പ്രധാനമന്ത്രി നരേന്ദ്രമോദി അബുദാബിയിലെത്തി; വിമാനത്താവളത്തില് യുഎഇ പ്രസിഡന്റ് നേരിട്ടെത്തി സ്വീകരിച്ചു
Synopsis
പ്രത്യേക വിമാനത്തില് അബുദാബി വിമാനത്താവളത്തില് ഇറങ്ങിയ പ്രധാനമന്ത്രിയെ സ്വീകരിക്കാന് യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന് നേരിട്ടെത്തി. മുതിര്ന്ന രാജകുടുംബാംഗങ്ങളും പ്രധാനമന്ത്രിയെ സ്വീകരിക്കാനെത്തിയിരുന്നു.
അബുദാബി: യുഎഇ സന്ദര്ശനത്തിനായി പ്രധാനമന്ത്രി നരേന്ദ്രമോദി അബുദാബിയിലെത്തി. ജി-7 ഉച്ചകോടിയില് പങ്കെടുത്ത ശേഷം ഇന്ത്യയിലേക്ക് മടങ്ങുന്നതിനിടെയാണ് പ്രധാനമന്ത്രിയുടെ യുഎഇ സന്ദര്ശനം. പ്രത്യേക വിമാനത്തില് അബുദാബി വിമാനത്താവളത്തില് ഇറങ്ങിയ പ്രധാനമന്ത്രിയെ സ്വീകരിക്കാന് യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന് നേരിട്ടെത്തി. മുതിര്ന്ന രാജകുടുംബാംഗങ്ങളും പ്രധാനമന്ത്രിയെ സ്വീകരിക്കാനെത്തിയിരുന്നു.
അബുദാബി പാലസിലെത്തി മുന് യുഎഇ പ്രസിഡന്റ് ശൈഖ് ഖലീഫ ബിന് സായിദ് അല് നഹ്യാന്റെ നിര്യാണത്തിലുള്ള അനുശോചനം പ്രധാനമന്ത്രി നേരിട്ട് രേഖപ്പെടുത്തും. യുഎഇയുടെ പുതിയ പ്രസിഡന്റായി തെരഞ്ഞെടുക്കപ്പെട്ട ശൈഖ് മുഹമ്മദ് ബിന് സായിദ് അല് നഹ്യാനെ മോദി അഭിനന്ദിക്കും. പ്രധാനമന്ത്രിയുമായി അടുത്ത സൗഹൃദം പുലര്ത്തുന്ന നേതാവാണ് യുഎഇയുടെ പുതിയ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന്.
പ്രവാചക നിന്ദ പരാമര്ശത്തില് യുഎഇ ഉള്പ്പെടെയുള്ള അറബ് രാജ്യങ്ങള് പ്രതിഷേധം രേഖപ്പെടുത്തിയിരുന്നു. ഈ പശ്ചാത്തലത്തില് മോദിയുടെ യുഎഇ യാത്രയ്ക്ക് പ്രാധാന്യം ഏറെയാണ്. പ്രതിഷേധം തണുപ്പിക്കാന് സന്ദര്ശനത്തെ പ്രധാനമന്ത്രി ഉപയോഗപ്പെടുത്തുമെന്നാണ് നയതന്ത്ര മേഖലയിലെ വിദഗ്ധരുടെ വിലയിരുത്തല്.
അബുദാബി വിമാനത്താവളത്തില് നേരിട്ടെത്തി തനിക്ക് പ്രത്യേക പരിഗണന നല്കി സ്വീകരിച്ച യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന് നന്ദി പറഞ്ഞുകൊണ്ട് പ്രധാനമന്ത്രി ട്വീറ്റ് ചെയ്തു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ