നിരാശയുടെ നിമിഷങ്ങൾ, വിക്രം ലാൻഡറിൽ നിന്നുള്ള ആശയവിനിമയം നഷ്ടമായി - Live
Summary
വിക്രം ലാന്ഡറില്നിന്നുള്ള ആശയവിനിമയം നഷ്ടപ്പെട്ടതായി ഐഎസ്ആര്ഒ ചെയര്മാന് സ്ഥിരീകരിച്ചു. ചന്ദ്രോപരിതലത്തില്നിന്ന് 2.1 കിമീ അകലെ വെച്ചാണ് ബന്ധം നഷ്ടമായതെന്ന് ചെയര്മാന് അറിയിച്ചു. സ്ഥിതിഗതികള് പരിശോധിക്കുകയാണെന്നും അദ്ദേഹം അറിയിച്ചു.
02:28 AM (IST) Sep 07
ആശയവിനിമയം നഷ്ടമായി, സ്ഥിരീകരിച്ച് ഐഎസ്ആർഒ ചെയർമാൻ
ഐഎസ്ആർഒയ്ക്ക് വിക്രം ലാൻഡറുമായുള്ള ആശയവിനിമയം നഷ്ടമായതായി ഐഎസ്ആർഒ ചെയർമാൻ കെ ശിവൻ. 2.1 കിലോമീറ്റർ വരെ കൃത്യമായ സിഗ്നലുകൾ കിട്ടിയിരുന്നു. എല്ലാം കൃത്യമായി പോയിരുന്നു. എന്നാൽ പിന്നീടങ്ങോട്ട് സിഗ്നലുകൾ നഷ്ടമായെന്നും കെ ശിവൻ.
02:26 AM (IST) Sep 07
പ്രധാനമന്ത്രിയോട് വിശദാംശങ്ങൾ ധരിപ്പിച്ച് ചെയർമാൻ കെ ശിവൻ
02:24 AM (IST) Sep 07
അവസാനഘട്ടത്തിലേക്ക്, ശാസ്ത്രജ്ഞർ ആശങ്കയിൽ
എന്താണ് സംഭവിക്കുന്നതെന്ന് വ്യക്തതയില്ല. എല്ലാവരുടെയും മുഖത്ത് ടെൻഷൻ വ്യക്തം.
02:23 AM (IST) Sep 07
ഫൈൻ ബ്രേക്കിംഗ് തുടങ്ങി
ബ്രേക്കിടൽ പ്രക്രിയ അൽപം 'സ്മൂത്താ'കുന്നു. ഫൈൻ ബ്രേക്കിംഗ് പ്രക്രിയ തുടങ്ങുന്നു.
02:22 AM (IST) Sep 07
റഫ് ബ്രേക്കിംഗ് തുടങ്ങി, ദൂരം താഴ്ന്ന് വരുന്നു
ഇറങ്ങാനുള്ള ആദ്യ 'ബ്രേക്കിടൽ', ത്രസ്റ്ററുകൾ ഉപയോഗിച്ച് ആദ്യം അൽപം 'റഫ് ബ്രേക്കിംഗ്' ആണ് നടക്കുക.
02:21 AM (IST) Sep 07
വിക്രം ലാന്ഡര് സോഫ്റ്റ് ലാന്ഡിംഗ് തുടങ്ങി, ചന്ദ്രനെ തൊടാന് നിമിഷങ്ങള് മാത്രം
സോഫ്റ്റ് ലാൻഡിംഗിനായി പതുക്കെ താഴ്ന്നു തുടങ്ങി.
02:16 AM (IST) Sep 07
വിക്രം ലാന്ഡന് ചന്ദ്രന് തൊടുന്നത് കാത്ത് ഐഎസ്ആര്ഒ - ചിത്രങ്ങള് കാണാം
02:15 AM (IST) Sep 07
ഘട്ടം ഘട്ടമായി നടക്കാൻ പോകുന്നതിതാണ് ..
കൃത്യം ഓരോ നിമിഷവും സംഭവിക്കാൻ പോകുന്നതിതാണ്:
1.38 - ഇറങ്ങാനുള്ള ആദ്യ 'ബ്രേക്കിടൽ', ത്രസ്റ്ററുകൾ ഉപയോഗിച്ച് ആദ്യം അൽപം 'റഫ് ബ്രേക്കിംഗ്' ആണ് നടക്കുക.
1.48 - പത്ത് മിനിറ്റിൽ ബ്രേക്കിടൽ പ്രക്രിയ അൽപം 'സ്മൂത്താ'കും. ഫൈൻ ബ്രേക്കിംഗ് പ്രക്രിയ തുടങ്ങും.
1.50 - ആദ്യനിരീക്ഷണം. ഇറങ്ങുന്നതിനിടയിൽ ചുറ്റുമുള്ള സ്ഥിതിഗതികളൊക്കെ ഒന്ന് നിരീക്ഷിച്ച ശേഷമേ ഇനി താഴോട്ട് യാത്രയുള്ളൂ.
1.52 - ചന്ദ്രോപരിതലത്തിന്റെ ആദ്യചിത്രം ആ നിരീക്ഷണത്തിനിടയിൽ പകർത്തും. അത് ഭൂമിയിലേക്ക് അയക്കും.
1.53 - വിക്രം എന്ന ലാൻഡർ ചന്ദ്രോപരിതലം തൊടും. നിർണായകമായ, സുപ്രധാനമായ നിമിഷം. കൃത്യസമയം പറഞ്ഞാൽ 1.52.54.
ഇനി രണ്ട് മണിക്കൂർ കഴിഞ്ഞ്..
3.53 - പ്രഗ്യാൻ എന്ന റോവറാണ് ചന്ദ്രോപരിതലം ചുറ്റി വിവരങ്ങളെടുക്കുക. അതിനുള്ള റാംപ് ഒരുക്കും.
4.23 - പ്രഗ്യാൻ പ്രവർത്തനക്ഷമമാകും.
05.03 - പ്രഗ്യാന്റെ സോളാർ പാനൽ വിന്യസിക്കപ്പെടും.
05.19 - പ്രഗ്യാൻ റോവർ പതുക്കെ റാംപിലൂടെ ഉരുണ്ട് താഴോട്ട്.
05.29 - പത്ത് മിനിറ്റ് കൊണ്ട് പതുക്കെ പ്രഗ്യാൻ റോവർ നിലം തൊടും. അതായത് ചന്ദ്രോപരിതലം തൊടും.
05.45 - വിക്രം പ്രഗ്യാന്റെ ചിത്രങ്ങളെടുത്ത് തുടങ്ങും.
ഇത്രയുമായാൽ ദൗത്യം വിജയകരം. ഇത്രയും വിവരങ്ങൾ ലഭിച്ചാൽ പ്രധാനമന്ത്രി നരേന്ദ്രമോദി പുലർച്ചെ 6 മണിക്ക് രാജ്യത്തെ അഭിസംബോധന ചെയ്യും.
02:14 AM (IST) Sep 07
ചന്ദ്രനെ തൊടാനിറങ്ങുന്ന ഇന്ത്യയുടെ അഭിമാനപേടകം: ഇന്ന് രാത്രി സംഭവിക്കുന്നതെന്ത്?
പുലർച്ചെ വരെ നീളുന്ന ഏഷ്യാനെറ്റ് ന്യൂസിന്റെ പ്രത്യേക ബുള്ളറ്റിനിലൂടെ അറിയാം, ചന്ദ്രയാൻ - 2 ന്റെ എല്ലാ തത്സമയ വിവരങ്ങളും. യൂട്യൂബിലും വെബ്സൈറ്റിലും തത്സമയസംപ്രേഷണമുണ്ട്.
എന്ത് സംഭവിക്കും? ഇന്ന് രാത്രി: വിശദമായി വായിക്കാൻ ഇവിടെ ക്ലിക്ക് ചെയ്യൂ.
02:12 AM (IST) Sep 07
സ്വീകരിക്കാനെത്തിയത് ഐഎസ്ആർഒ ചെയർമാൻ
02:11 AM (IST) Sep 07
ചന്ദ്രയാന് 2 തത്സമയം വീക്ഷിക്കാന് പ്രധാനമന്ത്രിയും
ചന്ദ്രയാൻ 2 ദൗത്യം തൽസമയം വീക്ഷിക്കാൻ ബെംഗളൂരുവിലെ ഐഎസ്ആര്ഒ കേന്ദ്രത്തിലെ ഇസ്ട്രാക്കിൽ പ്രധാനമന്ത്രി നരേന്ദ്ര മോദിയെത്തി.
02:11 AM (IST) Sep 07
നിര്ണായക മണിക്കൂറുകള്; പ്രതീക്ഷയോടെ രാജ്യം
ചന്ദ്രയാൻ രണ്ട് വിക്രം ലാൻഡർ ചന്ദ്രോപരിതലത്തിൽ സോഫ്റ്റ് ലാന്ഡിംഗ് നടത്തിയാല് ഐഎസ്ആര്ഒക്കൊപ്പം ഇന്ത്യയെത്തുന്നത് ചരിത്ര നേട്ടത്തിലേക്കാണ്. ഇന്ന് പുലർച്ചെ 1.30-നും 2.30-നും ഇടയിൽ വിക്രം ചന്ദ്രനെ തൊടുമെന്നാണ് കണക്കുകൂട്ടല്