ശ്രീകോവില് അടയ്ക്കും; യുവതികളെ പുറത്തിറക്കണം: കണ്ഠരര് രാജീവര്
Synopsis
രണ്ട് യുവതികളാണ് ഐജി ശ്രജീത്തിന്റെ നേതൃത്വത്തില് പൊലീസ് അകമ്പടിയോടെ നടപ്പന്തല് വരെയെത്തിയത്. ഹൈദരാബാദില് നിന്നുള്ള മോജോ ജേര്ണലിസ്റ്റ് കവിതയും എറണാകുളം സ്വദേശിയായ രഹ്ന ഫാത്തിമയുമാണ് മലകയറിയത്.
സന്നിധാനം:നടപന്തലില് തുടരുന്ന യുവതികളെ പുറത്തിറക്കണമെന്ന് കണ്ഠരര് രാജീവര്. യുവതികള് പതിനെട്ടാംപടി ചവിട്ടിയാല് ശ്രീകോവില് അടയ്ക്കും. നട അടച്ചിടാന് തന്ത്രിക്ക് അവകാശമുണ്ടെന്ന് ദേവസ്വം മന്ത്രി. രണ്ട് യുവതികളാണ് ഐജി ശ്രജീത്തിന്റെ നേതൃത്വത്തില് പൊലീസ് അകമ്പടിയോടെ നടപ്പന്തല് വരെയെത്തിയത്. ഹൈദരാബാദില് നിന്നുള്ള മോജോ ജേര്ണലിസ്റ്റ് കവിതയും എറണാകുളം സ്വദേശിയായ രഹ്ന ഫാത്തിമയുമാണ് മലകയറിയത്.
വിശ്വാസികളുടെ താല്പര്യത്തിനാണ് സര്ക്കാര് മുന്ഗണന നല്കുന്നതെന്ന് ദേവസ്വം മന്ത്രി കടകംപള്ളി സുരേന്ദ്രന് പറഞ്ഞത്. ശക്തി തെളിയിക്കാനുള്ള ശ്രമമായുള്ള ആക്ടിവിസ്റ്റുകളുടെ ശ്രമത്തിനെ സര്ക്കാര് പിന്തുണയ്ക്കില്ല. വിശ്വാസികളായ സ്ത്രീകള് ശബരിമലയില് കയറാന് എത്തിയാല് സര്ക്കാര് അവര്ക്കൊപ്പം ഉണ്ടാവുമെന്നും ദേവസ്വം മന്ത്രി കടകംപള്ളി സുരേന്ദ്രന് പറഞ്ഞിരുന്നു. ഇന്ന് രാവിലെ രണ്ട് യുവതികള് പൊലീസ് സംരക്ഷണയില് നടപ്പന്തലില് എത്തിയ സംഭവത്തിന് ശേഷം മാധ്യമങ്ങളോട് സംസാരിക്കുകയായിരുന്നു മന്ത്രി.