സെറീന ഇങ്ങനെയൊക്കെ തോല്‍ക്കാമോ..?

 ബ്രിട്ടീഷ് താരം യോഹന്ന കോന്റായാണ് നേരിട്ടുള്ള സെറ്റുകള്‍ക്ക് സെറീനയെ തകര്‍ത്തത്.  

സാന്‍ഫ്രാന്‍സിസികോ: സിലിക്കണ്‍വാലി ക്ലാസിക് ടെന്നിസില്‍ സെറീന വില്യംസിന് വമ്പന്‍ തോല്‍വി. ബ്രിട്ടീഷ് താരം യോഹന്ന കോന്റായാണ് നേരിട്ടുള്ള സെറ്റുകള്‍ക്ക് സെറീനയെ തകര്‍ത്തത്. സ്‌കോര്‍ 6-1, 6-0.  എന്ന സ്‌കറിനായിരുന്നു കോന്റയുടെജയം. പ്രൊഫഷണല്‍ ടെന്നിസില്‍ സെറീനയുടെ ഏറ്റവും വലിയ തോല്‍വിയാണിത്. 

52 മിനിറ്റുകള്‍ക്കിടെ മത്സരം പൂര്‍ത്തിയായി. 48ാം റാങ്കുകാരിയാണ് കോന്റ. 2014ല്‍ സിമോണ ഹാലെപ്പിനെതിരേ 6-0, 6-2 എന്ന സ്‌കോറിന് സെറീന പരാജയപ്പെട്ടിരുന്നു. സിംഗപ്പുര്‍ ഓപ്പണിലായിരുന്നു ഇത്.

1995ല്‍ പ്രൊഷണല്‍ ടെന്നിസില്‍ എത്തിയതിന്  ശേഷം ആദ്യമായാണ് സെറീന രണ്ട് ഗെയിം നേടാതെ തോല്‍ക്കുന്നത്. അമ്മയായതിന് ശേഷം കളിക്കളത്തില്‍ തിരിച്ചെത്തിയ സെറീന ഇക്കഴിഞ്ഞ വിംബിള്‍ഡണ്‍ ഫൈനലില്‍ പ്രവേശിച്ചിരുന്നു.