ബെര്‍ബറ്റോവ് തിരിച്ചെത്തി; ജീവന്‍ മരണ പോരാട്ടം അല്‍പസമയത്തിനകം

കൊല്‍ക്കത്ത: ഐഎസ്എല്ലില്‍ കേരള ബ്ലാസ്റ്റേഴ്‌സ്- അമര്‍ തൊമാര്‍ കൊല്‍ക്കത്ത മത്സരം അല്‍പസമയത്തിനകം. ബ്ലാസ്റ്റേഴ്സ് നിരയില്‍ പരുക്കേറ്റ് മടങ്ങിയ ഇയാന്‍ ഹ്യൂമിന് പകരം ദിമിത്താര്‍ ബെര്‍ബറ്റോവ് തിരിച്ചെത്തി. അതേസമയം മലയാളി താരങ്ങളായ സി.കെ വിനീതും പ്രശാന്ത് കെയും ആദ്യ ഇലവനിലുണ്ട്. ഗുഡ്ജോണ്‍, വീനിത്, ബെര്‍ബറ്റോവ് ത്രിമൂര്‍ത്തികളാണ് മഞ്ഞപ്പടയുടെ ആക്രമണത്തിന് നേതൃത്വം നല്‍കുക.സുബാശിഷ് റോയിയാണ് പതിനഞ്ചാം മത്സരത്തില്‍ ബ്ലാസ്റ്റേഴ്സ് വലകാക്കുക. അതേസമയം കൊല്‍ക്കത്ത നിരയില്‍ സൂപ്പര്‍ താരം റോബീ ക്വീന്‍ ഇന്ന് കളിക്കില്ല. 20 പോയിന്റുമായി ലീഗില്‍ ആറാം സ്ഥാനത്താണ് കേരള ബ്ലാസ്റ്റേഴ്‌സ്. ഇന്ന് ജയിച്ചാല്‍ ബ്ലാസ്റ്റേഴ്സിന് ജംഷെഡ്പൂരിനെ മറികടന്ന് നാലാം സ്ഥാനത്തെത്താം. ശേഷിക്കുന്ന കളികളെല്ലാം ജയിച്ചാലേ ഇരുടീമിനും പ്ലേ ഓഫ് സാധ്യതയുള്ളൂ.