കോഹ്ലി അത്രമിടുക്കനായിട്ടില്ലെന്ന് യുവരാജ്

ബാംഗലൂരു: വിരാട് കോഹ്ലിയെ സച്ചിന്‍ ടെണ്ടുല്‍ക്കറിനോട് ഉപമിക്കുന്നതിനെതിരെ യുവരാജ് സിംഗ് രംഗത്ത്. കൊഹ്ലി ഈ തലമുറയിലെ ഏറ്റവും മികച്ച ബാറ്റ്‌സ്മാനാണെങ്കിലും സച്ചിനുമായി കോഹ്ലിയെ ഉപമിക്കുന്നത് ശരിയല്ലെന്നാണ് യുവിയുടെ അഭിപ്രായം. ക്രിക്കറ്റില്‍ ബാറ്റിംഗില്‍ ഒരു ഇതിഹാസമായി മാറുവാന്‍ സച്ചിന്‍ വലിയ കഠിന പ്രയത്നങ്ങള്‍ നടത്തി, അതിനെ നിസാരവത്കരിക്കരുതെന്നും ഇന്ത്യന്‍ താരം കൂട്ടിച്ചേര്‍ത്തു.

കൊഹ്ലിയും ദക്ഷിണാഫ്രിക്കന്‍ താരം എബി ഡിവില്ലിയേഴ്‌സുമാണ് ഈ തലമുറയിലെ സൂപ്പര്‍ താരങ്ങള് എന്നതില്‍ യുവിക്ക് എന്നാല്‍ എതിരാഭിപ്രായമില്ല‍. കൊഹ്‌ലിക്ക് സച്ചിനെ പോലെ ഉയരാന്‍ ഇനിയും സമയമുണ്ടെന്നും യുവി പറഞ്ഞു. സെഞ്ച്വറികളില്‍ സെഞ്ച്വറിയെന്ന നാഴികകല്ല് കൊഹ്ലിക്ക് ഇനിയും വളരെ ദൂരെയാണെന്നും യുവി കൂട്ടിച്ചേര്‍ത്തു.

കോഹ്ലിയുടെ സമീപകാലത്തെ തകര്‍പ്പന്‍ പ്രകടനമാണ് സച്ചിന്റെ-കോഹ്ലി ആരാണ് കേമന്‍ എന്ന ചര്‍ച്ച സജീവമാകാന്‍ കാരണം. ഐപിഎല്ലില്‍ തകര്‍പ്പന്‍ പ്രകടനം കാഴ്ച്ചവെക്കുന്ന കോഹ്ലി ഇതിനോടകം തന്നെ അഞ്ച് അര്‍ധ സെഞ്ച്വറി നേടിക്കഴിഞ്ഞു.