ലോക റാങ്കിംഗില് കുല്ദീപിന്റെ പടയോട്ടം; ജോ റുട്ടും വിസ്മയിപ്പിച്ചു
Synopsis
ബാറ്റ്സ്മാന്മാരുടെ റാങ്കിംഗില് ഇന്ത്യന് നായകന് വിരാട് കോലി തന്നെയാണ് മുന്നില്
ലണ്ടന്: ഇംഗ്ലണ്ടിനെതിരെയുള്ള ഏകദിന പരമ്പരയിലെ മികച്ച പ്രകടനം കുല്ദീപ് യാദവിനെ ലോക റാങ്കിംഗില് ആദ്യ പത്തിലെത്തിച്ചു. ഇതാദ്യമായാണ് ഇന്ത്യന് യുവ താരം ആദ്യ പത്തിനുള്ളിലെത്തുന്നത്. ലോക റാങ്കിംഗില് ആറാം സ്ഥാനത്താണ് കുല്ദീപ് കുതിച്ചെത്തിയത്.
ഇംഗ്ലിഷ് മണ്ണിലെ മൂന്ന് ഏകദിനങ്ങളിലായി കുല്ദീപ് 9 വിക്കറ്റാണ് സ്വന്തമാക്കിയത്. ആദ്യ ഏകദിനത്തില് കുല്ദീപിന്റെ 6 വിക്കറ്റ് പ്രകടനമാണ് ടീം ഇന്ത്യക്ക് വിജയം സമ്മാനിച്ചത്. 14ാം റാങ്കില് നിന്ന് 8 സ്ഥാനങ്ങളാണ് കുല്ദീപ് മെച്ചപ്പെടുത്തിയത്.
ഇന്ത്യയുടെ ജസ്പ്രീത് ബുംറയാണ് ബൗളര്മാരുടെ പട്ടികയില് മുന്നില്. അഫ്ഗാന് അത്ഭുതം റഷീദ് ഖാന് രണ്ടാം സ്ഥാനത്തും ഹസന് അലി മൂന്നാം സ്ഥാനത്തും തുടരുന്നു. അതേ സമയം യൂസുവേന്ദ്ര ചഹാല് രണ്ട് സ്ഥാനം നഷ്ടപ്പെടുത്തി പത്താം റാങ്കിലേക്ക് വീണു.
ബാറ്റ്സ്മാന്മാരുടെ റാങ്കിംഗില് ഇന്ത്യന് നായകന് വിരാട് കോലി തന്നെയാണ് മുന്നില്. ഇന്ത്യക്കെതിരെ രണ്ട് സെഞ്ചുറി നേടിയ ജോ റൂട്ട് രണ്ടാം സ്ഥാനത്തേക്ക് കുതിച്ചെത്തി. രോഹിത് ശര്മ്മ നാലാംസ്ഥാനത്തുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!