പടവലം കൃഷി

ഭക്ഷണമായും ആയുർവേദമരുന്നായും ഉപയോഗിക്കുന്ന വെള്ളരിവർഗവിളയാണ് പടവലം.

നനവിളയായി ജനുവരി-മാർച്ച് കാലങ്ങളിലും കുറഞ്ഞ തോതിലുള്ള നനവിളയായി സപ്തംബർ-ഡിസംബർ കാലങ്ങളിലും പടവലം കൃഷി ചെയ്യാം. ഒരുസെന്റിന് 16-20 ഗ്രാം വിത്ത് ആവശ്യമാണ്. സെന്റിൽ 14 തടങ്ങളേപാടൊള്ളു.

ഓരോ തടത്തിനും രണ്ടുമീറ്ററെങ്കിലും ഇടയകലവും രണ്ടടിവ്യാസവും ഒരടിആഴവും ഉണ്ടായിരിക്കണം. നിലം നന്നായി കിളച്ചൊരുക്കിയശേഷം ചപ്പിലകൾ വിതറി കത്തിക്കുന്നത് മണ്ണിലെ കീടബാധകളെ ഇല്ലാതാക്കും.

1സെന്റിൽ കൃഷി ചെയ്യാൻ 50കിലോ ചാണകപ്പൊടിയോ കംമ്പോസ്റ്റോ മേൽമണ്ണുമായി കലർത്തി കുഴികളിലിട്ടശേഷം 50ഗ്രാം വേപ്പിൻപിണ്ണാക്ക്‌ പൊടിച്ചത് 50ഗ്രാം കുമ്മായം എന്നിവയും ചേർത്തിളക്കി നനച്ചിടുക

കൂമുദി, മനുശ്രീ, ബേബി. ടി.എ.-19, എന്നിവയാണ് മികച്ച പടവലം ഇനങ്ങൾ

ഒരു തടത്തിൽ നാലോഅഞ്ചോവിത്തുകൾ പാകി മുളപ്പിച്ചതിനുശേഷം മൂന്നില പരുവമായാൽ അതിൽ നല്ലകരുത്തുള്ള മൂന്നെണ്ണം മാത്രം നിർത്തി ബാക്കി പിഴുതുകളയണം.

ഉറപ്പുള്ള പന്തൽ നിർമ്മിക്കുക. പന്തലിന് നല്ല ഉറപ്പില്ലെങ്കിൽ പടവലംമൊത്തം കായ്ക്കാൻ തുടങ്ങുമ്പോൾ ഭാരം കൂടി പന്തൽ ഒടിഞ്ഞുവീണ് കൃഷിമൊത്തം നശിച്ചുപോവും.

കായ ചെറുതായി വന്നുതുടങ്ങുമ്പോൾത്തന്നെ പോളിത്തീൻ കവറുകൊണ്ടോ കടലാസുകൊണ്ടോ സംരക്ഷിച്ചാൽ ഇലതീനിപ്പുഴു, കായ്തുരപ്പൻ പുഴു എന്നിവയിൽ നിന്ന് അവയെ സംരക്ഷിക്കാം.