തൊഴിൽ ലഭ്യത, ശമ്പളം, അവസര വളർച്ച, അതിന്റെ പ്ലാറ്റ്‌ഫോമിൽ നിന്നുള്ള ഡാറ്റയെ അടിസ്ഥാനമാക്കി റിമോട്ട് അല്ലെങ്കിൽ ഹൈബ്രിഡ് വർക്കിംഗ് ക്രമീകരണങ്ങൾ വാഗ്ദാനം ചെയ്യുന്ന പോസ്റ്റിംഗുകളുടെ എണ്ണം എന്നിവ അടിസ്ഥാനമാക്കിയാണ് ലിസ്റ്റ് തയ്യാറാക്കിയിരിക്കുന്നത്.
മുംബൈ: 2023ല്‍ ഇന്ത്യയിലെ മികച്ച തൊഴിലുകളുടെ ലിസ്റ്റ് പുറത്തിറക്കി പ്രമുഖ തൊഴിൽ വെബ്സൈറ്റായ ഇൻഡീഡ്. ടെക്നോളജി ജോലികളാണ് ഈ പട്ടികയിൽ ഒന്നാമത്. 2022-ൽ വിവിധ ടെക് കമ്പനികൾ നടത്തിയ പിരിച്ചുവിടലുകൾ വിശദാംശങ്ങളിൽ ചൂണ്ടിക്കാണിച്ചിട്ടുണ്ട്.
പിരിച്ചുവിടലുകൾ ഉണ്ടായിരുന്നിട്ടും, ഇന്ത്യയിലെ മികച്ച 20 ടൈറ്റിലുകളിൽ 15 എണ്ണവും ടെക് റോളുകളിലാണ് എന്നത് ശ്രദ്ധേയമാണ്. ടെക്ജോലികളുടെ പുനരുജ്ജീവനത്തിന് പിന്നിലെ പ്രധാന കാരണങ്ങളിലൊന്ന്, മറ്റേതൊരു തൊഴിലിനെക്കാളും ഇതിന് വലിയ തോതിലുള്ള ജോലികൾ ഉണ്ടെന്നതും എല്ലാ മേഖലയ്ക്കും ടെക് റോളുകളുടെ ആവശ്യകതയുണ്ട് എന്നതുമാണ്.
തൊഴിൽ ലഭ്യത, ശമ്പളം, അവസര വളർച്ച, അതിന്റെ പ്ലാറ്റ്‌ഫോമിൽ നിന്നുള്ള ഡാറ്റയെ അടിസ്ഥാനമാക്കി റിമോട്ട് അല്ലെങ്കിൽ ഹൈബ്രിഡ് വർക്കിംഗ് ക്രമീകരണങ്ങൾ വാഗ്ദാനം ചെയ്യുന്ന പോസ്റ്റിംഗുകളുടെ എണ്ണം എന്നിവ അടിസ്ഥാനമാക്കിയാണ് ലിസ്റ്റ് തയ്യാറാക്കിയിരിക്കുന്നത്. ടെക്നോളജി മേഖലയ്‌ക്ക് അകത്തും പുറത്തുമുള്ള ഉയർന്ന ഡിമാൻഡ് ടെക് ജീവനക്കാർക്കുള്ള സന്തോഷവാർത്തയാണ്.
മാന്ദ്യത്തിന്‍റെയും പിരിച്ചുവിടലുകളുടെയും ഹ്രസ്വകാല ആഘാതം ഇന്ത്യയിലെ ടെക് റോളുകളുടെ ഭാവിയെ ബാധിക്കാൻ സാധ്യതയില്ലെന്നാണ് ഇൻഡീഡ് ഇന്ത്യയുടെ സെയിൽസ് ഹെഡ് ശശി കുമാർ പറയുന്നത്. ഇന്ത്യയിൽ ഏറ്റവും കൂടുതൽ ഡിമാൻഡുള്ള റോളായി ഡെവലപ്പർമാർ മാറുന്നുവെന്നും ഇൻഡീഡ് ലിസ്റ്റ് വെളിപ്പെടുത്തുന്നുണ്ട്. പ്രത്യേകിച്ച് ഒരു വെബ് ആപ്ലിക്കേഷന്റെ ഫ്രണ്ട്-എൻഡ്, ബാക്ക്-എൻഡ് ഡിസൈൻ ചെയ്യാനും വികസിപ്പിക്കാനും നോക്കാനും കഴിയുന്നവർക്കുള്ളതാണ് മികച്ച 10 ജോലി റോളുകളിൽ അഞ്ചെണ്ണവും.
ടെക് റോളുകൾ ഇന്ത്യയിൽ മാത്രമല്ല ആഗോളതലത്തിലും നേടുന്നുണ്ട്. 2023 ലെ ഇൻഡീഡിന്റെ ഗ്ലോബൽ ബെസ്റ്റ് ജോബ്സ് ലിസ്റ്റിൽ, ടെക് ജോലികൾ മികച്ച മൂന്ന് സ്ഥാനങ്ങൾ നേടി. ഫുൾ സ്റ്റാക്ക് ഡെവലപ്പർ, ഡാറ്റ എഞ്ചിനീയർ, ക്ലൗഡ് എഞ്ചിനീയർ എന്നീ റോളുകളാണ് സ്ഥാനം പിടിച്ചത്.
മറ്റുവഴികളില്ല, ബോണസുകൾ വെട്ടി കുറച്ച് ആപ്പിൾ; നിയമനം മരവിപ്പിക്കുന്നു
ഫേസ്ബുക്കിൽ വീണ്ടും കൂട്ട പിരിച്ചുവിടൽ; ഈ വർഷം ജോലി നഷ്ടമാവുക 10000 പേര്‍ക്ക്