​മെലിഞ്ഞ് മനോഹരിയായി ഖുശ്ബു; എന്തൊരു മേക്കോവറെന്ന് ആരാധകർ, ചിത്രങ്ങൾ വൈറൽ

ബാലതാരമായിട്ടായിരുന്നു ഖുശ്ബു തന്റെ അഭിനയ ജീവിതം തുടങ്ങിയത്. പിന്നീട് തെന്നിന്ത്യയിലെ ഒഴിച്ചു കൂടാനാകാത്ത താരമായി നടി മാറി. 

തെന്നിന്ത്യൻ സിനിമാ പ്രേക്ഷകരുടെ പ്രിയതാരമാണ് ഖുശ്ബു. ഇപ്പോഴിതാ താരത്തിന്റെ പുത്തൻ മേക്കോവർ കണ്ട് അമ്പരന്നിരിക്കുകയാണ് പ്രേക്ഷകർ. മെലിഞ്ഞ് സുന്ദരിയായാണ് താരം ചിത്രത്തിൽ ഉള്ളത്. തന്റെ സോഷ്യൽ മീഡിയ വഴിയാണ് ഖുശ്ബു ശരീര ഭാരം കുറച്ചതിനെ കുറിച്ച് വിശദീകരിച്ചത്. 

കഠിനാധ്വാനം ഫലം കാണുമ്പോൾ കിട്ടുന്ന സന്തോഷം പറഞ്ഞറിയിക്കാനാവില്ലെന്നാണ് ചിത്രങ്ങൾക്കൊപ്പം ഖുശ്ബു കുറിച്ചിരിക്കുന്നത്. സിനിമ താരങ്ങൾ ഉൾപ്പടെ നിരവധി പേർ ഖുശ്ബുവിന് അഭിനന്ദനം അറിയിച്ചു കൊണ്ട് രം​ഗത്തെത്തിയിട്ടുണ്ട്. 

ബാലതാരമായിട്ടായിരുന്നു ഖുശ്ബു തന്റെ അഭിനയ ജീവിതം തുടങ്ങിയത്. പിന്നീട് തെന്നിന്ത്യയിലെ ഒഴിച്ചു കൂടാനാകാത്ത താരമായി നടി മാറി. രജനീകാന്ത്, കമൽഹാസൻ, സത്യരാജ്, പ്രഭു, സുരേഷ്‌ഗോപി, മോഹൻലാൽ, മമ്മൂട്ടി, ജയറാം, ദിലീപ് എന്നിവരോടൊപ്പം ധാരാളം വേഷങ്ങൾ ചെയ്തു. തമിഴ് ചിത്രങ്ങൾ കൂടാതെ ധാരാളം കന്നഡ, തെലുങ്ക് , മലയാളം എന്നീ ഭാഷാ ചിത്രങ്ങളിലും അഭിനയിച്ചിട്ടുണ്ട്. 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona