വിക്രം തിരുമ്പിവന്നിട്ടേന് സൊല്ല്, 'കോബ്ര' ടീസര്
Synopsis
നായകന് ഏഴ് വ്യത്യസ്ത ഗെറ്റപ്പുകളില് പ്രത്യക്ഷപ്പെടുന്ന ചിത്രം ചിത്രീകരണസമയത്തേ വാര്ത്തകളില് ഇടംപിടിച്ചിരുന്നു
വിക്രത്തെ നായകനാക്കി ആര് അജയ് ജ്ഞാനമുത്തു സംവിധാനം ചെയ്യുന്ന ആക്ഷന് ത്രില്ലര് ചിത്രം 'കോബ്ര'യുടെ ടീസര് പുറത്തുവിട്ടു. ദീര്ഘനാളിനു ശേഷം ആരാധകരെ തൃപ്തിപ്പെടുത്താനാവുന്ന ഒരു വിക്രം ചിത്രമെന്നാണ് ടീസര് നല്കുന്ന പ്രതീക്ഷ. നായകന് ഏഴ് വ്യത്യസ്ത ഗെറ്റപ്പുകളില് പ്രത്യക്ഷപ്പെടുന്ന ചിത്രം ചിത്രീകരണസമയത്തേ വാര്ത്തകളില് ഇടംപിടിച്ചിരുന്നു. ക്രിക്കറ്റ് താരം ഇര്ഫാന് പത്താന്റെ സിനിമാ അരങ്ങേറ്റമായ ചിത്രത്തില് മലയാളത്തില് നിന്ന് റോഷന് മാത്യുവും മിയ ജോര്ജും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
ശ്രീനിധി ഷെട്ടി നായികയാവുന്ന ചിത്രത്തില് കെ എസ് രവികുമാര്, ആനന്ദ്രാജ്, റോബോ ശങ്കര്, മിയ ജോര്ജ്, മൃണാളിനീ രവി, മീനാക്ഷി ഗോവിന്ദ്രാജന് തുടങ്ങിയവരും അഭിനയിക്കുന്നു. 7 സ്ക്രീന് സ്റ്റുഡിയോസിന്റെ ബാനറില് എസ് എസ് ലളിത് കുമാര് നിര്മ്മിക്കുന്ന ചിത്രത്തിന്റെ ഛായാഗ്രഹണം ഹരീഷ് കണ്ണന് ആണ്. എഡിറ്റിംഗ് ഭുവന് ശ്രീനിവാസന്. ആക്ഷന് കൊറിയോഗ്രഫി ദിലീപ് സുബ്ബരായന്. ചീഫ് കോ ഡയറക്ടര് മുഗേഷ് ശര്മ്മ.
സിനിമകളുടെ ട്രെയിലർ Movie Trailer മുതൽ എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ Asianet News Malayalam