എന്നാൽ, ക്രേസി ഹാപ്പി പിസ്സ 12 വയസ്സിന് താഴെയുള്ള ആർക്കും വില്‍ക്കാനാവില്ല. പരസ്യം ചെയ്യുന്നതിനും മറ്റും നിയന്ത്രണങ്ങളുമുണ്ട്.
തായ്‌ലൻഡിലെ പ്രമുഖ ഫാസ്റ്റ് ഫുഡ് ശൃംഖലയായ പിസ കമ്പനി യഥാർത്ഥ കഞ്ചാവ്(Cannabis) ഉപയോഗിച്ച് നിർമ്മിച്ച 'ക്രേസി ഹാപ്പി പിസ്സ'(Crazy Happy Pizza) വിൽക്കുന്നു. എന്നാൽ, ഇത് ഉപഭോക്താക്കളെ ഹൈ ആക്കില്ല. കാരണം, വേറൊന്നുമല്ല, കഞ്ചാവ് ചെടിയുടെ ഇല ആഴത്തിൽ വറുത്തതാണ് ഇതില്‍ ചേര്‍ത്തിരിക്കുന്നത്.
'ക്രേസി ഹാപ്പി പിസ്സ'യിൽ തായ്‌ലൻഡിലെ പ്രശസ്തമായ ടോം യം ഗായി സൂപ്പിന്റെ രുചികളിൽ നിന്ന് പ്രചോദനം ഉൾക്കൊണ്ടിരിക്കുന്ന ടോപ്പിംഗുകളും മുകളിൽ വറുത്ത കഞ്ചാവ് ഇലയും ഉണ്ട്. ചീസ് ക്രസ്റ്റിലേക്കും അതിനോടൊപ്പമുള്ള ഡിപ്പിംഗ് സോസിലേക്കും കഞ്ചാവ് ചേർക്കുന്നു, അസോസിയേറ്റഡ് പ്രസ് റിപ്പോർട്ട് ചെയ്തു.
“തീർച്ചയായും അതിലൂടെ ഹൈ ആക്കാന്‍ കഴിയില്ല. ഇതൊരു മാർക്കറ്റിംഗ് കാമ്പെയ്‌ൻ മാത്രമാണ്. നിങ്ങൾക്ക് കഞ്ചാവ് ആസ്വദിക്കാം, നിങ്ങൾക്ക് അൽപ്പം ഉറക്കം വരാം” കമ്പനിയുടെ ജനറൽ മാനേജർ പാനുസാക് സുൻസാറ്റ്ബൂൺ എപിയോട് പറഞ്ഞു. ഒമ്പത് ഇഞ്ച് വലിപ്പമുള്ള 'ക്രേസി ഹാപ്പി പിസ്സ'യ്ക്ക് 499 ബാറ്റ് (1,100 രൂപ) ആണ് വില. നാമമാത്രമായ സർചാർജിന്, ഉപഭോക്താക്കൾക്ക് രണ്ടോ മൂന്നോ കഞ്ചാവ് ഇലകൾ ചേർക്കാം.
വിനോദത്തിനായുള്ള മരിജുവാന നിയമവിരുദ്ധമാണെങ്കിലും അത് പ്രകാരം ആളുകളെ ജയിലിൽ അടയ്ക്കാൻ കഴിയുമെങ്കിലും, തായ്‌ലൻഡിൽ കഞ്ചാവ് ഔഷധ ഉപയോഗത്തിന് അനുമതിയുണ്ട്. ഫെബ്രുവരിയിൽ, നിയമനിർമ്മാണത്തിലൂടെ കഞ്ചാവ് ഭക്ഷണപാനീയങ്ങളിൽ ഉപയോഗിക്കാനും അനുവദിച്ചു.
കഞ്ചാവ് അധിഷ്ഠിത ഉൽപ്പന്നങ്ങൾ അതിന്റെ മൊത്തം ഭാരത്തിന്റെ 0.2% -ത്തില്‍ കവിയാത്ത ടെട്രാഹൈഡ്രോകന്നാബിനോൾ - THC - നിയമപരമായി അനുവദനീയമാണ്. ഇത് ഗുരുതരമായ പ്രത്യാഘാതങ്ങൾ അനുഭവപ്പെടാനുള്ള സാധ്യത ഫലത്തിൽ ഇല്ലാതാക്കുന്നു.
എന്നാൽ, ക്രേസി ഹാപ്പി പിസ്സ 12 വയസ്സിന് താഴെയുള്ള ആർക്കും വില്‍ക്കാനാവില്ല. പരസ്യം ചെയ്യുന്നതിനും മറ്റും നിയന്ത്രണങ്ങളുമുണ്ട്. അതുകൊണ്ട് തന്നെ രാജ്യത്തുടനീളമുള്ള ഭക്ഷണശാലകളിൽ മാസങ്ങളോളമായി അവ ലഭ്യമായിട്ടും വില്‍പ്പന വിജയകരമായിട്ടില്ല.