എം.ഐ സ്പീക്കര്‍2 ഷവോമി ഇന്ത്യയില്‍ ഇറക്കി

1,499 രൂപ വില വരുന്ന പോക്കറ്റില്‍ ഇടാവുന്ന എം.ഐ സ്പീക്കര്‍2 ഷവോമി ഇന്ത്യയില്‍ ഇറക്കി

ദില്ലി: 1,499 രൂപ വില വരുന്ന പോക്കറ്റില്‍ ഇടാവുന്ന എം.ഐ സ്പീക്കര്‍2 ഷവോമി ഇന്ത്യയില്‍ ഇറക്കി.  ഷവോമിയുടെ ഔദ്യോഗിക വെബ്‌സൈറ്റായ എംഐ.കോം വഴിയാണ് വില്‍പ്പന.

മറ്റ് സമാന സ്പീക്കറുകളില്‍ നിന്നും എം.ഐ പോക്കറ്റ് സ്പീക്കറിനെ വ്യത്യസ്തമാക്കുന്നത് ഇതില്‍ മൈക്ക് കൂടി ഉണ്ട് എന്നതാണ്. ഇതുവഴി ഫോണ്‍ കോളുകള്‍ സ്വീകരിക്കാനും സംസാരിക്കാനും സാധിക്കും. 

ഫോണ്‍ കോളുകള്‍ സ്വീകരിക്കുന്നതിനും, സംഗീതം നിയന്ത്രിക്കുന്നതിനും സ്പീക്കറില്‍ തന്നെ സ്വിച്ചുകളുണ്ട്. ഈ പോക്കറ്റിൽ കൊണ്ടു നടക്കാവുന്ന സ്പീക്കറിൽ 1200 മില്ലി ആമ്പിയറിന്റെ ബാറ്ററിയാണ് ഉള്ളത് . ഇതുവഴി ഏഴ് മണിക്കൂര്‍ വരെ സമയം ബാറ്ററി പ്രവര്‍ത്തിപ്പിക്കാന്‍ സാധിക്കുമെന്നാണ് കമ്പനി അവകാശപ്പെടുന്നത്.

ബ്ലൂടുത്ത് 4.1 ടെക്‌നോളജി ആണ് സ്പീക്കറിലുള്ളത്. ബ്ലൂടുത്ത് വഴി ആന്‍ഡ്രോയിഡ്, ഐഫോണുകളുമായി സ്പീക്കര്‍ കണക്ട് ചെയ്യാം. ഇതിന്റെ ഡിസൈനും വളരെ മികച്ചതാണ്. അലൂമിനിയം ഉപയോഗിച്ച് നിര്‍മ്മിച്ച സ്പീക്കറിന് പ്രീമിയം ലുക്ക് ഉണ്ട്.