ഖത്തര് സന്ദര്ശനം പൂര്ത്തിയാക്കി ഉപരാഷ്ട്രപതി വെങ്കയ്യ നായിഡു മടങ്ങി
Synopsis
ഉപരാഷ്ട്രപതിയെ യാത്രയാക്കാന് ഖത്തര് വിദേശകാര്യ സഹമന്ത്രി സുല്ത്താന് ബിന് സാദ് അല് മുറൈഖി ദോഹ വിമാനത്താവളത്തില് എത്തി. ഇന്ത്യന് അംബാസഡര് ഡോ. ദീപക് മിത്തലും എംബസി ഉദ്യോഗസ്ഥരും അദ്ദേഹത്തെ യാത്രയാക്കാന് വിമാനത്താവളത്തില് എത്തിയിരുന്നു.
ദോഹ: മൂന്നു ദിവസത്തെ ഔദ്യോഗിക സന്ദര്ശനത്തിന്റെ ഭാഗമായി ഖത്തറിലെത്തിയ ഇന്ത്യന് ഉപരാഷ്ട്രപതി വെങ്കയ്യ നായിഡു ദില്ലിക്ക് മടങ്ങി. ഉപരാഷ്ട്രപതിയെ യാത്രയാക്കാന് ഖത്തര് വിദേശകാര്യ സഹമന്ത്രി സുല്ത്താന് ബിന് സാദ് അല് മുറൈഖി ദോഹ വിമാനത്താവളത്തില് എത്തി.
ഇന്ത്യന് അംബാസഡര് ഡോ. ദീപക് മിത്തലും എംബസി ഉദ്യോഗസ്ഥരും അദ്ദേഹത്തെ യാത്രയാക്കാന് വിമാനത്താവളത്തില് എത്തിയിരുന്നു. ഖത്തറിലെത്തിയ അദ്ദേഹം ഖത്തര് ശൂറാ കൗണ്സില് സ്പീക്കര് ഹസന് ബിന് അബ്ദുല്ല അല് ഗാനിയുമായി കൂടിക്കാഴ്ച നടത്തിയിരുന്നു. പാര്ലമെന്ററികാര്യ മേഖലയില് ഇന്ത്യയും ഖത്തറും തമ്മിലെ സഹകരണം ശക്തിപ്പെടുത്തുന്നതുമായി ബന്ധപ്പെട്ട് ചര്ച്ചകള് നടന്നു.
ഉപരാഷ്ട്രപതി വെങ്കയ്യ നായിഡു ഇന്ന് ഖത്തറിലെത്തും
ഖത്തര് നാഷണല് മ്യൂസിയവും ഉപരാഷ്ട്രപതി സന്ദര്ശിച്ചിരുന്നു. മ്യൂസിയം ചെയര്പേഴ്സണ് ശൈഖ് അല് മയാസ ബിന്ത് ഹമദ് ബിന് ഖലീഫ അല്ഥാനിക്കൊപ്പമാണ് അദ്ദേഹം മ്യൂസിയം സന്ദര്ശിച്ചത്. ഷെറാട്ടണ് ഹോട്ടലില് ഇന്ത്യന് പ്രവാസി സമൂഹം നല്കിയ സ്വീകരണ ചടങ്ങിലും അദ്ദേഹം പങ്കെടുത്തിരുന്നു.
സന്ദര്ശനത്തിന്റെ ഭാഗമായി പ്രധാനമന്ത്രി ശൈഖ് ഖാലിദ് ബിന് ഖലീഫ ബിന് അബ്ദുല്ലസീസ് അല്ഥാനി, പൊതുജനാരോഗ്യ മന്ത്രി ഡോ. ഹനാന് മുഹമ്മദ് അല് ഖുവാരി, വിദേശകാര്യ സഹമന്ത്രി സുല്ത്താന് ബിന് സാദ് അല് മുറൈഖി എന്നിവരുമായും ഉപരാഷ്ട്രപതി കൂടിക്കാഴ്ച നടത്തിയിരുന്നു.
ദില്ലി: ബിജെപി വക്താവ് നുപൂര് ശര്മയും നവീൻ കുമാര് ജിൻഡാലും പ്രവാകൻ മുഹമ്മദ് നബിയെ നിന്ദിച്ചു കൊണ്ട് നടത്തിയ പ്രസ്താവന രാജ്യത്തിന് പുറത്തും പ്രതിഷേധത്തിന് വഴി തുറക്കുന്നു. ഇന്ത്യൻ സ്ഥാനപതിയെ വിളിച്ചു വരുത്തിയ ഖത്തര് സംഭവത്തിൽ തങ്ങളുടെ പ്രതിഷേധം അറിയിച്ചു.പ്രവാചക നിന്ദയിൽ ഒമാനിലും വലിയ പ്രതിഷേധമുണ്ടായി. ഇന്ത്യ ഭരിക്കുന്ന പാർട്ടിയുടെ വക്താവിൻ്റെ പ്രസ്താവന അംഗീകരിക്കാനാവില്ലെന്ന് ഒമാൻ ഗ്രാൻറ് മുഫ്തി ഷെയ്ക്ക് അഹമ്മദ് ബിൻ ഹമദ് അൽ ഖലിലി പ്രസ്താവനയിൽ പറഞ്ഞു.
ബിജെപി നേതാവിൻ്റെ വിവാദ പരാമര്ശത്തെ ഉത്തര്പ്രദേശിലെ കാണ്പൂരിൽ വലിയ സംഘര്ഷം അരങ്ങേറിയതിന് പിന്നാലെയാണ് ദോഹയിലെ ഇന്ത്യൻ പ്രതിനിധിയെ വിളിച്ചു വരുത്തി ഖത്തര് സര്ക്കാര് വിഷയത്തിൽ തങ്ങളുടെ പ്രതിഷേധം അറിയിച്ചത്. ഇതിനു പിന്നാലെ വിഷയത്തിൽ വിശദീകരണവുമായി ഇന്ത്യൻ വിദേശകാര്യമന്ത്രാലയത്തിൻ്റെ പ്രസ്താവനയും പുറത്തിറങ്ങി.
"ചില വ്യക്തികൾ നടത്തിയ വിവാദ പ്രസ്താവനകളും ട്വീറ്റുകളും ഒരു തരത്തിലും ഇന്ത്യൻ സർക്കാരിന്റെ വീക്ഷണങ്ങളെ പ്രതിഫലിപ്പിക്കുന്നില്ല. ഇത് വിവിധ വ്യക്തികളുടെ കാഴ്ചപ്പാടുകളാണ്" എന്ന് അംബാസഡർ ദീപക് മിത്തൽ അറിയിച്ചതായി ഖത്തറിലെ ഇന്ത്യൻ എംബസി പ്രസ്താവനയിൽ പറഞ്ഞു.
"നാനാത്വത്തിൽ ഏകത്വം എന്ന മഹത്തായ പരാമ്പര്യം ഉയര്ത്തി പിടിച്ചാണ് ഇന്ത്യ മുന്നോട്ട് നീങ്ങുന്നത്. ഇന്ത്യൻ സർക്കാർ എല്ലാ മതങ്ങൾക്കും പരമോന്നത ബഹുമാനം നൽകുന്നു. അപകീർത്തികരമായ പരാമർശങ്ങൾ നടത്തിയവർക്കെതിരെ ബന്ധപ്പെട്ട സംഘടനകൾ ശക്തമായ നടപടി സ്വീകരിച്ചിട്ടുണ്ട്. ഇത്തരം പ്രസ്താവനകൾ ഇന്ത്യയുടെ പൊതുനിലപാടായി കാണരുത്," ഇന്ത്യൻ എംബസിയുടെ പ്രസ്താവനയിൽ പറയുന്നു.
ബിജെപി വക്താവ് നൂപുർ ശർമ, സഹപ്രവർത്തകൻ നവീൻ കുമാർ ജിൻഡാൽ എന്നിവരുടെ പരാമർശങ്ങളാണ് ഖത്തറിൻ്റേയും ഒമാൻ്റേയും പ്രതിഷേധത്തിന് വകവച്ചത്. സംഭവത്തിൽ . ജിൻഡാലിനെ പാർട്ടി പുറത്താക്കുകയും നൂപൂർ ശർമ്മയെ സസ്പെൻഡ് ചെയ്യുകയും ചെയ്തിട്ടുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam