മുംബൈ: സ്വന്തം ടീം അഗമാണെങ്കിലും ഹര്‍ഭജന്‍ അങ്ങനെയാണ്. ചൂടാവേണ്ടിടത്ത് ചൂടാവും. അടികൊടുക്കേണ്ട സമയത്ത് അടികൊടുക്കുകയും ചെയ്യു. ഇന്നലെ പൂനെ സൂപ്പര്‍ജയന്റ്സിനെതിരെ നടന്ന മത്സരത്തിനിടിയായിരുന്നു ഭാജി സ്വന്തം ടീം അംഗമായ അംബാട്ടി റായിഡുവിനോട് പൊട്ടിത്തെറിച്ചത്. ഹര്‍ഭജന്റെ പത്താം ഓവറിലെ നാലാം പന്തിലായിരു നാടകീയ സംഭവങ്ങള്‍ അരങ്ങേറിയത്. ഹര്‍ഭജന്റെ പന്തില്‍ സൗരഭ് തിവാരി അടിച്ച ഷോട്ട് ബൗണ്ടറി കടക്കുന്നത് തടയാനായി ആവേശത്തോടെ ഓടിയ റായിഡുവിന് പക്ഷെ പന്ത് ബൗണ്ടറി കടക്കുന്നത് തടയാനായില്ല.
ഈ സമയം പന്ത് തടയാനായി ഓടിയെത്തിയ ടിം സൗത്തി നോക്കി നില്‍ക്കെ റായിഡുവിന്റെ കൈയില്‍ തട്ടി പന്ത് ബൗണ്ടറി കടന്നു. സൗത്തിക്ക് തട്ടി കൊടുത്തിരുന്നുവെങ്കില്‍ പന്ത് ബൗണ്ടറി കടക്കില്ലായിരുന്നു. ഹര്‍ഭജന്റെ രണ്ടാം ഓവറായിരുന്നു അത്. അതുവരെ ബൗണ്ടറിയൊന്നും വഴങ്ങാതെ പന്തെറിഞ്ഞ ഭാജിക്ക് പന്ത് തടുക്കാനുള്ള റായിഡുവിന്റെ ശ്രമം അത്ര പോരെന്ന് തോന്നി. ഉടനെ തനിക്ക് കഴിയുന്ന രീതിയില്‍ അത് പ്രകടിപ്പിക്കുകയും ചെയ്തു.
രണ്ടുപേരും കടുത്ത നോട്ടവുമായി അടുത്തെത്തിയെങ്കിലും അനിഷ്ടസംഭവങ്ങളൊന്നുമുണ്ടായില്ല. ഹര്‍ഭജന്റെ രോഷപ്രകടനത്തില്‍ ദേഷ്യം മൂത്ത റായിഡുവും അതൃപ്തനായാണ് ബൗണ്ടറി ലൈനിലേക്ക് തിരിച്ചുനടന്നത്. എന്നാല്‍ ഭാജി അടുത്ത ഓവറില്‍ പീറ്റര്‍ ഹാന്‍ഡ്സ്കോംബിനെ വീഴ്‌ത്തിയപ്പോള്‍ ഇരുവരും ദേഷ്യം മറന്ന് കൈകൊടുക്കുയും ചെയ്തു.