തൊഴില്‍ നിയമങ്ങള്‍ ലംഘിച്ച് ജോലി ചെയ്തവരും രാജ്യത്തെ താമസ നിയമങ്ങള്‍ ലംഘിച്ചവരും അനധികൃതമായി ഒമാനിലേക്ക് കടന്നവരുമാണ് പിടിയിലായതെന്ന് പൊലീസ് പുറത്തിറക്കിയ പ്രസ്താവനയില്‍ പറയുന്നു.
മസ്കത്ത്: നിയമലംഘനങ്ങളുടെ പേരില്‍ കഴിഞ്ഞ ദിവസം നിരവധി പ്രവാസികളെ അറസ്റ്റ് ചെയ്തതായി റോയല്‍ ഒമാന്‍ പൊലീസ് അറിയിച്ചു. തൊഴില്‍ നിയമങ്ങള്‍ ലംഘിച്ച് ജോലി ചെയ്തവരും രാജ്യത്തെ താമസ നിയമങ്ങള്‍ ലംഘിച്ചവരും അനധികൃതമായി ഒമാനിലേക്ക് കടന്നവരുമാണ് പിടിയിലായതെന്ന് പൊലീസ് പുറത്തിറക്കിയ പ്രസ്താവനയില്‍ പറയുന്നു. നോര്‍ത്ത് അല്‍ ബാത്തിന ഗവര്‍ണറേറ്റ് പൊലീസ് കമാന്റാണ് പരിശോധന നടത്തിയത്. അല്‍ ഖബൂറ പൊലീസ് സ്റ്റേഷന്‍ പരിധിയിലായിരുന്നു നിയമലംഘകര്‍ക്കുവേണ്ടിയുള്ള പരിശോധന. പിടിയിലായവര്‍ക്കെതിരെ നിയമനടപടികള്‍ സ്വീകരിച്ചുവരുന്നതായും പൊലീസ് അറിയിച്ചിട്ടുണ്ട്.