Qatar Covid Report : ഖത്തറില് 4,021 പുതിയ കൊവിഡ് കേസുകള് കൂടി, രണ്ടു മരണം
Synopsis
പുതിയതായി സ്ഥിരീകരിച്ച കൊവിഡ് കേസുകളില് 3,518 പേര്ക്ക് സമ്പര്ക്കത്തിലൂടെയും 503 പേര് വിദേശത്ത് നിന്ന് മടങ്ങിയെത്തിയവരാണ്.
ദോഹ: ഖത്തറില് (Qatar) 4,021 പേര്ക്ക് കൂടി കൊവിഡ്(covid) സ്ഥിരീകരിച്ചതായി പൊതുജനാരോഗ്യ മന്ത്രാലയം ഞായറാഴ്ച അറിയിച്ചു. ചികിത്സയിലായിരുന്ന 2,586 പേര് കൂടി രാജ്യത്ത് രോഗമുക്തി നേടി. ആകെ 2,58,017 പേരാണ് ഇതുവരെ രോഗമുക്തരായിട്ടുള്ളത്.
പുതിയതായി സ്ഥിരീകരിച്ച കൊവിഡ് കേസുകളില് 3,518 പേര്ക്ക് സമ്പര്ക്കത്തിലൂടെയും 503 പേര് വിദേശത്ത് നിന്ന് മടങ്ങിയെത്തിയവരാണ്. കൊവിഡ് ബാധിച്ച് ഒരു കുഞ്ഞ് ഉള്പ്പെടെ പുതിയതായി രണ്ടു മരണങ്ങളാണ് റിപ്പോര്ട്ട് ചെയ്തത്. 626 പേരാണ് ഖത്തറില് ആകെ കൊവിഡ് ബാധിച്ച് മരിച്ചത്. ആകെ 2,99,242 പേര്ക്കാണ് രാജ്യത്ത് കൊവിഡ് സ്ഥിരീകരിച്ചിട്ടുള്ളത്.
നിലവില് 40,600 പേര് കൊവിഡ് ബാധിച്ച് ചികിത്സയിലുണ്ട്. 39,432 കൊവിഡ് പരിശോധനകള് കൂടി പുതിയതായി നടത്തി. ഇതുവരെ 3,264,723 കൊവിഡ് പരിശോധനകളാണ് ഖത്തറില് നടത്തിയിട്ടുള്ളത്. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് 11 പേരെ കൂടി തീവ്രപരിചരണ വിഭാഗത്തില് പ്രവേശിപ്പിച്ചു. നിലവില് 91 പേരാണ് തീവ്രപരിചരണ വിഭാഗങ്ങളില് കഴിയുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam