എക്സില്‍ ഇനി ഓഡിയോ - വീഡിയോ കോളുകളും ചെയ്യാം; അടിമുടി മാറ്റമെന്ന ലക്ഷ്യത്തിലേക്ക് മസ്ക്

ട്വിറ്ററിനെ എക്‌സ് എന്ന് പുനർനാമകരണം ചെയ്തതിന് ശേഷം, മെസേജിംഗ്, സോഷ്യൽ നെറ്റ്‌വർക്കിംഗ് മുതൽ പിയർ-ടു-പിയർ പേയ്‌മെന്റുകൾ വരെയുള്ള നിരവധി സേവനങ്ങൾ വാഗ്ദാനം ചെയ്ത് പ്ലാറ്റ്‌ഫോമിനെ സൂപ്പർ-ആപ്പാക്കി മാറ്റുമെന്ന് മസ്ക് സൂചന നൽകിയിരുന്നു.

എക്സിൽ (പഴയ ട്വിറ്റര്‍) ഇനി വീഡിയോ - ഓഡിയോ കോളുകളും ചെയ്യാം. നിലവില്‍ ചില ഉപയോക്താക്കൾക്ക് മാത്രമാണ് ഈ സൗകര്യങ്ങള്‍ ലഭ്യമാകുന്നത്. എക്സിന്റെ ഉടമ എലോൺ മസ്ക് തന്നെ ഇക്കാര്യം എക്സ് വഴി അറിയിച്ചു. ഓൾ ഇൻ ഓൾ ആപ്പായി എക്സിനെ മാറ്റിയെടുക്കുകയാണ് മസ്കിന്റെ ലക്ഷ്യം. ട്വിറ്ററിനെ എക്‌സ് എന്ന് പുനർനാമകരണം ചെയ്തതിന് ശേഷം, മെസേജിംഗ്, സോഷ്യൽ നെറ്റ്‌വർക്കിംഗ് മുതൽ പിയർ-ടു-പിയർ പേയ്‌മെന്റുകൾ വരെയുള്ള നിരവധി സേവനങ്ങൾ വാഗ്ദാനം ചെയ്ത് പ്ലാറ്റ്‌ഫോമിനെ സൂപ്പർ-ആപ്പാക്കി മാറ്റുമെന്ന് മസ്ക് സൂചന നൽകിയിരുന്നു.

ആപ്പിളിന്റെ ഐഒഎസ്, ഗൂഗിളിന്റെ ആൻഡ്രോയിഡ്, പേഴ്‌സണൽ കമ്പ്യൂട്ടറുകൾ എന്നിവയിൽ ലഭ്യമാകുന്ന ഫീച്ചറുകൾക്കായി ഉപയോക്താക്കൾക്ക് ഫോൺ നമ്പർ ആവശ്യമില്ലെന്ന് ഓഗസ്റ്റിൽ ഫീച്ചറിനെ കളിയാക്കി മസ്ക് പറഞ്ഞിരുന്നു. ഈ മാസം ആദ്യം, ഒരു പുതിയ സബ്‌സ്‌ക്രിപ്‌ഷൻ മോഡൽ പരീക്ഷിക്കുമെന്നും പറഞ്ഞിരുന്നു.

"നോട്ട് എ ബോട്ട്" എന്ന് വിളിക്കപ്പെടുന്ന പുതിയ സബ്‌സ്‌ക്രിപ്‌ഷൻ, പ്ലാറ്റ്‌ഫോമിന്റെ വെബ് പതിപ്പിലെ ലൈക്കുകൾക്കും റീപോസ്റ്റുകൾക്കും മറ്റ് അക്കൗണ്ടുകളുടെ പോസ്റ്റുകൾ ഉദ്ധരിക്കാനും ബുക്ക്‌മാർക്കിംഗ് പോസ്റ്റുകൾക്കും ഉപയോക്താക്കളിൽ നിന്ന് നിരക്ക് ഈടാക്കുന്നതാണ്. പുതിയ സബ്‌സ്‌ക്രിപ്‌ഷൻ മോഡൽ അവതരിപ്പിക്കുന്നതിന്റെ ഉദ്ദേശ്യം ബോട്ടുകളെയും സ്‌പാമർമാരെയും നേരിടുക എന്നതാണ്. എക്‌സ്‌ചേഞ്ച് നിരക്കിനെ അടിസ്ഥാനമാക്കി ഫീസ് ഓരോ രാജ്യത്തിനും വ്യത്യാസപ്പെടും. ന്യൂസിലാൻഡിലെയും ഫിലിപ്പീൻസിലെയും ഉപയോക്താക്കൾക്കാണ് പുതിയ രീതി ആദ്യം ലഭ്യമാകുക. വരിക്കാരാകാൻ ആഗ്രഹിക്കാത്ത പുതിയ ഉപയോക്താക്കൾക്ക് പോസ്റ്റുകൾ കാണാനും വായിക്കാനും വീഡിയോകൾ കാണാനും അക്കൗണ്ടുകൾ പിന്തുടരാനും മാത്രമേ കഴിയൂ.

ലിങ്ക്ഡ്ഇൻ, നൗക്കരി ആപ്പുകൾക്ക് സമാനമായി പ്രവർത്തിക്കാനുള്ള നീക്കവുമായി  മസ്കിന്റെ എക്സ് നേരത്തെ തന്നെ എത്തിയിരുന്നു. പണമിടപാടുകൾ നടത്താനും സിനിമാ ടിക്കറ്റുകൾ ബുക്ക് ചെയ്യാനും മറ്റും ഉപയോക്താക്കളെ അനുവദിക്കുന്ന ചൈനയുടെ വീചാറ്റ് ആപ്പുമായി താരതമ്യം ചെയ്താണ്  ഈ ആശയം അവതരിപ്പിച്ചത്. തുടക്കം മുതൽ മൈക്രോ-ബ്ലോഗിംഗ് സൈറ്റായിരുന്ന ട്വിറ്റർ. സമീപകാലത്തെ റിപ്പോർട്ടുകൾ പ്രകാരം പ്ലാറ്റ്ഫോം ഉടൻ തന്നെ ഓൺലൈനിൽ ജോലികൾ തേടാൻ ഉപയോക്താക്കളെ അനുവദിച്ചേക്കുമെന്നാണ് സൂചനകൾ.

ഏഷ്യാനെറ്റ് ന്യൂസ് ലൈവ് യുട്യൂബില്‍ കാണാം...