വിപ്രോ ബെംഗളൂരു മാരത്തൺ: 10 കിലോമീറ്റർ ഓടിയത് തുള്ളിവെള്ളമില്ലാതെ; സംഘാടകർക്കെതിരെ പരാതിയുമായി ഓട്ടക്കാർ

എൻ.ഇ.ബി സ്പോർട്സ് സംഘടിപ്പിച്ച 13-ാമത് വിപ്രോ ബെംഗളൂരു മാരത്തൺ കടുത്ത കുടിവെള്ളക്ഷാമവും മോശം സംഘാടനവും കാരണം വിവാദത്തിലായി. കുടിവെള്ളം ലഭിക്കാത്തതും ഉപയോഗിച്ച കപ്പുകൾ വീണ്ടും നൽകിയതും വലിയ ആരോഗ്യ ഭീഷണിയാണ് സൃഷ്ടിച്ചതെന്ന് മത്സരാർത്ഥികൾ ആരോപിച്ചു. വീഴ്ചകൾ സമ്മതിച്ച് സംഘാടകർ രംഗത്തെത്തി.

വൻ ജനപങ്കാളിത്തത്തോടെ സംഘടിപ്പിച്ച വിപ്രോ ബെംഗളൂരു മാരത്തണിന്‍റെ 13-ാം പതിപ്പ് സംഘാടനത്തിലെ വീഴ്ചകൾ കാരണം വിവാദത്തിലായി. കടുത്ത കുടിവെള്ളക്ഷാമം, ആവശ്യത്തിന് ശൗചാലയങ്ങളുടെ അഭാവം, മോശം ജനക്കൂട്ട നിയന്ത്രണം എന്നിവ കാരണം കടുത്ത ദുരനുഭവമാണ് നേരിടേണ്ടി വന്നതെന്ന് മാരത്തണിൽ പങ്കെടുത്തവർ ആരോപിച്ചു. എൻ.ഇ.ബി സ്പോർട്സ് സംഘടിപ്പിച്ച പരിപാടിയിൽ 4,500 -ലധികം മത്സരാർത്ഥികളാണ് പങ്കെടുത്തിരുന്നത്. എന്നാൽ, പരിപാടിക്ക് ശേഷം നിരവധി ഓട്ടക്കാരാണ് സോഷ്യൽ മീഡിയയിലൂടെ തങ്ങളുടെ അമർഷം രേഖപ്പെടുത്തി രംഗത്തെത്തിയത്.

വെള്ളമില്ലാതെ കിലോമീറ്ററുകളോളം

മാരത്തണിൽ പങ്കെടുത്ത ഷാസ് എ. ഖാൻ എന്ന വ്യക്തി എക്സ് പ്ലാറ്റ്‌ഫോമിലൂടെ തന്‍റെ ദുരനുഭവം പങ്കുവെച്ചു. റൂട്ടിന്‍റെ 6 -ാമത്തെ കിലോമീറ്റർ മുതൽ 16 - 17 കിലോമീറ്റർ വരെയുള്ള വാട്ടർ സ്റ്റേഷനുകളിലൊന്നും വെള്ളം ഉണ്ടായിരുന്നില്ലെന്ന് അദ്ദേഹം ആരോപിച്ചു. ഓട്ടത്തിനിടെ ഒരു തുള്ളി വെള്ളത്തിനായി ആളുകൾ കാലിയായ വാട്ടർ കാനുകളിൽ തിരയുന്ന കാഴ്ച ഭയാനകമായിരുന്നുവെന്നും അദ്ദേഹം കൂട്ടിച്ചേർത്തു.

Today's Wipro Bengaluru run was organised very badly.

Right from Kilometre 6 till 16/17, no water at any of the water stations.
It was a post-apocalyptic scene, watching people reach out and empty every water-can just for a sip.

For 10 kilometres, people ran underhydrated, even… pic.twitter.com/cyznHOcA4B

— Shaaz A Khan (@neuronsmultiply) September 27, 2026

"ഏറ്റവും കഠിനമായ എം.ജി റോഡ് ഫ്ലൈഓവർ ഭാഗത്തുവെച്ചാണ് ആളുകൾക്ക് വെള്ളം കിട്ടാതെ പോയത്. ഫുൾ മാരത്തൺ ഓട്ടക്കാർക്ക് ഇത് 25 മുതൽ 35 കിലോമീറ്റർ വരെയുള്ള നിർണായക ഘട്ടമായിരുന്നു. എല്ലാവരും തളർന്ന് ശ്വാസമെടുക്കുന്നത് കണ്ടപ്പോൾ ആർക്കെങ്കിലും ഹൃദയാഘാതം ഉണ്ടാകുമോയെന്ന് ഞാൻ ഭയന്നു," ഷാസ് എഴുതുന്നു. ഞായറാഴ്ച രാവിലെയായതിനാൽ കടകൾ തുറക്കാത്തതും സ്വന്തമായി വെള്ളം വാങ്ങാൻ ശ്രമിച്ചവർക്ക് തിരിച്ചടിയായി.

Woke up to horror stories from my friends running the Bengaluru Marathon today! 😅

Messing up the basics like hydration support and crowd management is unacceptable.

Even two years back when I ran my first full marathon here, the complaints were very similar. The organisers…

— Prashanth Vaidya (@thecodemarathon) September 27, 2026

ഗുരുതരമായ ആരോഗ്യ ഭീഷണി

മാരത്തൺ ഒരു "പൂർണ്ണമായ ലോജിസ്റ്റിക്കൽ ദുരന്തം" ആയിരുന്നുവെന്ന് ബെംഗളൂരു നിവാസിയായ ശ്രീതിലേഖയും ആരോപിക്കുന്നു. 10 കിലോമീറ്ററിന് ശേഷം കുടിവെള്ളം തീർന്നതും, കഴുകാത്ത പ്ലാസ്റ്റിക് കപ്പുകൾ വീണ്ടും ഉപയോഗിച്ചതും ഗുരുതരമായ പൊതുജനാരോഗ്യ ഭീഷണിയാണെന്നും അവർ ചൂണ്ടിക്കാട്ടി. കൂടാതെ, മാരത്തൺ പൂർത്തിയാക്കിയ 42,000 -ഓളം പേരെ 250 മീറ്റർ മാത്രം വീതിയുള്ള വഴിയിലൂടെ സ്റ്റേഡിയത്തിലേക്ക് കടത്തിവിട്ടത് ശ്വാസം മുട്ടിക്കുന്ന സാഹചര്യവും വലിയ അപകട സാധ്യതയുള്ള തിരക്കും സൃഷ്ടിച്ചുവെന്നും അവർ കൂട്ടിച്ചേർത്തു. സമാനമായ പരാതികൾ രണ്ട് വർഷം മുമ്പും ഉയർന്നിരുന്നുവെന്നും എന്നിട്ടും സംഘാടകർ വീഴ്ചകളിൽ നിന്ന് പാഠം പഠിക്കുന്നില്ലെന്നും റണ്ണിംഗ് ജീനി സ്ഥാപകനും അൾട്രാ മാരത്തണറുമായ പ്രശാന്ത് വൈദ്യ പ്രതികരിച്ചു.

ക്ഷമാപണവുമായി സംഘാടകർ

സംഘാടനത്തിൽ വീഴ്ച സംഭവിച്ചതായി എൻ.ഇ.ബി സ്പോർട്സ് ചെയർമാനും മാനേജിംഗ് ഡയറക്ടറുമായ നാഗരാജ് അടിഗ സമ്മതിച്ചു. പരിസ്ഥിതി സൗഹൃദ നിലപാടുകളുടെ ഭാഗമായി കുപ്പികൾക്ക് പകരം ഭരണികളിലും റീയൂസബിൾ കപ്പുകളിലുമാണ് വെള്ളം നൽകിയതെന്നും, റൂട്ടിന്‍റെ ഒരു ഭാഗത്ത് ഇവ വീണ്ടും നിറയ്ക്കാൻ വൈകിയതാണ് പ്രശ്നം രൂക്ഷമാക്കിയതെന്നും അദ്ദേഹം വിശദീകരിച്ചു.