിയാദ്: സൗദി അറേബ്യയിലെ മരുഭൂമിയില് വാഹനം കുടുങ്ങിയതിനെ തുടര്ന്ന് വെള്ളം കിട്ടാതെ സ്വദേശിയും ഏഴു വയസ്സുകാരനായ മകനും മരിച്ചു. ദാഹവും തളര്ച്ചയും മൂലമാണ് ഇവര് മരിച്ചതെന്ന് പ്രാദേശിക മാധ്യമങ്ങളെ ഉദ്ധരിച്ച് 'ഗള്ഫ് ന്യൂസ്' റിപ്പോര്ട്ട് ചെയ്തു.
സൗദി അറേബ്യയിലെ അജ്മാന് താഴ് വരയിലാണ് ദാരുണ സംഭവം ഉണ്ടായത്. മരുഭൂമിയില് ആടുവളര്ത്തല് കേന്ദ്രത്തിലേക്ക് പോയ സൗദി പൗരന് മകനെയും കൂടെ കൂട്ടി. എന്നാല് യാത്രാമധ്യേ ഇവരുടെ കാര് മണലില് കുടുങ്ങി. മൊബൈല് ഫോണ് നെറ്റ് വര്ക്ക് കവറേജ് ഇല്ലാത്ത സ്ഥലമായിരുന്നതിനാല് സഹായം ചോദിക്കാനായില്ല. കാര് പുറത്തെടുക്കാനുള്ള ശ്രമങ്ങളെല്ലാം വിഫലമായതിനെ തുടര്ന്ന് മുഗതി ഗ്രാമം ലക്ഷ്യമാക്കി സൗദി പൗരന് കാല്നട യാത്ര ചെയ്യുകയായിരുന്നു.
വഴിമധ്യേ കൊടുംചൂടില് ദാഹപരവശനായി യാത്ര തുടരാനാകാതെ ഇയാള് മരിച്ചു വീഴുകയായിരുന്നു. ഇവിടെ നിന്ന് കുറച്ച് ദൂരം മാറി മറ്റൊരു സ്ഥലത്താണ് ബാലനെ മരിച്ച നിലയില് കണ്ടെത്തിയത്. രണ്ടുപേരുടെയും മൃതദേഹങ്ങള് മുല്ലേജ പ്രിന്സ് സുല്ത്താന് ആശുപത്രി മോര്ച്ചറിയിലേക്ക് മാറ്റി. ഇവരെ കാണാനില്ലെന്ന് വീട്ടുകാര് പരാതി നല്കിയതിനെ തുടര്ന്ന് അന്വേഷിച്ചിറങ്ങിയ സൗദി രക്ഷാപ്രവര്ത്തക സംഘമാണ് മൃതദേഹങ്ങള് കണ്ടെത്തിയത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam