ഓജോ ബോര്ഡിലൂടെ ആത്മാവിനെ ക്ഷണിച്ച് സൗബിന്; 'രോമാഞ്ചം' ട്രെയ്ലര്
Synopsis
ഫെബ്രുവരി 3 ന് തിയറ്ററുകളില്
സൗബിന് ഷാഹിറിനെ നായകനാക്കി നവാഗതനായ ജിത്തു മാധവന് രചനയും സംവിധാനവും രോമാഞ്ചം എന്ന ചിത്രത്തിന്റെ ട്രെയ്ലര് പുറത്തെത്തി. ഹൊറര് കോമഡി വിഭാഗത്തില് പെടുന്ന ചിത്രം പറയുന്നത് 2007ല് ബംഗളൂരുവില് പഠിക്കുന്ന ഒരു കൂട്ടം സുഹൃത്തുക്കള്ക്കിടയില് നടക്കുന്ന കഥയാണ്. ഓജോ ബോര്ഡ് മുന്നില് വച്ച് ആത്മാവിനെ ക്ഷണിക്കുന്ന സൌബിന് ഷാഹിറിനെ ട്രെയ്ലറില് കാണാം.
കഴിഞ്ഞ വര്ഷം ഒക്ടോബറില് തിയറ്ററുകളില് എത്തേണ്ടിയിരുന്ന ചിത്രമാണിത്. എന്നാല് ചില സാങ്കേതിക കാരണങ്ങളാല് റിലീസ് നീട്ടിവെക്കുകയായിരുന്നു. ഫെബ്രുവരി 3 ആണ് പുതുക്കിയ റിലീസ് തീയതി. ജോണ്പോള് ജോര്ജ് പ്രൊഡക്ഷന്സ്, ഗപ്പി സിനിമാസ് എന്നീ ബാനറുകളില് ജോണ്പോള് ജോര്ജ്, ഗിരീഷ് ഗംഗാധരന്, സൌബിന് ഷാഹിര് എന്നിവരാണ് നിര്മ്മാണം. അന്നം ജോണ്പോള്, സുഷിന് ശ്യാം എന്നിവരാണ് സഹ നിര്മ്മാതാക്കള്.
ALSO READ : 'മണ്ഡേ ടെസ്റ്റ്' പാസ്സായി 'പഠാന്'; ഷാരൂഖ് ചിത്രം തിങ്കളാഴ്ച നേടിയത്
സൌബിനൊപ്പം അര്ജുന് അശോകന്, ചെമ്പന് വിനോദ് ജോസ്, സജിന് ഗോപു, സിജു സണ്ണി, അഫ്സല് പി എച്ച്, അബിന് ബിനൊ, ജഗദീഷ് കുമാര്, അനന്തരാമന് അജയ്, ജോമോന് ജ്യോതിര്, ശ്രീജിത്ത് നായര്, ദീപിക ദാസ്, അസിം ജമാല്, ആദിത്യ ഭാസ്കര്, തങ്കം മോഹന്, ജോളി ചിറയത്ത്, സുരേഷ് നായര്, നോബിള് ജെയിംസ്, സൂര്യ കിരണ്, പൂജ മഹന്രാജ്, പ്രേംനാഥ് കൃഷ്ണന്കുട്ടി, സ്നേഹ മാത്യു, സിബി ജോസഫ്, ജമേഷ് ജോസ്, അനസ് ഫൈസാന്, ദീപക് നാരായണ് ഹുസ്ബെ, അമൃത നായര്, മിമിക്രി ഗോപി, മിത്തു വിജില്, ഇഷിത ഷെട്ടി തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു. സനു താഹിര് ഛായാഗ്രഹണം നിര്വ്വഹിക്കുന്ന ചിത്രത്തിന്റെ എഡിറ്റിംഗ് കിരണ് ദാസ് ആണ്. സംഗീതം സുഷിന് ശ്യാം. സെന്ട്രല് പിക്ചേഴ്സ് ആണ് വിതരണം.
സിനിമകളുടെ ട്രെയിലർ Movie Trailer മുതൽ എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ Asianet News Malayalam