നാളെ മകരജ്യോതി
Synopsis
മകരദീപപ്രഭയിലേക്ക് സന്നിധാനം മിഴി തുറക്കാന് ഇനി ഒരു ദിവസം മാത്രം. പൊന്നമ്പലമേട്ടില് തെളിയുന്ന മകരജ്യോതി ദര്ശിക്കാന് ഭക്തലക്ഷങ്ങള് ശരണം വിളികളോടെ കാത്തിരിക്കുകയാണ്.
മകരവിളക്കിന് മുന്നോടിയായുള്ള ശുദ്ധിക്രിയകളാണ് ഇന്ന് സന്നിധാനത്ത് നടന്നത്. കണ്ഠര് രാജീവരുടെ നേതൃത്വത്തില് ചടങ്ങുകള് നടന്നു. പമ്പാസദ്യയും പമ്പാവിളക്കും ഭക്തര്ക്ക് സായൂജ്യമേകി.സുര്യന് ധനുരാശിയില് നിന്ന് മകരം രാശിയിലേക്ക് കടക്കുന്നനാളെ രീവിലെ 7,40നാണ് സംക്രമപൂജ. കവടിയാര് കൊട്ടാരത്തില് നിന്ന ദൂതന് വശം കൊണ്ടുവന്ന നെയ്യാണ് അഭിഷേകത്തിന് ഉപയോഗിക്കുക. പരമ്പരാഗത കാനനപാതയിലൂടെ യാത്ര ചെയ്യുന്ന തിരുവാഭരണഘോഷയാത്ര വൈകിട്ട് ദീപാരാധനക്ക് മുന്പ് നന്നിധാനത്തെത്തും. തിരുവാഭരണം ചാര്ത്തിയുള്ള ദീപാരാധനക്ക് ശേഷം പൊന്നമ്പലമേട്ടില് മകരജ്യോതി തെളിയും.
കഴിഞ്ഞ വര്ഷം മണ്ഡലകാലത്ത് നാല് കോടി തീര്ത്ഥാടകര് ശബരിമലയില് എത്തിയതായാണ് കണക്ക്. ഇത്തവണ അതില് നിന്നും 15 ശതമാനം വര്ദ്ധനവ് പ്രതീക്ഷിക്കുന്നു.വരുമാനത്തില് എതാണ്ട് ഒരു കോടി മുപ്പത്തി ഒന്ന് ലക്ഷം രൂപയുടെ വര്ദ്ധനവ് ഉണ്ടായിട്ടുണ്ട്.