റിയാദ്: 2030ലെ ആഗോള വാണിജ്യ മേളയ്ക്ക്(world expo) ആതിഥേയത്വം വഹിക്കാന് സന്നദ്ധതയും താല്പര്യവും അറിയിച്ച് സൗദി അറേബ്യ(Saudi Arabia). വേള്ഡ് എക്സ്പോ 2030 റിയാദില് നടത്താന് അവസരം തേടി അന്താരാഷ്ട്ര എക്സ്പോസിഷന്സ് ഓര്ഗനൈസിങ് ബ്യൂറോക്ക് (ബി.െഎ.ഇ) ഔദ്യോഗികമായി അേപക്ഷ സമര്പ്പിച്ചു. 2031 ഒക്ടോബര് ഒന്ന് മുതല് ഏപ്രില് ഒന്ന് വരെ 'മാറ്റത്തിന്റെ യുഗം: നമ്മുടെ ഗ്രഹത്തെ ഭാവിയിലേക്ക് നയിക്കുന്നു' എന്ന പ്രമേയത്തില് മേള നടത്താനാണ് അപേക്ഷ നല്കിയതെന്ന് സൗദി അറേബ്യ വ്യക്തമാക്കി.
കിരീടാവകാശിയും റിയാദ് സിറ്റി റോയല് കമീഷന് ഡയറക്ടര് ബോര്ഡ് ചെയര്മാനുമായ അമീര് മുഹമ്മദ് ബിന്സല്മാനാണ് ഇത് സംബന്ധിച്ച കത്ത് അന്താരാഷ്ട്ര എക്പോസിഷന്സ് ബ്യൂറോ സെക്രട്ടറി ജനറല് ദിമിത്രി കെര്കെന്സെസിന് അയച്ചത്. അന്താരാഷ്ട്ര എക്സ്പോയുടെ ചരിത്രപരമായ പതിപ്പ് ഏറ്റവും ഉയര്ന്ന നവീനതകളോടെ നടത്താനും ചരിത്രത്തില് അഭൂതപൂര്വമായ ആഗോള അനുഭവം നല്കാനും സൗദി അറേബ്യക്ക് കഴിവും പ്രതിബദ്ധതയുമുണ്ടെന്ന് കിരീടാവകാശി കത്തില് സൂചിപ്പിച്ചു.
ആറ് വര്ഷത്തിനിടെ ആദ്യമായി എഴുന്നേറ്റ് നിന്നു; അഞ്ഞൂറ് കിലോ ഭാരമുള്ള യുവാവിന്റെ ചികിത്സ വിജയകരം