കണ്ടു​കെ​ട്ടി​യ വാ​ഹ​ന​ങ്ങ​ൾ മൂന്ന് ​മാ​സത്തിനകം തി​രി​ച്ചെടുത്തില്ലെ​ങ്കി​ൽ ലേ​ലം ചെ​യ്യു​മെ​ന്ന് മുന്നറിയിപ്പ്

ജൂ​ലൈ 15 മു​ത​ൽ 30 ദി​വ​സ​ത്തേ​ക്കാ​ണ് ജ​പ്തി ചെ​യ്ത വാ​ഹ​ന​ങ്ങ​ൾ തിരിച്ചെടുക്കാനുള്ള അ​വ​സ​ര​മു​ണ്ടാ​വു​ക​യെ​ന്ന് ജനറൽ ഡയറക്ട്രേറ്റ് ഓഫ് ട്രാഫിക് വ്യ​ക്ത​മാ​ക്കി

ദോഹ: ഖത്തറിൽ ഗതാഗത നിയമലംഘനങ്ങളെ തുടർന്ന് പിടിച്ചെടുക്കപ്പെടുന്ന വാഹനങ്ങൾ മൂന്ന് മാസത്തിനുള്ളിൽ ഉടമകൾ എത്തി ആവശ്യമായ നടപടിക്രമങ്ങൾ പൂർത്തിയാക്കി തിരിച്ചെടുത്തില്ലെങ്കിൽ ലേല നടപടികളിലേക്ക് പോകുമെന്ന് ഖത്തർ ആഭ്യന്തര മന്ത്രാലയത്തിനു കീഴിലെ ജനറൽ ഡയറക്ട്രേറ്റ് ഓഫ് ട്രാഫിക് അറിയിച്ചു. ഉടമകൾ അവരുടെ വാഹനങ്ങൾ ലേലം ചെയ്യുന്നത് ഒഴിവാക്കാൻ മൂന്ന് മാസത്തെ കാലയളവിനുള്ളിൽ ആവശ്യമായ നടപടിക്രമങ്ങൾ പൂർത്തിയാക്കണമെന്നാണ് ട്രാഫിക് വിഭാഗം അധികൃതരുടെ മുന്നറിയിപ്പ്.

നിലവിൽ പിടിച്ചെടുത്ത് മൂന്ന് മാസം കഴിഞ്ഞ വാഹനങ്ങളുടെ ഉടമകൾ വാ​ഹ​നം തി​രി​കെ എ​ടു​ക്കു​ന്ന​തി​ന് ഇ​ൻ​ഡ​സ്​​ട്രി​യ​ൽ ഏ​രി​യ​യി​ലെ ട്രാ​ഫി​ക് ഇ​ൻ​വെ​സ്​​റ്റി​ഗേ​ഷ​ൻ ഓ​ഫി​സി​ലെ​ത്തി പി​ഴ​യും ഗ്രൗ​ണ്ട് ഫീ​സും അ​ട​ച്ച് ന​ട​പ​ടി​ക​ൾ പൂ​ർ​ത്തി​യാ​ക്ക​ണ​മെ​ന്ന് അ​ധി​കൃ​ത​ർ നിർദ്ദേശിച്ചു. ജൂ​ലൈ 15 മു​ത​ൽ 30 ദി​വ​സ​ത്തേ​ക്കാ​ണ് ജ​പ്തി ചെ​യ്ത വാ​ഹ​ന​ങ്ങ​ൾ തി​രി​ച്ചെ​ടു​ക്കാ​നു​ള്ള അ​വ​സ​ര​മു​ണ്ടാ​വു​ക​യെ​ന്ന് ജനറൽ ഡയറക്ട്രേറ്റ് ഓഫ് ട്രാഫിക് വ്യ​ക്ത​മാ​ക്കി. ഈ കാലയളവിൽ വാഹന ഉടമകൾ ആവശ്യമായ നടപടികൾ സ്വീകരിക്കുന്നില്ലെങ്കിൽ, അംഗീകൃത നടപടിക്രമങ്ങൾക്കനുസൃതമായി ജനറൽ ഡയറക്ടറേറ്റ് ഓഫ് ട്രാഫിക്, വാഹനങ്ങൾ പൊതു ലേലത്തിൽ വിൽക്കുമെന്നും അധികൃതർ മുന്നറിയിപ്പ് നൽകി.