യുഎഇ ദേശീയ ദിനം; ഔദ്യോഗിക അവധി ദിനങ്ങള് പ്രഖ്യാപിച്ച് ക്യാബിനറ്റ്
Synopsis
അവധിക്ക് ശേഷം ഡിസംബര് അഞ്ചിനായിരിക്കും പൊതുമേഖലാ സ്ഥാപനങ്ങളുടെയും ഓഫീസുകളുടെയും പ്രവര്ത്തനം പുനഃരാരംഭിക്കുകയെന്ന് ഔദ്യോഗിക വാര്ത്താ ഏജന്സി പുറത്തിറക്കിയ പ്രസ്താവനയില് പറയുന്നു.
അബുദാബി: ഈ വര്ഷത്തെ യുഎഇ ദേശീയ ദിനത്തിന്റെയും സ്മരണ ദിനത്തിന്റെയും ഔദ്യോഗിക അവധി ദിനങ്ങള് ക്യാബിനറ്റ് പ്രഖ്യാപിച്ചു. ഡിസംബര് ഒന്ന് വ്യാഴാഴ്ച മുതല് ഡിസംബര് മൂന്ന് ശനിയാഴ്ച വരെയായിരിക്കും അവധി. ഞായറാഴ്ച രാജ്യത്തെ പൊതുമേഖലയ്ക്കും സ്വകാര്യ മേഖലയിലെ നിരവധി സ്ഥാപനങ്ങള്ക്കും അവധിയായതിനാല്, ഞായറാഴ്ച അവധിയുള്ളവര്ക്ക് ആകെ നാല് ദിവസം തുടര്ച്ചയായി അവധി ലഭിക്കും,
അവധിക്ക് ശേഷം ഡിസംബര് അഞ്ചിനായിരിക്കും പൊതുമേഖലാ സ്ഥാപനങ്ങളുടെയും ഓഫീസുകളുടെയും പ്രവര്ത്തനം പുനഃരാരംഭിക്കുകയെന്ന് ഔദ്യോഗിക വാര്ത്താ ഏജന്സി പുറത്തിറക്കിയ പ്രസ്താവനയില് പറയുന്നു. രാജ്യത്തിന് വേണ്ടി ജീവന് ബലി നല്കിയവരുടെ ത്യാഗങ്ങള് അനുസ്മരിക്കുന്നതിനായി എല്ലാ വര്ഷവും നവംബര് 30നാണ് യുഎഇയില് സ്മരണ ദിനം ആചരിക്കുന്നത്. എന്നാല് ദേശീയ ദിനത്തിന്റെ അവധിക്കൊപ്പം സ്മരണ ദിനത്തിന്റെയും അവധി ഉള്പ്പെടുത്തിയാണ് ഡിസംബര് ഒന്ന് മുതല് മൂന്ന് വരെ അവധി നല്കുന്നത്.
Read also: സ്വദേശിവത്കരണ നിയമങ്ങള് ലംഘിക്കുന്ന സ്ഥാപനങ്ങള്ക്ക് കനത്ത പിഴ ചുമത്തുമെന്ന് മുന്നറിയിപ്പ്
ഇറാനില് ഭൂചലനം; യുഎഇ ഉള്പ്പെടെയുള്ള ഗള്ഫ് രാജ്യങ്ങളിലും പ്രകമ്പനം അനുഭവപ്പെട്ടു
അബുദാബി: ദക്ഷിണ ഇറാനില് കഴിഞ്ഞ ദിവസമുണ്ടായ ഭൂചലനം നേരിയ തോതില് യുഎഇ ഉള്പ്പെടെയുള്ള ഗള്ഫ് രാജ്യങ്ങളില് അനുഭവപ്പെട്ടതായി റിപ്പോര്ട്ടുകള്. ബഹ്റൈന്, സൗദി അറേബ്യ, ഖത്തര് എന്നീ രാജ്യങ്ങളില് ഭൂചലനം അനുഭവപ്പെട്ടുവെന്ന് അമേരിക്കന് ജിയോളജിക്കല് ഏജന്സി അറിയിച്ചു. യുഎഇയുടെ വിവിധ ഭാഗങ്ങളില് പ്രകമ്പനം അനുഭവപ്പെട്ടതായി ആളുകള് സാമൂഹിക മാധ്യമങ്ങളില് കുറിച്ചു. ഭൂചലനം ഉണ്ടായത് യുഎഇയിലെ ദേശീയ കാലാവസ്ഥാ നിരീക്ഷണ കേന്ദ്രവും സ്ഥിരീകരിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ