ശൈത്യയും അനുമോളും

ബി​ഗ് ബോസ് മലയാളം സീസൺ 7ലെ അടുത്ത സുഹൃത്തുക്കളായിരുന്നു ശൈത്യയും അനുമോളും. എന്നാൽ ഷോയുടെ പകുതിയിൽ വച്ച് ഇരുവരും പിരിഞ്ഞു.

അനുമോളെ പുറകിൽ നിന്നും കുത്തിയ 'കട്ടപ്പ' ആണ് ശൈത്യ എന്ന് ബി​ഗ് ബോസ് പ്രേക്ഷകർ പറയുകയും സോഷ്യൽ മീഡിയയിൽ പോസ്റ്റുകൾ പ്രത്യക്ഷപ്പെടുകയും ചെയ്തിരുന്നു.

ഇന്നലത്തെ എപ്പിസോഡിൽ ഫിനാലേയോട് അനുബന്ധിച്ച് ശൈത്യ അടക്കമുള്ളവർ ഷോയ്ക്ക് അകത്ത് കയറിയിട്ടുണ്ട്. അനുമോളെ വിടാതെ പിടിച്ചിരിക്കുകയാണ് ശൈത്യയും.

അനുവിന്റെ പിആർ അടക്കമുള്ള കാര്യങ്ങൾ ഹൗസിനുള്ളിൽ വെളിപ്പെടുത്തിയ ശൈത്യ, അനീഷിന്റെ വിവാഹാഭ്യർത്ഥനയും എടുത്തിട്ടിട്ടുണ്ട്.

'നമുക്ക് ഇവരുടെ എൻ​ഗേജ്മെന്റ് നടത്തണം, അവൾക്ക് അങ്ങനെ മനസിലുണ്ടെങ്കിൽ', എന്നാണ് ഷാനവാസിനോടായി ശൈത്യ പറയുന്നത്.

ആൾ റെഡി ഈ വിഷയം കഴിഞ്ഞുവെന്ന് അനീഷ് പറയുന്നുണ്ടെങ്കിലും അത് അം​ഗീകരിക്കാൻ ശൈത്യ തയ്യാറാകുന്നില്ല.

അനുമോളെ ലക്‌ഷ്യം വെച്ചാണ് ശൈത്യ ഹൗസിൽ വന്നതെന്നും ഈ കുത്തിരിപ്പ് നല്ലതല്ല എന്നും സോഷ്യൽമീഡിയയിൽ ശൈത്യക്കെത്തിരെ കമന്റുകൾ ഇപ്പോൾ നിറയുകയാണ്.