വീട്ടിൽ വൈഫൈ തരംഗം പരക്കാൻ ശ്രദ്ധിക്കേണ്ട 5 കാര്യങ്ങൾ

വൈദ്യുതിയും വെള്ളവും പോലെ  ഇപ്പോള്‍ ഇൻറർനെറ്റ്​ വൈഫൈ സൗകര്യവും അടിസ്​ഥാന ആവശ്യമായി മാറുന്നു. മിക്ക ഇൻറർനെറ്റ്​ സേവനദാതാക്കളും ബേസിക്​ മോഡം/ റൂട്ടർ ആണ്​ തൊടാനാകാത്ത ഭാഗങ്ങളിൽ സ്​ഥാപിച്ചുപോകുന്നത്​. വീട്ടിലെ വൈഫൈയിൽ ഉണ്ടാകുന്ന ചില പ്രശ്​നങ്ങളും പരിഹാര മാർഗങ്ങളും: 

വൈഫൈ മോഡം/ റൂട്ടർ വീടി​ൻ്റെ മധ്യഭാഗത്ത്​ സ്​ഥാപിക്കുക. ബുദ്ധിപരമായി ഇത്​ സ്​ഥാപിക്കുന്നത്​ വീടനകത്ത്​ സിഗ്​നൽ ഒരുപോലെ ലഭിക്കുന്നതിന്​ സഹായകമാകും. കാഴ്​ചപ്പു​റത്ത്​ തന്നെ ഇവ സ്​ഥാപിക്കുക. മറ്റ്​ ഇലക്​ട്രോണിക്​ ഉപകരണങ്ങളുടെ പ്രവർത്തനം മോഡത്തിന്റെ പ്രവർത്തനത്തിന്​ പ്രതിബന്ധമാകാതെ സൂക്ഷിക്കണം.  

നിങ്ങളുടെ സുഹൃത്തുക്കളോ ബന്ധുക്കളോ വീട്ടിൽ വരുമ്പോൾ പലപ്പോഴും നിങ്ങളുടെ വൈഫൈ പാസ്‌വേഡ് ചോദിക്കാനുളള സാധ്യത കൂടുതലാണ്.  നിങ്ങളുടെ പ്രൈമറി പാസ്‌വേഡ് നൽകാൻ താൽപര്യമില്ലെങ്കിൽ അവർക്ക് വേണ്ടി നിങ്ങൾക്ക് ഒരു ഗസ്​റ്റ്​ പാസ്​വേഡ് രൂപപ്പെടുത്താം. അത് നിങ്ങളുടെ സെക്യുരിറ്റിയും ഉറപ്പാക്കും. ചില ഉപകരണങ്ങളെ നിങ്ങളുടെ വൈഫൈ ഉപയോഗത്തിൽ നിന്ന്​  ബ്ലോക്ക് ചെയ്യാനുളള ഓപ്ഷനുമുണ്ട്.

നിങ്ങൾ താമസിക്കുന്നത്​ ഒരു മുറിയിലോ സ്​റ്റുഡിയോ അപാർട്​മെൻറിലോ അല്ലെങ്കിൽ നിങ്ങൾക്ക്​ ലഭ്യമാക്കിയിട്ടുള്ള റൂട്ടർ വീട്ടി​ൽ ഒന്നടങ്കം കവറേജ്​ സാധ്യമായെന്ന്​ വരില്ല. ഇത്തരം സന്ദർഭങ്ങളിൽ  റിപ്പീറ്റർ ഉപയോഗിച്ചാൽ സിഗ്​നൽ ശക്​തിപ്പെടുത്തുകയും മികച്ച കവറേജ്​ ലഭ്യമാക്കുകയും ചെയ്യും. 

നിങ്ങൾ എപ്പോഴെങ്കിലും പാസ്​വേഡ്​ വീട്ടിൽ വന്ന സുഹൃത്തുക്കൾ​ക്കോ അയൽവാസികൾക്കോ കൈമാറിയിട്ടുണ്ടെങ്കിൽ ഭാവിയിൽ അത്​ ദുരുപയോഗം ചെയ്യാനുള്ള സാധ്യത കൂടുതലാണ്​. അത്​ നിങ്ങളുടെ വൈഫൈ സ്​പീഡ്​ കുറക്കാനും വഴിവെക്കും. ഇതൊഴിവാക്കാൻ കൃതമായ ഇടവേളകളിൽ പാസ്​വേഡ്​ മാറ്റുകയാണ്​ പോംവഴി. 

നിങ്ങളുടെ റൂട്ടറിൽ യു.എസ്​.ബി പോർട്​ ഉണ്ടോയെന്ന്​ പരിശോധിക്കുക. ഉണ്ടെങ്കിൽ റൂട്ടറിന്​ വൈഫൈ സിഗ്​നൽ പ്രക്ഷേപണം ചെയ്യുന്നതിനപ്പുറം ചെയ്യാൻ കഴിയും. ഇത്​ റൂട്ടർ മോഡലിനെ ആശ്രയിച്ചാണിരിക്കുന്നത്​. യു.എസ്​.ബി പോർട്​ എക്​സേറ്റണൽ ഹാർഡ്​ ഡിസ്​കിലേക്ക്​ കണക്​ട്​ ചെയ്യാൻ കഴിയും. വൈഫൈയിൽ കണക്​ട്​ ചെയ്​ത ഉപകരണങ്ങൾക്കിടയിൽ ഉള്ളടക്ക(content) കൈമാറ്റത്തിന്​ ഇത്​ സഹായിക്കും. പ്രിൻ്റിലേക്ക്​ വയർലെസ്​ രീതിയിൽ കണക്​ട്​ ചെയ്യാനും ഇത്​ സഹായിക്കും.