Saudi Covid Report : സൗദിയില്‍ 104 പേര്‍ക്ക് കൊവിഡ്, 98 പേര്‍ക്ക് രോഗമുക്തി

രാജ്യത്ത് ഇതുവരെ റിപ്പോര്‍ട്ട് ചെയ്ത ആകെ കേസുകളുടെ എണ്ണം 550,842 ആയി. ആകെ രോഗമുക്തി കേസുകള്‍ 530,079 ആണ്. അതോടെ ആെക മരണസംഖ്യ 8,862 ആയി.

റിയാദ്: സൗദി അറേബ്യയില്‍(Saudi Arabia) പുതുതായി കൊവിഡ് (Covid)ബാധിക്കുന്നവരുടെ എണ്ണം ഇന്നും നൂറിനു മുകളില്‍. കഴിഞ്ഞ 24 മണിക്കൂറിനിടെ 104 പേര്‍ക്കാണ് കൊവിഡ് സ്ഥിരീകരിച്ചത്. നിലവിലെ രോഗികളില്‍ 98 പേര്‍ സുഖം പ്രാപിച്ചു. ഒരു മരണവും രാജ്യത്ത് റിപ്പോര്‍ട്ട് ചെയ്തതായി സൗദി ആരോഗ്യ മന്ത്രാലയം അറിയിച്ചു.  

രാജ്യത്ത് ഇതുവരെ റിപ്പോര്‍ട്ട് ചെയ്ത ആകെ കേസുകളുടെ എണ്ണം 550,842 ആയി. ആകെ രോഗമുക്തി കേസുകള്‍ 530,079 ആണ്. അതോടെ ആെക മരണസംഖ്യ 8,862 ആയി. ഇന്ന് രാജ്യത്ത് ആകെ 32,362,387 കൊവിഡ് പി.സി.ആര്‍ പരിശോധന നടത്തി. രാജ്യത്തെ കൊവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. അസുഖ ബാധിതരായി ആകെയുള്ള 1,901 പേരില്‍ 33 പേരുടെ നില ഗുരുതരമാണ്. ഇവര്‍ രാജ്യത്തെ വിവിധ ആശുപത്രികളില്‍ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ സ്ഥിതി തൃപ്തികരമാണ്. രാജ്യത്താകെ ഇതുവരെ 48,358,566 ഡോസ് വാക്‌സിന്‍ കുത്തിവെച്ചു. ഇതില്‍ 24,865,032 എണ്ണം ആദ്യ ഡോസ് ആണ്. 22,924,827 എണ്ണം സെക്കന്‍ഡ് ഡോസും. 1,729,244 ഡോസ് പ്രായാധിക്യമുള്ളവര്‍ക്കാണ് നല്‍കിയത്. 568,707 പേര്‍ക്ക് ബൂസ്റ്റര്‍ ഡോസ് നല്‍കി. രാജ്യത്തെ വിവിധ മേഖലകളില്‍ പുതുതായി റിപ്പോര്‍ട്ട് ചെയ്ത രോഗികളുടെ എണ്ണം: റിയാദ് 36, ജിദ്ദ 20, മക്ക 11, ഹുഫൂഫ് 7, ദമ്മാം 7, മദീന 5, അല്‍ഖോബാര്‍ 4, ബുറൈദ 2, മറ്റ് 12 സ്ഥലങ്ങളില്‍ ഓരോ വീതം രോഗികള്‍.