സഞ്ചാരികളുടെ തിരക്കില്ല; ശാന്തത തേടുന്നവർക്ക് ഇതാണ് ബെസ്റ്റ് സ്പോട്ട്, മാടശ്ശേരി വെള്ളച്ചാട്ടം

 ആഴമില്ലാത്ത വെള്ളച്ചാട്ടത്തിൽ സുരക്ഷിതമായി കുളിക്കാനും മരങ്ങളുടെ തണലിൽ വിശ്രമിക്കാനും സാധിക്കും.

അധികമാർക്കും അറിയാത്തതും എന്നാൽ മനോഹരമായ ദൃശ്യാനുഭവം സമ്മാനിക്കുന്നതുമായ ഒരു വെള്ളച്ചാട്ടത്തിലേയ്ക്കാണ് യാത്ര. തിരുവനന്തപുരത്തെ കാട്ടാക്കടക്കും അമ്പൂരിക്കും അടുത്തുള്ള മാടശ്ശേരി വെള്ളച്ചാട്ടമാണിത്. മലയോര ഗ്രാമഭംഗി ആസ്വദിച്ച് തിരക്കുകളില്ലാതെ അൽപ്പ നേരം ചെലവഴിക്കാൻ മാടശ്ശേരിയിലേയ്ക്ക് പോകാം.

കാട്ടാക്കാട - വെള്ളറട റൂട്ടിലാണ് മനോഹരമായ ഈ വെള്ളച്ചാട്ടം സ്ഥിതി ചെയ്യുന്നത്. വാഴിച്ചൽ ജംഗ്ഷൻ എത്തുന്നതിന് മുമ്പ് മാടശ്ശേരി എന്ന ബസ് കാത്തിരിപ്പ് കേന്ദ്രമുണ്ട്. അതിന് എതിർ വശത്തായുള്ള പാലത്തിന് സൈഡിലൂടെ അൽപ്പദൂരം മുകളിലേയ്ക്ക് നടന്നാൽ വെള്ളച്ചാട്ടത്തിലെത്താം. ആഴമില്ലാത്തതിനാൽ തന്നെ സുരക്ഷിതമായി കുളിക്കാനും മരങ്ങളുടെ തണലിൽ വിശ്രമിക്കാനുമെല്ലാം ഇവിടം അനുയോജ്യമാണ്. മഴക്കാലത്ത് വെള്ളച്ചാട്ടം നിറഞ്ഞുകവിഞ്ഞൊഴുകുന്ന കാഴ്ചയും അതിമനോഹരമാണ്.

നെയ്യാർ ഡാമും അമ്പൂരിയുമെല്ലാം സഞ്ചാരികളുടെ ലിസ്റ്റിൽ പതിവായി ഇടം നേടുന്നതിനാൽ ഇവിടെ വലിയ തിരക്ക് കാണാറില്ല. പ്രവേശന ഫീസും നൽകേണ്ടതില്ലെന്നതാണ് മാടശ്ശേരിയുടെ പ്രത്യേകത. ഇവിടേയ്ക്ക് പോകുന്നവര്‍ പ്ലാസ്റ്റിക് മാലിന്യങ്ങൾ വലിച്ചെറിഞ്ഞ് പ്രകൃതിയെ മലിനമാക്കാതിരിക്കാൻ പ്രത്യേകം ശ്രദ്ധിക്കുമല്ലോ...

നെയ്യാർ ഡാമും അമ്പൂരിയുമെല്ലാം സഞ്ചാരികളുടെ ലിസ്റ്റിൽ പതിവായി ഇടം നേടുന്നതിനാൽ ഇവിടെ വലിയ തിരക്ക് കാണാറില്ല. പ്രവേശന ഫീസും നൽകേണ്ടതില്ലെന്നതാണ് മാടശ്ശേരിയുടെ പ്രത്യേകത. ഇവിടേയ്ക്ക് പോകുന്നവര്‍ പ്ലാസ്റ്റിക് മാലിന്യങ്ങൾ വലിച്ചെറിഞ്ഞ് പ്രകൃതിയെ മലിനമാക്കാതിരിക്കാൻ പ്രത്യേകം ശ്രദ്ധിക്കുമല്ലോ...