സൗദിയില്‍ ശക്തമായ പൊടിക്കാറ്റ്; കാലാവസ്ഥയില്‍ മാറ്റമെന്ന് അറിയിപ്പ്

റിയാദ്, കിഴക്കൻ പ്രവിശ്യ, അൽ ഖസീം എന്നിവിടങ്ങളിൽ കാലാവസ്ഥ മാറ്റം ഉണ്ടാകുമെന്നു കാലാവസ്ഥ നിരീക്ഷണ വിഭാഗം നേരത്തെ അറിയിച്ചിരുന്നു. എന്നാൽ തിങ്കളാഴ്ച കിഴക്കൻ പ്രവിശ്യയുടെ വിവിധ ഭാഗങ്ങളിൽ ശക്തമായ പൊടിക്കാറ്റാണ് അനുഭവപ്പെട്ടത്. ജുബൈൽ, ദമ്മാം, അൽ ഖോബാർ തുടങ്ങിയ പ്രവിശ്യയിലെ മിക്ക സ്ഥലങ്ങളിലും പൊടിക്കാറ്റ് അനുഭവപ്പെട്ടു

റിയാദ്; സൗദിയിൽ കാലാവസ്ഥ മാറുന്നു. ഇന്നലെ മധ്യ കിഴക്കൻ പ്രവിശ്യകളിൽ പല സ്ഥലങ്ങളിലും മഴ ലഭിച്ചപ്പോൾ തിങ്കളാഴ്ച പല സ്ഥലങ്ങളിലും ശക്തമായ പൊടിക്കാറ്റ് അനുഭവപ്പെട്ടു. ഞായറാഴ്ച രാജ്യത്തെ മധ്യ -കിഴക്കൻ പ്രവിശ്യയുടെ വിവിധ ഭാഗങ്ങളിൽ ശക്തമായ മഴയാണ് ലഭിച്ചത്. ചില സ്ഥലങ്ങളിൽ ഇടിയോടുകൂടിയാണ് മഴ പെയ്തത്.

റിയാദ്, കിഴക്കൻ പ്രവിശ്യ, അൽ ഖസീം എന്നിവിടങ്ങളിൽ കാലാവസ്ഥ മാറ്റം ഉണ്ടാകുമെന്നു കാലാവസ്ഥ നിരീക്ഷണ വിഭാഗം നേരത്തെ അറിയിച്ചിരുന്നു. എന്നാൽ തിങ്കളാഴ്ച കിഴക്കൻ പ്രവിശ്യയുടെ വിവിധ ഭാഗങ്ങളിൽ ശക്തമായ പൊടിക്കാറ്റാണ് അനുഭവപ്പെട്ടത്. ജുബൈൽ, ദമ്മാം, അൽ ഖോബാർ തുടങ്ങിയ പ്രവിശ്യയിലെ മിക്ക സ്ഥലങ്ങളിലും പൊടിക്കാറ്റ് അനുഭവപ്പെട്ടു.

പൊടിക്കാറ്റിൽ ദൂരക്കാഴ്ച കുറയാൻ സാധ്യതയുള്ളതിനാൽ വാഹനം ഓടിക്കുന്നവർ ജാഗ്രത പാലിക്കണമെന്ന് സിവിൽ ഡിഫെൻസ് അറിയിച്ചു. കാലാവസ്ഥാ മാറ്റത്തിന്റെ മുന്നോടിയായി രാജ്യത്തിന്‍റെ പല ഭാഗങ്ങളിലും തിങ്കളാഴ്ച മൂടിക്കെട്ടിയ അന്തരീക്ഷമായിരുന്നു.