ഒച്ചിഴയും വേഗത്തില്‍

ടി20 ലോകകപ്പില്‍ ഏകദിന ക്രിക്കറ്റ് കളിച്ച് കവേഗം കുറഞ്ഞ സെഞ്ചുറികള്‍ നിരവധി ബാറ്റര്‍മാരുണ്ട്. അതാരൊക്കെയെന്ന് നോക്കാം.

ലോകകപ്പില്‍ വെടിക്കെട്ടില്ലാതെ വേഗം കുറ‌ഞ്ഞ സെഞ്ചുറികള്‍ നേടിയ ബാറ്റര്‍മാരില്‍ ഇന്നത്തെ വെടിക്കെട്ട് ബാറ്റര്‍മാരുമുണ്ടെന്നതാണ് കൗതുകകരം.

ഇംഗ്ലണ്ട് നായകനായിരുന്ന ജോസ് ബട്‌ലറും ഈ പട്ടികയിലുണ്ട്. 2021ലെ ടി20 ലോകകപ്പില്‍ 67 പന്തില്‍ ബട്‌ലര്‍ നേടിയ സെഞ്ചുറിയാണ് ലോകകപ്പിലെ വേഗം കുറഞ്ഞ സെഞ്ചുറി.

2010ലെ ടി20 ലോകകപ്പില്‍ 64 പന്തില്‍ സെഞ്ചുറി പൂര്‍ത്തിയാക്കിയ ശ്രീലങ്കയുടെ മഹേല ജയവര്‍ധനെ ആണ് ഈ പട്ടികയില്‍ രണ്ടാമത്.

ന്യൂസിലന്‍ഡിന്‍റെ വെടിക്കെട്ട് ബാറ്ററായ ഗ്ലെന്‍ ഫിലിപ്സും ഉണ്ട് ഈ പട്ടികയില്‍. 2022ലെ ടി20 ലോകകപ്പില്‍ 64 പന്തിലാണ് ഫിലിപ്സ് സെഞ്ചുറി നേടിയത്.

2016ലെ ടി20 ലോകകപ്പിലായിരുന്നു തമീം ഇക്ബാല്‍ വേഗം കുറഞ്ഞ സെഞ്ചുറി കുറിച്ചത്. 63 പന്തുകളിലാണ് തമീം മൂന്നക്കം കടന്നത്.

ടി20 ലോകകപ്പില്‍ ഇന്ത്യക്കായി സെഞ്ചുറി നേടിയ ഒരേയൊരു ഇന്ത്യൻ താരമായ സുരേഷ് റെയ്നയും പട്ടികയിലുണ്ട്. 60 പന്തിലായിരുന്നു റെയ്ന സെഞ്ചുറി തികച്ചത്.

ഈ മാസം ഏഴിനാണ് ടി20 ലോകകപ്പ് നിലനിര്‍ത്താനുള്ള ഇന്ത്യയുടെ പോരാട്ടം തുടങ്ങുന്നത്. ആദ്യ മത്സരത്തില്‍ അമേരിക്കയാണ് എതിരാളികള്‍.