യൂണിയൻ കോപ് ജീവനക്കാർക്ക് ഫുഡ് സേഫ്റ്റി പരിശീലനം നൽകി

ജീവനക്കാരുടെ കഴിവുകൾ മെച്ചപ്പെടുത്തുന്നതിൽ യൂണിയൻ കോപ് പ്രതിജ്ഞാബദ്ധമാണെന്നതിനുള്ള തെളിവായിരുന്നു പരിശീലനപരിപാടി

യൂണിയൻ കോപ് ജീവനക്കാർക്ക് വേണ്ടി ഫുഡ് സേഫ്റ്റിയിൽ പരിശീലനം നൽകി. യൂണിയൻ കോപിന്റെ വിവിധ സെക്ഷനുകൾ, വകുപ്പുകൾ, ബ്രാഞ്ചുകൾ എന്നിവിടങ്ങളിലുള്ള 300-ൽ അധികം പേർക്കാണ് പരിശീലനം നൽകിയത്.

ജീവനക്കാരുടെ കഴിവുകൾ മെച്ചപ്പെടുത്തുന്നതിൽ യൂണിയൻ കോപ് പ്രതിജ്ഞാബദ്ധമാണെന്നതിനുള്ള തെളിവായിരുന്നു പരിശീലനപരിപാടി. ഫുഡ് സേഫ്റ്റിയുമായി ബന്ധപ്പെട്ട എല്ലാ ജീവനക്കാരും പരിശീലനത്തിന്റെ ഭാ​ഗമായി. ഫുഡ് ഹൈജീൻ, ഫുഡ് സേഫ്റ്റി കമിറ്റ്മെന്റ്, മൈക്രോബയോളജി, ഫുഡ് പോയിസണിങ് എന്നിവ തമ്മിലുള്ള ബന്ധം, ഭക്ഷണം ഉണ്ടാക്കുന്ന സ്ഥലത്ത് പാലിക്കേണ്ട വൃത്തി, പ്രാദേശിക ഹൈജീൻ സംവിധാനങ്ങളെക്കുറിച്ചുള്ള വിവരണം എന്നിവ പഠനത്തിന്റെ ഭാ​ഗമായിരുന്നു.