സവര്ക്കറുടെ റോളില് രണ്ദീപ് ഹൂദ; 'സ്വതന്ത്ര്യ വീര് സവര്ക്കര്' ടീസര്
Synopsis
18 കിലോയിലധികം ശരീരഭാരമാണ് രണ്ദീപ് കഥാപാത്രത്തിനുവേണ്ടി കുറച്ചത്
ബോളിവുഡ് താരം രണ്ദീപ് ഹൂദ സംവിധായകനായി അരങ്ങേറുന്ന ചിത്രമാണ് സ്വതന്ത്ര്യ വീര് സവര്ക്കര്. പേര് സൂചിപ്പിക്കുന്നത് പോലെ വി ഡി സവര്ക്കറുടെ ജീവിതം പറയുന്ന ചിത്രമാണിത്. സവര്ക്കറുടെ വേഷത്തില് അഭിനയിക്കുന്നതും രണ്ദീപ് തന്നെ. ചിത്രത്തിന്റെ ടീസര് അണിയറക്കാര് പുറത്തിറക്കി. സവര്ക്കറുടെ ജന്മവാര്ഷിക ദിനത്തിലാണ് ടീസര് അവതരിപ്പിച്ചിരിക്കുന്നത്. 1.13 മിനിറ്റ് ദൈര്ഘ്യമുള്ളതാണ് പുറത്തെത്തിയ ടീസര്.
ആനന്ദ് പണ്ഡിറ്റ്, രണ്ദീപ് ഹൂദ, സന്ദീപ് സിംഗ്, സാം ഖാന്, യോഗേഷ് രഹാര് എന്നിവര് ചേര്ന്നാണ് ചിത്രത്തിന്റെ നിര്മ്മാണം, രൂപ പണ്ഡിറ്റ്, രാഹുല് വി ദുബെ, അന്വര് അലി, പാഞ്ചാലി ചക്രവര്ത്തി എന്നിവരാണ് സഹനിര്മ്മാതാക്കള്. രചന ഉത്കര്ഷ് നൈതാനി, രണ്ദീപ് ഹൂദ, ഛായാഗ്രഹണം അര്വിന്ദ് കൃഷ്ണ, പ്രൊഡക്ഷന് ഡിസൈന് നിലേഷ് വാഗ്, എഡിറ്റിംഗ് രാജേഷ് പാണ്ഡേ, പശ്ചാത്തല സംഗീതം മത്തിയാസ് ഡ്യുപ്ലെസ്സി, സൗണ്ട് ഡിസൈന് ഗണേഷ് ഗംഗാധരന്, എക്സിക്യൂട്ടീവ് പ്രൊഡ്യൂസര് രൂപേഷ് അഭിമന്യു മാലി, വസ്ത്രാലങ്കാരം സച്ചിന് ലൊവലേക്കര്, കാസ്റ്റിംഗ് പരാഗ് മെഹ്ത, മേക്കപ്പ് ഡിസൈന് രേണുക പിള്ള, പബ്ലിസിറ്റി പറുള് ഗൊസെയ്ന്, വിഎഫ്എക്സ് വൈറ്റ് ആപ്പിള് സ്റ്റുഡിയോ, ഡിഐ പ്രൈം ഫോക്കസ്, കളറിസ്റ്റ് ആന്ഡ്രിയാസ് ബ്രൂക്കല്, ഡിജിറ്റല് മാര്ക്കറ്റിംഗ് സ്റ്റുഡിയോ ഉനൂസ്.
സവര്ക്കറുടെ റോളില് ബിഗ് സ്ക്രീനില് എത്താന് ശാരീരികമായ വലിയ തയ്യാറെടുപ്പുകളാണ് രണ്ദീപ് നടത്തിയത്. 18 കിലോയിലധികം ശരീരഭാരമാണ് അദ്ദേഹം കഥാപാത്രത്തിനുവേണ്ടി കുറച്ചത്. ലണ്ടൻ, മഹാരാഷ്ട്ര, ആൻഡമാൻ എന്നിവിടങ്ങളാണ് പ്രധാന ലൊക്കേഷനുകള്. പ്രധാന ചിത്രീകരണം ഇതിനകം പൂര്ത്തിയായിട്ടുണ്ട്. ഈ വര്ഷം തന്നെ തിയറ്ററുകളില് എത്തിക്കാനാണ് നിര്മ്മാതാക്കളുടെ പദ്ധതി.
സിനിമകളുടെ ട്രെയിലർ Movie Trailer മുതൽ എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ Asianet News Malayalam