30 അ​ടി​യോ​ളം വ​ലിപ്പമുള്ള തിമിംഗല സ്രാവുകളെ അടുത്ത് കാണാം, ഉ​ൾ​ക്ക​ട​ലി​ലേ​ക്കൊരു ടൂർ; പ​ദ്ധ​തിയുമായി ഖത്തർ

വിനോദ യാ​ത്ര​യു​ടെ പു​തി​യ സീ​സ​ൺ ‘വെ​യ്ൽ ഷാ​ർ​ക് ടൂ​ർ’ പ്ര​ഖ്യാ​പി​ച്ച് ഖത്തർ ടൂറിസം. 20-30 അ​ടി​യോ​ളം വ​ലു​പ്പ​മു​ള്ള, 600ഓ​ളം തി​മിം​ഗ​ല സ്രാ​വു​ക​ളാ​ണ് ഒ​രു സീ​സ​ണി​ൽ ഖ​ത്ത​റി​ന്റെ പു​റം​ക​ട​ലി​ലെ​ത്തു​ന്ന​ത്.

ദോഹ: ഖ​ത്ത​റിന്‍റെ പു​റം​ക​ട​ലി​ലെത്തുന്ന തി​മിം​ഗ​ല സ്രാ​വു​ക​ളെ ഏറ്റവും അടുത്തു കാണാനും അവയുടെ ചലനങ്ങൾ നിരീക്ഷിക്കാനുമായി അ​വ​സ​ര​മൊ​രു​ക്കു​ന്ന വിനോദ യാ​ത്ര​യു​ടെ പു​തി​യ സീ​സ​ൺ ‘വെ​യ്ൽ ഷാ​ർ​ക് ടൂ​ർ’ ഖ​ത്ത​ർ ടൂ​റി​സം പ്ര​ഖ്യാ​പി​ച്ചു. ഖ​ത്ത​റി​ന്റെ സമുദ്ര മേ​ഖ​ല​യി​ൽ ഏ​പ്രി​ൽ മു​ത​ൽ സെ​പ്റ്റം​ബ​ർ മാ​സം വ​രെയാണ് തി​മിം​ഗ​ല സ്രാ​വു​കൾ അ​തി​ഥി​ക​ളാ​യെ​ത്തു​ന്നത്. ​പ്ലെ​യ്സ് വെ​ൻ​ഡോം മാ​ളി​ൽ ന​ട​ന്ന ച​ട​ങ്ങി​ലാ​യി​രു​ന്നു സ്വ​ദേ​ശി​ക​ൾ​ക്കും താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കുമായി ഡിസ്കവർ ഖത്തറുമായി സഹകരിച്ച്‌ നടത്തുന്ന ​ഈ വേറി​ട്ട വി​നോ​ദ സ​ഞ്ചാ​ര പ​ദ്ധ​തി അ​വ​ത​രി​പ്പി​ച്ച​ത്.

തിമിംഗല സ്രാവുകൾ ഏറ്റവും കൂടുതൽ ഒത്തുചേരുന്നത് ഖ​ത്ത​റി​ന്റെ വ​ട​ക്ക​ൻ മേ​ഖ​ല​യി​ലെ ക​ട​ൽ ഭാ​ഗ​ത്താ​ണ്. ലോ​ക​ത്തി​ലെ​ത്ത​ന്നെ ഏ​റ്റ​വും വ​ലി​യ തി​മിം​ഗ​ല സ്രാ​വു​ക​ളു​ടെ സാ​ന്നി​ധ്യ​മു​ള്ള​ത് ഇവിടെയാണ്. 20-30 അ​ടി​യോ​ളം വ​ലു​പ്പ​മു​ള്ള, 600ഓ​ളം തി​മിം​ഗ​ല സ്രാ​വു​ക​ളാ​ണ് ഒ​രു സീ​സ​ണി​ൽ ഖ​ത്ത​റി​ന്റെ പു​റം​ക​ട​ലി​ലെ​ത്തു​ന്ന​ത്. സ​മു​ദ്ര പ​രി​സ്ഥി​തി​ക്കും ജീ​വ​ജാ​ല​ങ്ങ​ൾ​ക്കും ശ​ല്യ​മി​ല്ലാ​തെ മത്സ്യങ്ങളെ നിരീക്ഷിക്കാൻ വി​നോ​ദ​സ​ഞ്ചാ​രി​കളെ അനുവദിച്ച് പരിസ്ഥിതി സൗഹാർദമായ ടൂറിസം നടപ്പാക്കുകയാണ്​ ഖത്ത​ർ ടൂ​റി​സത്തിന്റെ ലക്ഷ്യം. തി​മിം​ഗ​ല സ്രാ​വു​ക​ളു​ടെ പെ​രു​മാ​റ്റ​ത്തെ​ക്കു​റി​ച്ചും, വം​ശ​നാ​ശ​ഭീ​ഷ​ണി നേ​രി​ടു​ന്ന ഈ ​സ​മു​ദ്ര​ജീ​വി​യെ സം​ര​ക്ഷി​ക്കു​ന്ന​തി​നു​ള്ള ഖ​ത്ത​റി​ന്റെ ശ്ര​മ​ങ്ങ​ളെ​ക്കു​റി​ച്ചും സ​ന്ദ​ർ​ശ​ക​ർ​ക്ക് അ​റി​വ് ന​ൽ​കു​ന്നതും ല​ക്ഷ്യ​മിടുന്നു. പൊതു, സ്വകാര്യ സംഘടനകളുടെ പിന്തുണ കൊണ്ടാണ് ഈ വർഷത്തെ യാത്ര സാധ്യമാകുന്നത്. ഖത്തർ എനർജി, ഖത്തർ എയർവേയ്‌സ്, മുനിസിപ്പാലിറ്റി മന്ത്രാലയം, പരിസ്ഥിതി-കാലാവസ്ഥാ വ്യതിയാന മന്ത്രാലയം, മവാനി ഖത്തർ, തീരദേശ അതിർത്തി സം​ര​ക്ഷ​ണ വി​ഭാ​ഗം തു​ട​ങ്ങി​യ​വ​യു​മാ​യി സ​ഹ​ക​രി​ച്ചാ​ണ് തി​മിം​ഗ​​ല സ്രാ​വു​ക​ളെ കാണാനുള്ള ടൂ​ർ സം​ഘ​ടി​പ്പി​ക്കു​ന്ന​ത്.

ജൂ​ൺ 20ന് ​തു​ട​ക്കം​കു​റി​ക്കു​ന്ന സീ​സ​ൺ സെ​പ്റ്റം​ബ​ർ 19 വ​രെ നീ​ണ്ടു​നി​ൽ​ക്കും. നേ​ര​ത്തേ ബു​ക്ക് ചെ​യ്യു​ന്ന യാ​ത്ര​ക്കാ​ർ​ക്കാ​ണ് ഈ ടൂ​ർ പാ​ക്കേ​ജി​ന്റെ ഭാ​ഗ​മാ​വാ​ൻ ക​ഴി​യു​ക. വ്യാ​ഴം, വെ​ള്ളി, ശ​നി ദി​വ​സ​ങ്ങ​ളി​ലായിരിക്കും യാത്ര. ഹൈ ​സ്പീ​ഡ് കാ​റ്റ​മാ​ര​ൻ ബോ​ട്ടി​ലേ​റി​യു​ള്ള യാ​ത്ര​യി​ൽ വി​ദ​ഗ്ധ സം​ഘ​വും ഒ​പ്പ​മു​ണ്ടാ​വും. ര​ണ്ട​ര മ​ണി​ക്കൂ​ർ യാ​ത്ര​യി​ലൂ​ടെ ബോ​ട്ടി​ലി​രു​ന്നും ഡെ​ക്കി​ലു​മാ​യി തിമിംഗല സ്രാവുകളെ അ​രി​കി​ൽ​നി​ന്ന് കാ​ണാ​ൻ അ​വ​സ​രം ഒ​രു​ക്കും.

അ​ൽ റു​വൈ​സ് പോ​ർ​ട്ടി​ൽ​നി​ന്നാ​ണ് ബോ​ട്ട് യാ​ത്ര ആ​രം​ഭി​ക്കു​ന്ന​ത്. 710 റിയാ​ലാ​ണ് ഒ​രാ​ളു​ടെ ടൂ​ർ ചെ​ല​വ്. ദോ​ഹ​യി​ൽ​നി​ന്ന് റു​വൈ​സ് പോ​ർ​ട്ടി​ലെ​ത്താ​നു​ള്ള യാ​ത്ര​സൗ​ക​ര്യ​വും അ​ധി​ക തു​​ക​യോ​ടെ ബു​ക്ക് ചെ​യ്യാം. 2022ലാ​ണ് ഖ​ത്ത​ർ ടൂ​റി​സ​ത്തി​നു കീ​ഴി​ൽ ആ​ദ്യ​മാ​യി ഇ​ത്ത​ര​മൊ​രു വി​നോ​ദ​യാ​ത്രാ പ​ദ്ധ​തി ആ​രം​ഭി​ക്കു​ന്ന​ത്. ഇ​തി​ന​കം 1200ഓ​ളം പേ​ർ​ക്ക് ടൂ​ർ പാ​ക്കേ​ജി​ലൂ​ടെ പു​റം​ക​ട​ലി​ലെ​ത്തി ഇവയെ കാ​ണാ​ൻ അ​വ​സ​രം ഒ​രുക്കി​യി​ട്ടു​ണ്ട്.