ഇന്ത്യയിലെ ഏറ്റവും വിലകുറഞ്ഞ ലാപ്ടോപ്പ്

ഇന്ത്യന്‍ കമ്പനിയായ ഐബോള്‍ രാജ്യത്തെ ഏറ്റവും വിലകുറഞ്ഞ ലാപ്ടോപ്പ് പുറത്തിറക്കി. തങ്ങളുടെ ലോ ബഡ്ജറ്റ് ലാപ്ടോപ്പ് സീരിയസിലെ പുതിയ മോഡലുകളാണ് ഐബോള്‍ പുറത്തിറക്കിയത്. കോമ്പ് ബുക്ക് എക്സലന്‍സ്, കോമ്പ് ബുക്ക് എക്സപ്ലിയേര്‍ എന്നീ മോഡലുകളാണ് യഥാക്രമം 9,999 രൂപയ്ക്കും, 13,999 രൂപയ്ക്കും ഐബോള്‍ പുറത്തിറക്കിയിരിക്കുന്നത്.

കോമ്പ് ബുക്ക് എക്സലന്‍സിന് 11.6 ഇഞ്ച് മള്‍ട്ടി ടച്ച് ഐപിഎസ് ഡിസ്പ്ലേയാണ് ഉള്ളത്. കോമ്പ് ബുക്ക് എക്സപ്ലിയേറില്‍ എത്തിയാല്‍ സ്ക്രീന്‍ വലിപ്പം 14 ഇഞ്ചാണ്. സ്ക്രീന്‍ വലിപ്പം മാറ്റി നിര്‍ത്തിയാല്‍ രണ്ടിന്‍റെയും പ്രത്യേകതകള്‍ സാമ്യം ഉള്ളതാണ്.

1.83 ജിഗാഹെര്‍ട്സ് ഇന്‍റല്‍ ക്വാഡ് കോര്‍ എസ്ഒഎസ്, 10000 എംഎഎച്ച് ബാറ്ററി. 2ജിബി റാം, 32 ജിബി ഇന്‍റേണല്‍ മെമ്മറി, ഒപ്പം വികസിപ്പിക്കാവുന്ന 64 ജിബി മെമ്മറി ശേഷി എന്നിവ ഐബോളിന്‍റെ ഈ ലാപ്പിനുണ്ട്.  വിന്‍ഡോസ് 10 ഒഎസിലാണ് ഈ ലാപ്ടോപ്പുകള്‍ പ്രവര്‍ത്തിക്കുന്നത്.