UAE Covid Report: യുഎഇയില് ഇന്ന് കൊവിഡ് സ്ഥിരീകരിച്ചത് 626 പേര്ക്ക്; ഒരു മരണം
Synopsis
കഴിഞ്ഞ 24 മണിക്കൂറിനിടെ നടത്തിയ 4,70,793 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള് പ്രകാരം ആകെ 8,75,884 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്.
അബുദാബി: യുഎഇയില് (UAE) പുതിയ കൊവിഡ് (Covid 19) രോഗികളുടെ എണ്ണം കുറയുന്നു. ഇന്ന് 626 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി (New covid infections) ആരോഗ്യ - പ്രതിരോധ മന്ത്രാലയം (Ministry of Health and Prevention) അറിയിച്ചു. കഴിഞ്ഞ 24 മണിക്കൂറിനിടെ ചികിത്സയിലായിരുന്ന 1,994 പേരാണ് രോഗമുക്തരായത് (Covid recoveries). രാജ്യത്ത് കൊവിഡ് ബാധിച്ച് ഒരു മരണം കൂടി (covid deaths) റിപ്പോര്ട്ട് ചെയ്യപ്പെട്ടു.
കഴിഞ്ഞ 24 മണിക്കൂറിനിടെ നടത്തിയ 4,70,793 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള് പ്രകാരം ആകെ 8,75,884 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 8,23,015 പേര് ഇതിനോടകം തന്നെ രോഗമുക്തരായി. 2,297 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില് രാജ്യത്ത് 50,572 കൊവിഡ് രോഗികളാണ് ചികിത്സയിലുള്ളത്.
ഷാര്ജ: ഷാര്ജയിലേക്കുള്ള (Sharjah) യാത്രക്കാര്ക്കും റാപിഡ് പിസിആര് പരിശോധന (rapid PCR test) ഒഴിവാക്കി. ഷാര്ജയുടെ ഔദ്യോഗിക എയര്ലൈനായ എയര് അറേബ്യയാണ് (Air Arabia) ഇക്കാര്യം അറിയിച്ചത്. ഇന്ത്യ, പാകിസ്ഥാന്, ബംഗ്ലാദേശ്, ശ്രീലങ്ക,കെനിയ, നേപ്പാള്, ഈജിപ്ത്, ഉഗാണ്ട എന്നീ രാജ്യങ്ങളില് നിന്നുള്ള യാത്രക്കാരെയാണ് റാപിഡ് പിസിആര് പരിശോധനയില് നിന്ന് ഒഴിവാക്കിയത്.
Read also: ഒമാനില് 1,224 പുതിയ കൊവിഡ് കേസുകള് കൂടി, നാലു മരണം
അതേസമയം 48 മണിക്കൂറിനുള്ളിലെടുത്ത ആര്ടി പിസിആര് പരിശോധനയുടെ ഫലം നിര്ബന്ധമാണ്. നിര്ദ്ദേശം ഇന്നു മുതല് പ്രാബല്യത്തില് വന്നു. അബുദാബി, റാസല്ഖൈമ വിമാനത്താവളങ്ങള് ഇക്കാര്യത്തില് നിര്ദ്ദേശം വ്യക്തമാക്കിയിട്ടില്ല.
ദുബൈ: ദുബൈയിലേക്കുള്ള (Dubai) യാത്രക്കാർക്ക് റാപിഡ് പിസിആര് പരിശോധന (Rapid PCR Test) ഒഴിവാക്കി. തീരുമാനം ഇന്നുമുതൽ പ്രാബല്യത്തിൽ വന്നു. ഇന്ത്യ പാക്കിസ്ഥാൻ ബംഗ്ലാദേശ് ശ്രീലങ്ക എന്നീ രാജ്യങ്ങളിലെ എല്ലാ വിമാനത്താവളങ്ങളിൽ നിന്നും ദുബായിലേക്ക് വരുന്ന യാത്രക്കാർക്ക് ഈ ഇളവ് ബാധകമാണ്.
എന്നാൽ 48 മണിക്കൂറിനിടയിലെ ആര്ടി പിസിആര് റിസൾട്ട് നെഗറ്റീവ് വേണമെന്ന പ്രോട്ടോകോളിൽ മാറ്റമില്ല. ദുബൈയിൽ എത്തിയാലും വിമാനത്താവളത്തിൽ വച്ച് കൊവിഡ് പരിശോധന ഉണ്ടാകും. നെഗറ്റീവ് റിസൾട്ട് വരുന്നത് വരെ കൊറന്റൈൻ ഇരിക്കണം എന്നാണ് ദുബൈയ് എയർപോർട്ട് അതോറിറ്റി യുടെ സർക്കുലർ പറയുന്നത്. അതേസമയം അബുദാബി ഷാർജ അടക്കം യുഎഇയിലെ മറ്റു വിമാനത്താവളങ്ങളിലേക്ക് യാത്രചെയ്യുന്നവർക്ക് റാപിഡ് പിസിആര് ഇപ്പോഴും ആവശ്യമാണ്.
അബുദാബി : ഇന്ത്യയില് നിന്ന് കൊവിഡ് വാക്സിന്റെ (Covid vaccine) രണ്ടു ഡോസും സ്വീകരിച്ച, യുഎഇയില് (Air India) നിന്നും ഇന്ത്യയിലേക്ക് യാത്ര ചെയ്യുന്നവര്ക്ക് യാത്രയ്ക്ക് മുമ്പുള്ള ആര്ടി പിസിആര് പരിശോധന (RT PCR test) ഒഴിവാക്കിയതായി എയര് ഇന്ത്യ എക്സ്പ്രസ് (Air India Express). ഇന്ത്യയില് നിന്നും വാക്സിന്റെ രണ്ടു ഡോസും സ്വീകരിച്ചവര്ക്കാണ് ഇളവ് നല്കിയിരിക്കുന്നത്. എയര് ഇന്ത്യ എക്സ്പ്രസ്, എയര് ഇന്ത്യ എന്നിവ ഇതുസംബന്ധിച്ച അറിയിപ്പ് പുറത്തുവിട്ടിട്ടുണ്ട്.
Read also: ഒമാനിലേക്കുള്ള യാത്രക്കാര് മുന്കൂര് രജിസ്റ്റര് ചെയ്യേണ്ടെന്ന് അധികൃതര്
യുഎഇ-ഇന്ത്യ യാത്രക്കാര്ക്കുള്ള എയര് ഇന്ത്യ, എയര് ഇന്ത്യ എക്സ്പ്രസ്, ഗോ എയര്, സ്പൈസ് ജെറ്റ്, ഇന്ഡിഗോ എന്നീ വിമാന കമ്പനികളുടെ പുതിയ മാര്ഗനിര്ദ്ദേശത്തിലാണ് ഇക്കാര്യം ഉള്ളത്. യത്രക്കാര് ഇന്ത്യയില് നിന്നുള്ള കൊവിഡ് വാക്സിനേഷന് സര്ട്ടിഫിക്കറ്റ് എയര് സുവിധ പോര്ട്ടലില് അപ്ലോഡ് ചെയ്യണം.
യുഎഇയില് നിന്ന് വാക്സിന് സ്വീകരിച്ചവര് ഇന്ത്യയിലേക്ക് യാത്ര ചെയ്യുന്നതിന് 72 മണിക്കൂറിനുള്ളിലെടുത്ത പിസിആര് പരിശോധനയുടെ നെഗറ്റീവ് ഫലം ഹാജരാക്കേണ്ടതുണ്ട്. എല്ലാ യാത്രക്കാരും യാത്രയ്ക്ക് മുമ്പ് 14 ദവസത്തെ യാത്രാ വിവരങ്ങള് ഉള്പ്പെടെയുള്ള കാര്യങ്ങള് അടങ്ങിയ ഫോം എയര് സുവിധ പോര്ട്ടലില് അപ്ലോഡ് ചെയ്യുകയും വേണം.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ