ഗെയിം ഒാഫ്​ ത്രോൺസ്​ ചോർത്തൽ; നാല്​ പേർ മുംബൈ പൊലീസി​ൻ്റെ പിടിയിൽ

എച്ച്​.ബി.ഒ ചാനലിൽ സംപ്രേക്ഷണം ചെയ്യുന്ന ​ഗെയിം ​ഒാഫ്​ ത്രോൺസിൻ്റെ പുതിയ പരമ്പരയിലെ എപ്പിസോഡ് ​ ചോർത്തിയ കേസിൽ നാല്​ പേരെ മുംബൈ പൊലീസ്​ അറസ്​റ്റ്​ ചെയ്​തു. ഗെയിമി​ൻ്റെ പുതിയ പരമ്പരയുടെ  സംപ്രേക്ഷണാവകാശമുണ്ടായിരുന്ന സ്വകാര്യ കമ്പനി നൽകിയ കേസിലാണ്​ അറസ്​റ്റ്​. ഇൗ മാസം ആദ്യ ആഴ്ച്ചയിലാണ്​ ഗെയിമിൻ്റെ പുതിയ ഭാഗങ്ങൾ ഇൻ്റർനെറ്റിൽ പ്രത്യക്ഷപ്പെട്ടത്​. 

ചാനലി​ൻ്റെ വാട്ടർമാർക്ക്​ സഹിതമുള്ള  വീഡിയോ ആയിരുന്നു പുറത്തുവന്നത്​. കമ്പനിക്കകത്ത്​ നടന്ന അന്വേഷണത്തിൽ ഒാൺലൈനായി ചോർത്തിയ രണ്ട്​ ജീവനക്കാരെ കണ്ടെത്തി. തുടർന്നുള്ള പൊലീസ്​ അന്വേഷണത്തിൽ മറ്റ്​ രണ്ട്​ പേരെ കൂടി അറസ്​റ്റ്​ ചെയ്യുകയായിരുന്നു. അറസ്​റ്റിലായ മൂന്ന്​ പേർ കമ്പനിയിലെ ജീവനക്കാരും ഒരാൾ മുൻ ജീവനക്കാരനുമാണ്​. കമ്പനിയിലെ ടെക്​നിക്കൽ പോസ്​റ്റുകളിൽ ജോലി ചെയ്യുന്ന ഭാസ്​ക്കർ ജോഷി, അലോക്​ ശർമ, അഭി​ഷേക് ഗഡിയാൽ എന്നിവർക്കാണ് വീഡിയോ ലഭ്യമായത്

 മുൻ ജീവനക്കാരൻ മുഹമ്മദ്​ സുഹൈലിന്​ ഇവരിൽ നിന്ന്​ വീഡിയോ ലഭിക്കുകയും അത് ഇൻ്റർനെറ്റിലൂടെ പ്രചരിപ്പിക്കുകയും  ചെയ്യുകയായിരുന്നു. പിടിയിലായവർ ബംഗളുരുവിൽ പ്രവർത്തിക്കുന്നവരാണെന്ന്​ പൊലീസ്​ ഡെപ്യൂട്ടി കമീഷണർ അക്​ബർ പത്താൻ പറഞ്ഞു.