ജോലി ചെയ്ത കമ്പനിയെ കുറിച്ചുള്ള യുവതിയുടെ സത്യസന്ധമായ ലിങ്ക്ഡ് ഇന് പ്രൊഫൈല് വൈറല്!
Synopsis
ബെംഗളൂരുവില് ജോലി ചെയ്യുന്ന ഒരു യുവതി, കമ്പനിയിലെ തന്റെ പ്രൊഫഷണൽ അനുഭവം സത്യസന്ധമായി ലിങ്ക്ഡ് ഇന്നില് ലിസ്റ്റ് ചെയ്തതിന് പിന്നാലെ അവരുടെ കുറിപ്പ് വൈറലായി.
പുതിയ ജോലി സ്ഥലത്തേക്ക് മാറുമ്പോള് കമ്പനികള് മുന്നോട്ട് വയ്ക്കുന്ന പുതിയ ജോലിയെ കുറിച്ച് കൂടുതല് അറിയാന് എല്ലാവര്ക്കും ആഗ്രഹമുണ്ടാകും. അതോടൊപ്പം തങ്ങള് നല്ലൊരു തൊഴില് സംസ്കാരമുള്ള കമ്പനിയിലേക്കാണ് പോകുന്നതെന്ന് ഉറപ്പുവരുത്തുകയും ചെയ്യാം. പക്ഷേ, എത്രയൊക്കെ ശ്രദ്ധിച്ചാലും പലരും ആഗ്രഹിക്കാത്ത തരത്തിലുള്ള ജോലിയിലേക്ക് കയറാന് നിര്ബന്ധിക്കപ്പെടും. എന്നാല്, ഇത്തരം കാര്യങ്ങള് പലരും അംഗീകരിച്ച് തരില്ലെന്നതാണ് യാഥാര്ത്ഥ്യം. എന്നാല്, ബെംഗളൂരുവില് ജോലി ചെയ്യുന്ന ഒരു യുവതി, കമ്പനിയിലെ തന്റെ പ്രൊഫഷണൽ അനുഭവം സത്യസന്ധമായി ലിങ്ക്ഡ് ഇന്നില് ലിസ്റ്റ് ചെയ്തതിന് പിന്നാലെ അവരുടെ കുറിപ്പ് വൈറലായി. ബംഗളൂരു സ്വദേശിയായ ശിഖ ഗുപ്ത തന്റെ ലിങ്ക്ഡ് ഇന്നിൽ ഒരു കമ്പനിയുമായുള്ള തന്റെ സത്യസന്ധമായ പ്രൊഫഷണൽ അനുഭവം പങ്കുവയ്ക്കുകയായിരുന്നു.
ആരാണ് ബാഹുബലി? ജൈന രാജാവ്, ദിഗംബര മൂര്ത്തി !
വിബിൻ ബാബുരാജൻ എന്ന് ട്വിറ്റർ ഉപയോക്താവ് ഗുപ്തയുടെ ഈ ലിങ്ക്ഡ് ഇൻ പ്രൊഫൈലിന്റെ ഒരു സ്നാപ്പ്ഷോട്ട് 'മൗലികമായ നിഷ്ക്കളങ്കത' എന്ന കുറിപ്പോടെ ട്വിറ്ററിൽ പങ്കുവച്ചതിന് പിന്നാലെയാണ് കുറിപ്പ് വൈറലായത്. ഗുപ്ത പങ്കുവെച്ച ഒരു അനുഭവത്തിൽ അവൾ എഴുതി, “ഒരു തെറ്റ് ചെയ്തു. സാഹചര്യം ഉറപ്പാക്കാൻ ഒരു വർഷം നൽകി. നീങ്ങി." ജൂലൈ 15 നാണ് ഈ സ്നാപ്പ് ഷോട്ട് പങ്കുവയ്ക്കപ്പെട്ടത്. ഇതിനകം ഒരു ലക്ഷത്തി മുപ്പത്തിമൂവായിരത്തിലേറെ പേര് കുറിപ്പ് വായിച്ചു. നിരവധി പേര് തങ്ങളുടെ അഭിപ്രായം രേഖപ്പെടുത്താനെത്തി. എന്തിന് ശിഖ ഗുപ്ത നിലവിൽ ജോലി ചെയ്യുന്ന ബ്ലിസ്ക്ലബിന്റെ സ്ഥാപകനും സിഇഒയും ഈ ട്വീറ്റ് ശ്രദ്ധിക്കുകയും അവരുടെ അഭിപ്രായം പങ്കുവയ്ക്കുകയും ചെയ്തു. അവൾ എഴുതി, "നിങ്ങളുടെ ക്രിയേറ്റീവ് ഹെഡ് വൈറൽ പോസ്റ്റുകൾ ഉണ്ടാക്കുക മാത്രമല്ല, സ്വയം ഒരു വൈറൽ പ്രതിഭാസമാകുന്നു. "എനിക്കും ഒരു കമ്പനിക്ക് വേണ്ടി ഇതുപോലെ എഴുതണം." മറ്റൊരാള് കുറിച്ചു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക