റിയൊ ഡി ജനീറോ: ഡാനി ആല്‍വസിനെ ഒഴിവാക്കി റഷ്യന്‍ ലോകകപ്പിനുള്ള ബ്രസീലിയന്‍ ടീമിനെ പ്രഖ്യാപിച്ചു. കഴിഞ്ഞ ആഴ്ച ഫ്രഞ്ച് കപ്പ് ഫൈനലിനിടെ പരിക്കേറ്റതാണ് ആല്‍വസിന് വിനയായത്. 23 അംഗ സ്‌ക്വാഡിനെയാണ് ബ്രസീല്‍ പ്രഖ്യാപിച്ചത്.
സീസണില്‍ ബാഴ്‌സലോണയിലേക്ക് ചേക്കേറിയ യുവതാരം അര്‍തറിനെ ടീമിലേക്ക് പരിഗണിച്ചില്ല. മൊണാക്കോയുടെ ഫാബിനോയും യുവന്റസ് ഫുള്‍ബാക്ക് അലക് സാന്‍ട്രോയുമാണ് ടീമിലെ മറ്റു പ്രധാന അഭാവങ്ങള്‍. നെയ്മര്‍, ഫിലിപ്പെ കുടീഞ്ഞോ, ഫെര്‍മീനോ, വില്ല്യന്‍, പൗളീനോ, ഫെര്‍ണാണ്ടീനോ തുടങ്ങി പ്രമുഖ താരങ്ങളെല്ലാന്‍ ടിറ്റെയുടെ 23 അംഗ സ്‌ക്വാഡില്‍ ഉള്‍പ്പെട്ടിട്ടുണ്ട്.
ബ്രസീല്‍ ടീം: ഗോള്‍ കീപ്പര്‍മാര്‍: അലിസണ്‍, എഡേഴ്‌സണ്‍, കാസിയോ. പ്രതിരോധം: ഡാനിലോ, ഫാഗ്നര്‍, തിയാഗോ സില്‍വ, മിറാന്‍ഡ്, ഫിലിപ്പെ ലൂയിസ്, മര്‍ക്വിഞ്ഞോസ്, പെഡ്രോ ജെറോമല്‍. മധ്യനിര: കസെമിറോ, പൗളിഞ്ഞോ, ഫെര്‍ണാണ്ടിഞ്ഞോ, റിനെറ്റോ അഗസ്‌റ്റോ, ഫിലിപ്പെ കുടിഞ്ഞോ, ഫ്രഡ്, വില്ല്യന്‍. മുന്നേറ്റം: നെയ്മര്‍, റോബെര്‍ട്ടോ ഫിര്‍മീനോ, ഗബ്രിയേല്‍ ജീസസ്, ഡഗ്ലസ് കോസ്റ്റ, ടൈസണ്‍.