യുഎഇയില് 1,359 പേര്ക്ക് കൂടി കൊവിഡ്, ഇന്ന് ഒരു മരണം കൂടി
Synopsis
പുതിയതായി നടത്തിയ 2,70,369 കൊവിഡ് പരിശോധനകളില് നിന്നാണ് രാജ്യത്തെ പുതിയ രോഗികളെ കണ്ടെത്തിയത്.
അബുദാബി: യുഎഇയില് പുതിയ കൊവിഡ് കേസുകളുടെ എണ്ണം കഴിഞ്ഞ ഏതാനും ദിവസങ്ങളായി ചെറിയ തോതില് കുറഞ്ഞുവരികയാണ്. രാജ്യത്തെ ആരോഗ്യ - പ്രതിരോധ മന്ത്രാലയം പുറത്തുവിട്ട ഔദ്യോഗിക കണക്കുകള് പ്രകാരം ഇന്ന് രാജ്യത്ത് 1,359 പേര്ക്കാണ് കൊവിഡ് വൈറസ് ബാധ സ്ഥിരീകരിച്ചത്.
രാജ്യത്ത് ചികിത്സയിലായിരുന്ന 1,268 കൊവിഡ് രോഗികള് കഴിഞ്ഞ 24 മണിക്കൂറിനിടെ രോഗമുക്തരായി. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് രാജ്യത്ത് ഒരു മരണം കൂടി റിപ്പോര്ട്ട് ചെയ്യപ്പെട്ടു. പുതിയതായി നടത്തിയ 2,70,369 കൊവിഡ് പരിശോധനകളില് നിന്നാണ് രാജ്യത്തെ പുതിയ രോഗികളെ കണ്ടെത്തിയത്.
ഇതുവരെയുള്ള കണക്കുകള് പ്രകാരം ആകെ 9,80,325 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 9,59,996 പേര് ഇതിനോടകം തന്നെ രോഗമുക്തരായി. 2,329 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില് 17,999 കൊവിഡ് രോഗികളാണ് രാജ്യത്തുള്ളത്.
ഇന്റര്നെറ്റ് കണക്ഷന് മറ്റുള്ളവരുമായി പങ്കുവെയ്ക്കരുത്; ഒമാനില് മുന്നറിയിപ്പുമായി അധികൃതര്
മസ്കത്ത്: ഇന്റര്നെറ്റ് കണക്ഷന് അയല്വാസികളുമായും മറ്റള്ളവരുമായും പങ്കുവെയ്ക്കരുതെന്ന് ഒമാന് ടെലികമ്മ്യൂണിക്കേഷന്സ് റെഗുലേറ്ററി അതോറിറ്റി. നിരവധി പ്രശ്ന സാധ്യതകള് ഇതില് അടങ്ങിയിട്ടുണ്ടെന്നും കണക്ഷന്റെ യഥാര്ത്ഥ ഉടമയ്ക്ക് നിയമപരമായ ബാധ്യതകളുണ്ടാവുമെന്നും അധികൃതര് ഓര്മിപ്പിച്ചു.
വയര്ലെസ് നെറ്റ്വര്ക്കുകളിലെ സാങ്കേതിക പ്രശ്നങ്ങള്ക്ക് പുറമെ ഒരു കണക്ഷന് നിരവധിപ്പേര് പങ്കുവെച്ച് ഉപയോഗിക്കുന്നത് ആ പ്രദേശത്തെ മറ്റുള്ളവരുടെ ഇന്റര്നെറ്റ് സേവനത്തിന്റെ ഗുണനിലവാരത്തെയും വേഗതയെയും ബാധിക്കും. ഒപ്പം വിവരങ്ങളുടെ സുരക്ഷ ഉറപ്പാക്കാനാവാത്തത് പോലുള്ള മറ്റ് സങ്കീര്ണതകളും ഇതില് ഒളിഞ്ഞിരിക്കുന്നു. ഇന്റര്നെറ്റ് ദുരുപയോഗം ചെയ്യപ്പെടാനും കണക്ഷനുകള് തട്ടിപ്പുകള്ക്കായോ സൈബര് കുറ്റകൃത്യങ്ങള്ക്കായോ ഉപയോഗിക്കപ്പെടാനും സാധ്യതയുണ്ട്. ഇത്തരം നെറ്റ്വര്ക്കുകള് മതിയായ ലൈസന്സില്ലാതെയാണ് സ്ഥാപിക്കുന്നതെങ്കില് കണക്ഷന്റെ ഉടമ നിയമ നടപടികള് നേരിടേണ്ടി വന്നേക്കും. ഒപ്പം കണക്ഷന് പങ്കുവെയ്ക്കാനായി ഉപയോഗിക്കുന്ന ഉപകരണങ്ങള് അവയുടെ സുരക്ഷിതമായ പരിധികളിലല്ല ഉപയോഗിക്കപ്പെടുന്നതെങ്കില് ഗുരുതരമായ സുരക്ഷാ പ്രശ്നങ്ങള്ക്ക് വരെ കാണമാവുമെന്നും അധികൃതര് ഓര്മിപ്പിച്ചു.
Read also: മയക്കുമരുന്നുമായി വിമാനത്താവളത്തില് പിടിയിലായ പ്രവാസിക്ക് ശിക്ഷ വിധിച്ചു
സൗദി അറേബ്യയില് വന്യമൃഗങ്ങളെ വില്പന നടത്താന് ശ്രമിച്ച യുവാവ് പിടിയില്
റിയാദ്: സൗദി അറേബ്യയില് വന്യമൃഗങ്ങളെ വില്പന നടത്താന് ശ്രമിച്ച യുവാവ് അറസ്റ്റിലായി. വംശനാശ ഭീഷണി നേരിടുന്ന മൃഗങ്ങളടക്കം ഇയാളുടെ ശേഖരത്തിലുണ്ടായിരുന്നു. തായിഫില് നിന്ന് സൗദി പൗരനെ അറസ്റ്റ് ചെയ്തതെന്ന് പരിസ്ഥിതി സുരക്ഷാ സേന അറിയിച്ചു.
പരിശോധനകള് പൂര്ത്തിയാക്കിയ ശേഷം കേസ് തുടര് നടപടികള് സ്വീകരിക്കാനായി പബ്ലിക് പ്രോസിക്യൂഷന് കൈമാറി. ഇയാള് കൈവശം വെച്ചിരുന്ന മൃഗങ്ങളെ നാഷണല് വൈല്ഡ് ലൈഫ് സെന്റര് ഏറ്റെടുത്തു. വംശനാശ ഭീഷണി നേരിടുന്ന മൃഗങ്ങളുടെ വില്പനയുമായി ബന്ധപ്പെട്ട് പ്രവര്ത്തിക്കുന്നത് സൗദി അറേബ്യയില് മൂന്ന് കോടി റിയാല് വരെ പിഴയും പത്ത് വര്ഷം വരെ തടവും ലഭിക്കാവുന്ന കുറ്റമാണ്.
പരിസ്ഥിതിയെയും വന്യമൃഗങ്ങളെയും സംബന്ധിക്കുന്ന കുറ്റകൃത്യങ്ങള് ശ്രദ്ധയില്പെട്ടാല് അധികൃതരെ വിവരമറിയിക്കണമെന്ന് പരിസ്ഥിതി സുരക്ഷാ സേന പൊതുജനങ്ങളോട് ആവശ്യപ്പെട്ടു. മക്ക, റിയാദ് പ്രവിശ്യകളില് 911 എന്ന നമ്പറിലും മറ്റ് പ്രവിശ്യകളില് 999, 996 എന്നീ നമ്പറുകളിലുമാണ് വിവരം അറിയിക്കേണ്ടത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ