സൗദി അറേബ്യയില് കൊവിഡ് ബാധിച്ച് ഇന്ന് 19 പേര് മരിച്ചു
Synopsis
ശനിയാഴ്ച 433 പേര് സുഖം പ്രാപിച്ചതോടെ ആകെ രോഗമുക്തി കേസുകള് 336,966 ആയി ഉയര്ന്നു. 7738 പേര് രാജ്യത്തെ വിവിധ ആശുപത്രികളിലും മറ്റും ചികിത്സയില് കഴിയുന്നു.
റിയാദ്: സൗദി അറേബ്യയില് കൊവിഡ് ബാധിച്ച് ഇന്ന് 19 പേര് മരിച്ചു. ഇതോടെ ആകെ മരണസംഖ്യ 5525 ആയി. രാജ്യത്താകെ ഇതുവരെ റിപ്പോര്ട്ട് ചെയ്ത കൊവിഡ് ബാധിതരുടെ എണ്ണം മൂന്നരലക്ഷം കവിഞ്ഞു. 407 പേര്ക്ക് കൂടി പുതുതായി രോഗം സ്ഥിരീകരിച്ചതോടെ ആകെ കേസുകളുടെ എണ്ണം 350,229 ആയി.
ശനിയാഴ്ച 433 പേര് സുഖം പ്രാപിച്ചതോടെ ആകെ രോഗമുക്തി കേസുകള് 336,966 ആയി ഉയര്ന്നു. 7738 പേര് രാജ്യത്തെ വിവിധ ആശുപത്രികളിലും മറ്റും ചികിത്സയില് കഴിയുന്നു. ഇതില് 758 പേര് ഗുരുതരാവസ്ഥയിലാണ്. ഇവര് തീവ്രപരിചരണ വിഭാഗത്തിലാണ്. രാജ്യത്തെ കൊവിഡ് മുക്തി നിരക്ക് 96.2 ശതമാനമായും മരണനിരക്ക് 1.6 ശതമാനമായും തുടരുന്നു. 24 മണിക്കൂറിനിടെ രാജ്യത്ത് പുതിയ കൊവിഡ് കേസുകള് ഏറ്റവും കൂടുതല് റിപ്പോര്ട്ട് ചെയ്തത് റിയാദിലാണ്, 64. മദീന 43, ജിദ്ദ 41, മക്ക 27, ഹാഇല് 23, യാംബു 20, വാദി ദവാസിര് 16, ഖമീസ് മുശൈത് 12, ദമ്മാം 10, തബൂക്ക് 8, ഹുഫൂഫ് 7, മഖ്വ 7, റിയാദ് അല്ഖുബ്റ 7, ബല്ലസ്മര് 7 എന്നിങ്ങനെയാണ് പ്രധാന നഗരങ്ങളില് പുതുതായി രേഖപ്പെടുത്തിയ കൊവിഡ് രോഗികളുടെ എണ്ണം.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam