ഹജ്ജ് ചെയ്യാനെത്തുന്നവര്ക്ക് 10 കൊവിഡ് വാക്സിനുകളില് ഏതെങ്കിലും ഒരെണ്ണം നിര്ബന്ധം
Synopsis
65 വയസിന് താഴെയുള്ളവര്ക്ക് മാത്രമാണ് ഇത്തവണ ഹജ്ജിന് അനുമതിയുള്ളത്. രാജ്യത്തേക്ക് പുറപ്പെടുന്നതിന് 72 മണിക്കൂറിനിടെ എടുത്ത കൊവിഡ് പി.സി.ആര് പരിശോധനയുടെ നെഗറ്റീഫ് ഫലവും ഹാജരാക്കണം
റിയാദ്: ഈ വര്ഷം ഹജ്ജിനെത്തുന്നവര് സ്വീകരിച്ചിരിക്കേണ്ട കൊവിഡ് വാക്സിനുകള് സംബന്ധിച്ച് പ്രത്യേക അറിയിപ്പ് പുറത്തിറക്കി. സൗദി ആരോഗ്യ മന്ത്രാലയം പുറത്തിറക്കിയ പട്ടികയില് പത്ത് വാക്സിനുകളാണുള്ളത്. ഇവയില് ഏതെങ്കിലും ഒരെണ്ണം സ്വീകരിച്ചവര്ക്ക് മാത്രമേ ഹജ്ജ് നിര്വഹിക്കാന് അനുമതി ലഭിക്കുകയുള്ളൂ.
ഫൈസര്/ബയോ എന്ടെക്, മൊഡേണ, ഓക്സ്ഫോഡ്/ആസ്ട്രസെനിക, ജോണ്സന് ആന്റ് ജോണ്സന്, കോവോവാക്സ്, നുവാക്സോവിഡ്, സിനോഫാം, സിനോവാക്, കൊവാക്സിന്, സ്പുട്നിക് എന്നിവയാണ് അംഗീകൃത വാക്സിനുകള്. ജോണ്സന് ആന്റ് ജോണ്സന് വാക്സിന്റെ ഒരു ഡോസും മറ്റ് വാക്സിനുകളുടെ രണ്ട് ഡോസുകളുമാണ് സ്വീകരിക്കേണ്ടത്. 65 വയസിന് താഴെയുള്ളവര്ക്ക് മാത്രമാണ് ഇത്തവണ ഹജ്ജിന് അനുമതിയുള്ളത്. രാജ്യത്തേക്ക് പുറപ്പെടുന്നതിന് 72 മണിക്കൂറിനിടെ എടുത്ത കൊവിഡ് പി.സി.ആര് പരിശോധനയുടെ നെഗറ്റീഫ് ഫലവും ഹാജരാക്കണമെന്ന് ആരോഗ്യ മന്ത്രാലയം അറിയിച്ചിട്ടുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam