മനസും ശരീരവും കൂളാക്കാം, പ്രകൃതിയുടെ മായാജാലം കാണാം; കണ്ടാലും കേട്ടാലും മതിവരാത്ത ഇടുക്കി വന്യജീവി സങ്കേതം

ചെറുതോണി, പെരിയാര്‍ നദികളുടെ കരകളിലാണ് ഈ വന്യജീവി സങ്കേതം സ്ഥിതി ചെയ്യുന്നത്.

ഇടുക്കി: കേരളത്തിൽ പ്രകൃതിഭം​ഗിയ്ക്ക് പേരുകേട്ട ജില്ലയാണ് ഇടുക്കി. മൂന്നാർ ഉൾപ്പെടെ നിരവധി വിനോദസഞ്ചാര കേന്ദ്രങ്ങൾ ഇടുക്കി ജില്ലയിലുണ്ട്. ഇടുക്കി ആർച്ച് ഡാമിന്റെ കാഴ്ചകൾ ജീവിതത്തിൽ ഒരിക്കലെങ്കിലും ആസ്വദിക്കേണ്ടതാണ്. ഇടുക്കിയുടെ ഭം​ഗി മുഴുവൻ ഒപ്പിയെടുത്ത മറ്റൊരു ഡെസ്റ്റിനേഷനാണ് ഇടുക്കി വന്യജീവി സങ്കേതം.

ചെറുതോണി, പെരിയാര്‍ നദികളുടെ കരകളിലാണ് ഇടുക്കി വന്യജീവി സങ്കേതം സ്ഥിതി ചെയ്യുന്നത്. സമുദ്രനിരപ്പില്‍ നിന്ന് 450 മുതല്‍ 750 മീറ്റര്‍ വരെ ഉയരത്തില്‍ സ്ഥിതി ചെയ്യുന്ന പ്രദേശമാണിത്. നല്ല കാലാവസ്ഥയില്‍ ജലാശയത്തിലൂടെയുള്ള ബോട്ടുയാത്ര വനഭംഗി ആസ്വദിക്കാനും വന്യജീവികളെ കാണാനും അവസരമൊരുക്കും. ഉഷ്ണമേഖലാ മഴക്കാടുകളും ഇലപൊഴിയും കാടുകളുമാണ് തടാകതീരത്തുള്ളത്. ഇടുക്കി ആര്‍ച്ച് ഡാം അതിരിടുന്നതാണ് പ്രകൃതി കൈയഴിഞ്ഞ് അനുഗ്രഹിച്ച ഈ വന്യജീവി സങ്കേതം.

വനം വകുപ്പ് നടത്തുന്ന പരിസ്ഥിതി ടൂറിസം പ്രവർത്തനങ്ങൾ ഇവിടെ വനഭൂമിയും അതിന്റെ സൗന്ദര്യവും ആഴത്തിൽ പര്യവേക്ഷണം ചെയ്യാൻ ആഗ്രഹിക്കുന്നവർക്ക് അനുയോജ്യമായ ഒരു ഓപ്ഷനാണ്. ഈ വന്യജീവി സങ്കേതത്തിലെ ആവാസവ്യവസ്ഥയുടെ വൈവിധ്യം ആരെയും അതിശയിപ്പിക്കും. ആനകൾ, കാട്ടുപോത്ത്, കാട്ടുനായ്ക്കൾ, കാട്ടുപൂച്ചകൾ, കടുവകൾ, കാട്ടുപന്നി എന്നിവയും മൂർഖൻ, അണലി, ക്രെയ്റ്റ്, വിഷമില്ലാത്ത നിരവധി പാമ്പുകൾ എന്നിവയുൾപ്പെടെ വിവിധ ഇനം പാമ്പുകളും ഇവിടെ സാധാരണമാണ്. ഗ്രേ ജംഗിൾ ഫൗൾ, മലബാർ ഗ്രേ ഹോൺബിൽ, മരപ്പട്ടികൾ, ബുൾബൾസ് എന്നിവയുൾപ്പെടെ വൈവിധ്യമാർന്ന നിരവധി പക്ഷി ഇനങ്ങളും ഇവിടെ കാണപ്പെടുന്നു.

എങ്ങനെ എത്താം

അടുത്ത റെയില്‍വേ സ്‌റ്റേഷന്‍ : കോട്ടയം, ഏകദേശം 114 കി. മീ.

അടുത്ത വിമാനത്താവളം : മധുര, തമിഴ്‌നാട്, ഏകദേശം 140 കി. മീ., കൊച്ചി അന്താരാഷ്ട്ര വിമാനത്താവളം, ഏകദേശം 190 കി. മീ.