യുഎഇ പ്രസിഡന്റിന്റെ നിര്യാണം; കുവൈത്തില് മൂന്ന് ദിവസത്തെ അവധി പ്രഖ്യാപിച്ചു
Synopsis
കുവൈത്ത് അമീര് ശൈഖ് നവാഫ് അല് അഹ്മദ് അല് ജാബിര് അല് സബാഹിന്റെ നിര്ദേശപ്രകാരമാണ് അവധി പ്രഖ്യാപിച്ചിരിക്കുന്നതെന്ന് സിവില് സര്വീസ് കമ്മീഷന് അറിയിച്ചു.
കുവൈത്ത് സിറ്റി: യുഎഇ പ്രസിഡന്റ് ശൈഖ് ഖലീഫ ബിന് സായിദ് അല് നഹ്യാന്റെ നിര്യാണത്തെ തുടര്ന്ന് കുവൈത്തില് സര്ക്കാര് സ്ഥാപനങ്ങള്ക്ക് മൂന്ന് ദിവസത്തെ അവധി പ്രഖ്യാപിച്ചു. കുവൈത്ത് അമീര് ശൈഖ് നവാഫ് അല് അഹ്മദ് അല് ജാബിര് അല് സബാഹിന്റെ നിര്ദേശപ്രകാരമാണ് അവധി പ്രഖ്യാപിച്ചിരിക്കുന്നതെന്ന് സിവില് സര്വീസ് കമ്മീഷന് അറിയിച്ചു. വെള്ളിയാഴ്ച മുതല് ഞായറാഴ്ച വരെ രാജ്യത്തെ എല്ലാ മന്ത്രാലയങ്ങള്ക്കും സര്ക്കാര് സ്ഥാപനങ്ങള്ക്കും അവധിയായിരിക്കുമെന്നാണ് അറിയിപ്പ്.
യുഎഇ പ്രസിഡന്റിന്റെ നിര്യാണത്തെ തുടര്ന്ന് നേരത്തെ ബഹ്റൈനും ഒമാനും മൂന്ന് ദിവസത്തെ ദുഃഖാചരണം പ്രഖ്യാപിച്ചിരുന്നു. യുഎഇയില് ശൈഖ് ഖലീഫയുടെ നിര്യാണത്തെ തുടര്ന്ന് 40 ദിവസത്തെ ഔദ്യോഗിക ദുഃഖാചരണമാണ് പ്രഖ്യാപിച്ചിരിക്കുന്നത്. രാജ്യത്തെ സര്ക്കാര്, സ്വകാര്യ സ്ഥാപനങ്ങള്ക്ക് മൂന്ന് ദിവസത്തെ അവധിയുമുണ്ടാകും. അതേസമയം യുഎഇയിലെ പള്ളികളില് ഇന്ന് രാത്രി ശൈഖ് ഖലീഫയ്ക്ക് വേണ്ടിയുള്ള മരണാനന്തര പ്രാര്ത്ഥന നടത്തുമെന്ന് ഔദ്യോഗിക വാര്ത്താ ഏജന്സി പുറത്തുവിട്ട അറിയിപ്പില് പറയുന്നു.
രാഷ്ട്രത്തെ സേവിച്ചു, ജനങ്ങളെ സ്നേഹിച്ചു; ശൈഖ് ഖലീഫയെ അനുസ്മരിച്ച് യുഎഇ നേതാക്കള്
യുഎഇയുടെ രൂപീകരണത്തിന് ശേഷമുള്ള രണ്ടാമത്തെ പ്രസിഡന്റാണ് ശൈഖ് ഖലീഫ ബിന് സായിദ് അല് നഹ്യാന്. പ്രസിഡന്റിന്റെ നിര്യാണത്തില് യുഎഇയിലെയും അറബ്, ഇസ്ലാമിക രാജ്യങ്ങളിലെയും ലോകമെമ്പാടുമുള്ള ജനങ്ങളോടും അനുശോചനം അറിയിക്കുന്നതായി യുഎഇ പ്രസിഡന്ഷ്യല്കാര്യ മന്ത്രാലയം പുറത്തിറക്കിയ ഔദ്യോഗിക പ്രസ്താവന പറയുന്നു.
2004 നവംബര് മൂന്നിനാണ് ശൈഖ് ഖലീഫ ബിന് സായിദ് അല് നഹ്യാന് യുഎഇയുടെ ഭരണാധികാരിയായി സ്ഥാനമേറ്റെടുത്തത്. യുഎഇ സ്ഥാപകനും ആദ്യ ഭരണാധികാരിയുമായിരുന്ന ശൈഖ് സായിദ് ബിന് സുല്ത്താന് അല് നഹ്യാന്റെ നിര്യാണത്തെ തുടര്ന്നായിരുന്നു അദ്ദേഹം ഭരണം ഏറ്റെടുത്തത്. 2004 നവംബര് രണ്ടിനായിരുന്നു ശൈഖ് സായിദ് വിടപറഞ്ഞത്.
ദുബൈയിലെ സ്കൂളുകളില് തിങ്കളാഴ്ച മുതല് ക്ലാസുകള് തുടങ്ങും
1948ല് ജനിച്ച ശൈഖ് ഖലീഫ യുഎഇയുടെ രണ്ടാമത്തെ പ്രസിഡന്റും അബുദാബിയിലെ 16-ാമത് ഭരണാധികാരിയുമായിരുന്നു. രാഷ്ട്ര സ്ഥാപകന് ശൈഖ് സായിദിന്റെ മൂത്ത മകനായിരുന്നു ശൈഖ് ഖലീഫ. ഭരണമേറ്റെടുത്ത ശേഷം യുഎഇ ഫെഡറല് ഭരണകൂടത്തിലും അബുദാബി എമിറേറ്റിലും ഒട്ടേറെ ഭരണപരമായ മാറ്റങ്ങള്ക്ക് ശൈഖ് ഖലീഫ നേതൃത്വം നല്കി. വന് വികസന കുതിപ്പിലേക്ക് രാജ്യത്തെ നയിക്കുകയും ലോകമെമ്പാടുമുള്ള ലക്ഷക്കണക്കിന് ജനങ്ങള്ക്ക് തങ്ങളുടെ സ്വന്തം വീടുപോലെ ആ രാജ്യത്തെ പ്രിയങ്കരമാക്കുകയും ചെയ്ത ഭരണാധികാരിയാണ് വിടപറഞ്ഞത്.
യുഎഇയിലെ സ്വദേശികളുടെയും പ്രവാസികളുടെയും ക്ഷേമത്തിന് പ്രഥമ പരിഗണന നല്കി സുസ്ഥിരമായ വികസന പദ്ധതികളിലൂടെ ഭാവിയിലേക്ക് രാഷ്ട്രത്തെ സജ്ജമാക്കിയ ഭരണാധികാരിയായിരുന്നു ശൈഖ് ഖലീഫ. രാജ്യത്തെ എണ്ണ, വാതക രംഗത്തെ വന് വികസനത്തിനും വ്യവസായ മുന്നേറ്റത്തിനും സാമ്പത്തിക വൈവിദ്ധീകരണത്തിനും അദ്ദേഹം നേതൃത്വം നല്കി. വടക്കന് എമിറേറ്റുകള്ക്ക് പ്രത്യേക ശ്രദ്ധ നല്കുകയും ഭവന, വിദ്യാഭ്യാസ പദ്ധതികളുള്പ്പെടെ ഒട്ടേറെ പ്രത്യേക പദ്ധതികള് അവിടങ്ങളില് നടപ്പാക്കുകയും ചെയ്തു.
യുഎഇ ജനതയുടെ പ്രിയപ്പെട്ട നേതാവ്; മലയാളികളെയും ചേർത്ത് പിടിച്ച ശൈഖ് ഖലീഫ
യുഎഇ ഫെഡറല് നാഷണല് കൗണ്സിലേക്ക് അംഗങ്ങളെ നേരിട്ട് തെരഞ്ഞെടുക്കുന്ന രീതിയും കൊണ്ടുവന്നത് ശൈഖ് ഖലീഫയുടെ നേതൃത്വത്തിലാണ്. ജനങ്ങളുടെ പ്രശ്നങ്ങളില് എപ്പോഴും ശ്രദ്ധപതിപ്പിച്ചിരുന്ന ജനങ്ങളാല് അത്യധികം സ്നേഹിക്കപ്പെട്ട ഭരണാധികാരി കൂടിയായിരുന്നു ശൈഖ് ഖലീഫ.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam