ഈ യാത്ര മിസ് ചെയ്യരുത്! ടിക്കറ്റ് തീരും മുമ്പ് ബുക്ക് ചെയ്യാം; മൂന്നാർ ഡബിൾ ഡെക്കർ ബസിൽ സീറ്റ് ഉറപ്പിക്കാനുള്ള സ്റ്റെപ്പ് ബൈ സ്റ്റെപ്പ് ഗൈഡ്

മൂന്നാറിലെ കെഎസ്ആർടിസി ഡബിൾ ഡെക്കർ സൈറ്റ് സീയിം​ഗ് സർവീസിന് വൻ ജനപ്രീതിയാണ് ലഭിക്കുന്നത്. സര്‍വീസ് ആരംഭിച്ച് വെറും 9 മാസം പിന്നിട്ടപ്പോൾ തന്നെ വരുമാനം 1 കോടി കവിഞ്ഞിരുന്നു. 

മൂന്നാറിലെ ഡബിൾ ഡെക്കർ സൈറ്റ് സീയിം​ഗ് സർവീസിന് വൻ ജനപ്രീതി. സർവീസ് ആരംഭിച്ച് വെറും 9 മാസങ്ങൾ പിന്നിട്ടപ്പോൾ തന്നെ റോയൽ വ്യൂ ഡബിൾ ഡെക്കർ സർവീസിന്റെ വരുമാനം 1 കോടി പിന്നിട്ടെന്നാണ് കെഎസ്ആർടിസി കഴിഞ്ഞ ദിവസം അറിയിച്ചത്. ഇക്കാലയളവിൽ 1,00,07,400 രൂപയാണ് റോയൽ വ്യൂ ഡബിൾ ഡെക്കർ വരുമാനമായി നേടിയത്. മൂന്നാറിലെത്തുന്ന വിനോദസഞ്ചാരികൾക്ക് എങ്ങനെ റോയൽ വ്യൂ ഡബിൾ ഡക്കറിൽ സീറ്റ് ഉറപ്പിക്കാം എന്ന് നോക്കാം.

ദിവസേന മൂന്ന് ട്രിപ്പുകളാണ് റോയൽ വ്യൂ ഡബിൾ ഡെക്കർ സർവീസിനുള്ളത്. രാവിലെ 9 മണിയ്ക്കാണ് ആദ്യത്തെ ട്രിപ്പ്. ഉച്ചയ്ക്ക് 12.30നും വൈകുന്നേരം 4 മണിയ്ക്കും ട്രിപ്പുകളുണ്ട്. താഴെയും മുകളിലുമായി ആകെ 50 സീറ്റുകളാണുള്ളത്. ഇതിൽ താഴെ ഒരാൾക്ക് 200 രൂപയും അപ്പര്‍ ഡെക്കിൽ 400 രൂപയുമാണ് നിരക്ക്. ആകെ 3 മണിക്കൂർ നീണ്ടുനിൽക്കുന്ന യാത്രയിൽ ലോക്ക്ഹാർട്ട് വ്യൂ, റോക്ക് കേവ്, പെരിയകനാൽ വെള്ളച്ചാട്ടം, ആനയിറങ്കൽ തുടങ്ങിയ സ്ഥലങ്ങൾ സന്ദർശിക്കും. onlineksrtc swift.com എന്ന ലിങ്കിൽ കയറി നിങ്ങളുടെ സീറ്റ് ഉറപ്പിക്കാവുന്നതാണ്.

എങ്ങനെ ബുക്ക് ചെയ്യാം?

• ഔദ്യോഗിക വെബ്സൈറ്റിൽ പ്രവേശിക്കുക
• Travelling from - MUNNAR ROYAL VIEW DOUBLE DECKER
• Going To - SIGHT SEEING എന്ന് സെലക്ട് ചെയ്ത് ആവശ്യമായ വിവരങ്ങൾ നൽകി ബുക്ക് ചെയ്യാവുന്നതാണ്.