കോഹ്ലിക്ക് സെഞ്ച്വറി വെസ്റ്റ് ഇന്‍ഡീസിനെതിരെ ഇന്ത്യ മികച്ച സ്കോറിലേക്ക്

ആന്‍റിഗോ: വെസ്റ്റ് ഇൻഡീസിനെതിരായ ആദ്യ ക്രിക്കറ്റ് ടെസ്റ്റിൽ വിരാട് കോഹ്‍ലിക്ക് സെഞ്ച്വറി. കോഹ്‍ലിയുടെ സെഞ്ച്വറിയുടെ മികവിൽ ആദ്യദിനം കളി നിർത്തുമ്പോള്‍ ഇന്ത്യ 4 വിക്കറ്റിന് 302 എന്ന നിലയിലാണ്.  197 പന്തിൽ നിന്ന് 143 റൺസ് നേടിയ കോഹ്‍ലി പുറത്താകാതെ നിൽക്കുകയാണ്. ശിഖർ ധവാൻ 84 റൺസ് നേടി. മുരളി വിജയ്, ശിഖർ ധവാൻ, ചേതേശ്വർ പൂജാരെ, അജിങ്ക്യ റഹാനെ എന്നിവരാണ് പുറത്തായത്. 22 റൺസ് നേടിയ ആർ അശ്വിനും ക്രീസിലുണ്ട്. വിൻഡീസിനുവേണ്ടി ദേവേന്ദ്ര ബിഷു മൂന്ന് വിക്കറ്റ് നേടി. കുംബ്ലെ പരിശീലകനായ ശേഷമുള്ള ഇന്ത്യയുടെ ആദ്യ മത്സരമാണിത്.